Diksyunaryo ng mga Salitang Balbal

Diksyunaryo (C-F)

C

cha•ka pnr: 1. hindi maganda; masama ang itsura 2. Hindi kaakit-akit o kalugod-lugod, hal. Ang chaka ng pagkakagawa ng proyekto ko.

cha•rot png: 1. anumang sinasabi o ginagawa upang magpatawa 2. Bagay na ginagawa o sinasabi upang manukso, hal. Boyfriend ko na ang crush ko, charot lang.

chi•bog png: anumang mahalagang substance na kinakain o iniinom upang magbigay ng lakas at sustansya sa katawan, hal. Ayos! Dadating na naman si Ate, siguradong marami na namang chibog.

chicks png: tumutukoy sa sex na may kakayahang magbuntis at manganak, babae, hal. Maraming chicks ngayon sa bayan, fiesta kasi.

D

dab•ya•na pnr: kabilugan ng katawan, mataba, hal., hiyang ka sa bukid a, dabyana ka ngayon.

da•mo png: halaman na may dahong ginagamit sa sigarilyo at may epektong narkotiko, marihuwana hal.Nadaanan ko si Mang Selo na humihithit ng damo.

da•tung png: 1. salapi, sentimos 2.bayad sa trabaho; tubo sa pinuhunan. hal.Ang dami na naman ng kailangang bilhin,nauubusan na ako ng datung!.

di•na•da•ga pnd: 1. Nangangamba; nag-aalinlangan 2. Ninenerbyos; natatakot, hal. Dinadaga ako sa tuwing nakikita ko siya.

di•nu•gas pnd: kinuha ang bagay ng walang pahintulot, hal. Ang takaw talaga ng kapatid ko, dinugas na naman ang pagkaing tinago ko.

di•tey pnb: pook,dako,o panig na malapit na malapit sa nagsasalita. hal. Ditey ka na lamang umupo sa tabi ko.

E

e•mo pnr: nagpapakita ng labis na emosyon. hal. Gusto raw niyang mapag-isa, nag-eemo na naman ata.

F

fa•dir png: magulang na lalaki. hal. Si Fadir ang nagtutustos ng lahat ng pangangailangan ko sa pag-aaral.

fee•li•nge•ra pnr: mapapel sa mga bagay-bagay. hal. Feelingera ang taong iyon, gustong lagi siya ang napapansin sa lahat ng bagay.

fes png: harapan ng ulo mula noo hanggang baba hal. Anong sabon ang gamit mo sa fes mo?