Mahal, habang ako'y naghihintay,
Habang ang puso ko'y sa'yo nahihimlay
Ako ay gagawa,
Ng isang sumpa para sa ating dalawa.
Sumpa na pangmatagalan,
Sumpang magtatagal magpakailanman
Sumpang Walang Hanggan,
Sumpang Walang Katapusan
Uumpisahan ko ang sumpa, sa pangakong ikaw lang
Pangakong iibigin ka at paglilingkuran
Pangako puso ko'y sa'yo lang
Pangako ika'y hindi ko tatalikuran
Pangako ikaw lang wala nang iba
Pangako hindi magpapadala sa kaba
Pangako ika'y pangangalagaan
Pangako hindi ka paglalaruan
Pangako ikaw lang talaga
Pangakong hindi matutumbasan ng anumang halaga
Pangako ng pag-aalaga
Pangako ng pagtitiyaga
Pangakong hindi ipapako
Pangakong ikaw at ako
Pangako sa hirap man o ginhawa,
Pangakong hindi lamang sinasabi, ginagawa
Ito na ang aking sumpa,
Mga pangako sa ngiti man o sa luha
Mga pangakong para sa'yo,
Pangakong dadalhin kahit saang ibayo.
Sumpa ko sa'yo ito mahal,
At kung palaring magtagal,
Ihaharap kita sa dambana ng Nuestra Señora dela Paz y Buen Viaje
At sisimulan natin ang mahabang biyahe.
BINABASA MO ANG
Tula ng isang umiibig
PoetryMAHAL. (Sa mga babasa nito, sorry sa mga mistakes. Magustuhan at maintindihan nyo sana...)