Diksyunaryo ng mga Salitang Balbal

Diksyunaryo (G-L)

G

go•ra png : pagtungo sa isang dako o pook. hal. Gora na tayo sa plasa, nag-iintay na ang iba nating kabarkada.

gu•rang pnr: maedad, magulang na hal. Gurang na ang lolo ko.

H

ha•li•pa•rot pnr: mapanukso, mapang-akit; mapanghalina hal. Ang babaeng iyon ay isang haliparot.

hos•tes png: ang ikinabubuhay ay pakikipagtalik hal. Hindi lahat ng hostes ay masamang babae.

I

in•zan png: anak ng kapatid ng ina o ama hal .Malapit ako sa lahat ng aking mga inzan.

J

ja•porms png: 1.damit na suot-suot;kasuotan 2. paraan ng pananamit hal. Ayos ang japorms natin ngayon ah, saan mo yan nabili?

jum•ba•gan png: paglalaban; alitan hal. Nasaksihan ko ang jumbagan ng mga kabataan doon sa kanto.

K

ka•bit png: taong kinakasama bukod sa tunay na asawa hal. Sumama na si Rey sa kanyang kabit at iniwan ang kanyang pamilya.

ka•lo•ka•like pnr: katulad ang mukha o hitsura hal. Ang galing naman, kalokalike niya ang artistang si Kristine Reyes.

Ka•no png: taga-Amerika o Estados Unidos. hal. Maraming Kano ang nawiwiling manirahan sa Pilipinas.

ke•ri pnb: sukat ng sariling lakas ng katawan o ng pag-iisip hal. Keri mo bang umakyat sa bundok Maculot?

ku•man•der png: kabiyak o kaisang-dibdib hal. Uuwi na ako, baka magalit na naman si kumander.

L

la•gay png: suhol hal. Karamihan sa mga pulis ay tumatanggap ng lagay mula sa mga motorista na lumalabag sa batas trapiko.

lu•ma•fang pnd: paglunok o pagnguya sa pagkain para mapawi ang gutom hal. Doon kami sa may restaurant sa labas lumafang.