Perfect Fake 2

Epilogue

          TULAD NG SINABI ni Mama Vanessa, maaga siyang umuwi para sa maliit na celebration para kay baby boy Chanz. Dumating din sina Papa Redd, Mama’t Papa ko, ang mga JA, Alba, Minnie at si James.

          “Congrats, Chase.” sabi ni James nang lapitan niya ako at iwan niya ang magpinsang Alba at Ranz na nagkukwentuhan.

          I smiled. “Thank you.” sagot ko.

          “Ninong ako, ha.” sabi pa niya.

          “Sure.”

          “Mas gumanda ka ngayon, ah. Medyo nanaba ng kaonti, pero bagay pa rin sa ‘yo.”

          “Bola. Nagpapakalusog ako para kay baby Chanz.”

          “You’ll be an amazing mother, for sure. Swerte ni Ranz at ng baby mo sa ‘yo. Maalaga, mabait, bonus pa na maganda.”

          “Bolero ka, James. Kamusta naman kayo ni Alba?”

          Tumawa siya.

          “Ayos naman. Going strong.”

          “Good to hear that.”

          “Sige, puntahan ko muna si Ranz para i-congratulate. Congrats again.”

          Nakangiting tumango ako. Tumalikod naman siya para lumapit kina Ranz. Ilang sandali lang ang lumipas ay si Minnie naman ang lumapit.

          Kanina ko lang nalaman kay Mama Vanessa na 2nd cousin pala ni Ranz si Minnie. And she’s just 15, pero kung titingnan ko siya mukha na siyang kaedad ko, 18! Matured ang itsura. Mas mukha pa yata akong bata sa kanya.

          “Hi, Ate Chase. Congrats. Pasensya ka na kung kinasabwat ako ni Kuya Ranz, ha.”

          Ngumiti ako. “It’s okay. Maloko naman talaga ‘yang Kuya Ranz mo.”

          “I hope maging sobrang malusog ang baby boy niyo.”

          “Salamat.”

          “Friend, congrats.” sabad ng mga JA sa usapan namin.

          “Salamat.”

          “Sige, maiwan na kita, Ate Chase.” paalam ni Minnie.

          “Señoritang-señorita ang dating mo rito, friend.” sabi ni Elisse. “You look so elegant, kahit preggy.”

          “Kanina pa ‘yang bola na ‘yan, ha.”

          “Totoo kaya.”

          “Babaeng ‘to. Mukha bang bobolahin ka ng mga kaibigan mo.” sabi naman ni Maecee.

          “Tama.” sabay-sabay na sabi nila.

          “Sige na, sige na. Salamat na.”

          “Kanta ka naman. Duet kayo ni Daddy Ranz.” sabi ni Kaye.

          Nag-iisip pa lang ako nang magsalita uli si Kaye. “Minsan lang kami mag-request, girl.”

          “Sabihin niyo kay Ranz.”

          Pagkasabi ko no’n ay mabilis na nilapitan nila si Ranz na kausap ang mga barkada niya.

          Nakangiti naman silang pinaunlakan nito.