الحلقه الرابعه عشر ...
وهنا خدت رنا صندوق وفتحاته ... فالقت فيه بدله بسيطه متع حجاب وراقيه تناسب ماشية عشيه ومعاها ورقه مكتوب فيها ..
قصى .... رح تلقى سواق ساعه 6 يستنى فيك باش يحطك .... وساعه 9 ياخدك ...
رنا ..... ياهووووووووووو واخيراااااااااا رح نمشى انت احلى شرير فى العاااااااالم ...ههههههههههه .... وقعدة تنقز فوق سرير زى مجنونه وبعدين ناضت بسرعه ونزلت فطرة وركبت لدا رها وهيا فى قمة الفرح ... ولاول مره تطلع مشوار وتحس روحها عروسه والاجمل انى قصى الا شرلها لبسه والمجوهرات .. وهنا طرحت لبستها وبدت تقرر شن نوع المكياج والمونكير الا تحطه وبعدين خشت لتواليت دارت دوش واستشورة شعرها وقامته جدااااا وبدت تحط فى مكياج ومونكير ...
ومع ساعه 5 مزبوطه كانت جاهزه ...فاقعمزة تحط فى مونكير ... وتنتظر فى مرور ساعه لحد مايكون سواق فم الباب .... ومع ساعه 6 الا خمسه بزبط ... طقت عليها سيرنا ...
سيرنا .... مدام ... سوق لوطه يستنى ..
رنا ... اوك لحظه وننزل
وخدت شنطتها وحطت طرحه على راسها ونزلت ... واول ماركبت لسياره .... وسكرت الباب ...
قصى .... نقصى من الاحمر الا على شفايفك ...
رنا ..... ) علامات الصدمه ودهشه والاستغراب ( شن جيبك هنا ... رح تمشى معاى للحفله ؟
قصى .... نقصى الروج الا على شفايفك احسن مانمسحهولك انى باايدى ونريحك منه ...
رنا .... اوك ...
وهنا خدى كلينكش ومدهولها ....
قصى .... عندك مشكله فى وجودى معاك ؟
رنا .... لا لا بالعكس كنت نتمنى نمشو مع بعض .. ماتنساش اننا قدام كل ناس عرسان جدد
قصى .... اوك دخلى شعرك الا طالع من جنب ..
رنا .... اووك انت خيرك مركز معى ) مع نظرة عصبيه (
قصى .... لانك مرتى اقلها قدام ناس ... وانى الشى الا نملكه مانحبش حد يتفرج عليه ..
رنا .... ) مع نظره حاده ( ... انى مش كلبه تملكها يااخوناااااا
قصى ... هههههههههه ياريت اقلها الكلب وفى لصاحبه .. ومايخوناش مهما كان سبب
رنا .... انى ماخنتكش ... اااااافهم ... ولاناويه نخونك
قصى .... ولارح نعطيك فرصه اصلاااااا انك ترجعى تخونينى لانى مش رح نرجع ونكون ليك ...
رنا .... لامتى نستمرو هكى ...
قصى .... لحد ماتنتهى حكايتنا . للاخر
رنا ... اوك احنا وصلنا ... ممكن اقلها قدام ناس نكونو طبيعين ؟
قصى ... ) شبحلها واكتفى بصمت (
ونزل ... واول مانزل فتحلها سياره ... وخدى ايدها وضمها لايده ... وهيا كانت فى قمة صدمتها من ردود فعله وقدرته على تغير شخصيته من موقف لتانى فى لمح البصر ...واول ماخشو مع بعض .... استقبلوهم صاحبين المنزل .... وكانو كل مدعوين حاضرين وبيهم اكتمل العدد .... وطلعو على الجنينه .... بعد ربع ساعه من ترحيب وتعارف .... وبدو فى الحكى وفتح المواضيع وحفلة الشواء .... وفى اللحظه الا كانت فيها رنا تحكى مع صديقتها نسرين وتشرب فى عصير وتشبح لقصى فى نظرات كانت فى اعماقها مشاعر حلوووه جدااااا ... وهوا يكتفى بنظر ليها بدون مايصدهاا او يسايرها .... وفى اللحظه الا نزل فيها عينه ورنا كانت تراقب فيه كيف يتكلم ويحكى مع ناس ... وتبتسم لحلاوات حركاته وشخصيته وتصرفاته مع ناس وابتسامته ... ولانها عرفت شخصيه وبدت تتعرف على شخصيه كانت بجد فى اعماق وحش ... بس ياترى هل وراء هالوحش امير بس لعنة الساحره هيا الا صورته فى صورة هالوحش ... اكيييييد ... ورح تعرف توصل رنا لاعماق هالشخصيه ...
نسرين .... رناااااا وين مشيتى هههههه هدا كله سارحه فى غزالك هههههه اظهر وبان عليك الامان ..
رنا .... شن هوا الا يبان يعطيهالك هههههه
نسرين .... الحب الحب الا ينط فى عيونك نط .... مغرمه معجبه ان بقى مش عايزه الا هو ا هههههه
رنا .... مبرررردك ... لحنتيهالى ونانسى عجرم مره وحده .... اكيييبد نحبه مش راجلى ..
نسرين .... باهى مالا شوفى كيف بنشهدر بيك ...
نسرين .... تجمعوووو هنا وخلووونا نباركو لشخصين هههههه او بالاحرى لى تلاته .... الكبل الاول .... هما العرسان قصى ورنا .... لانهم جدااا على المنطقه وعرسان كيف متزوجين
رنا .... تسلمى حبيبتى ...
نسرين ... وهادى هديه مناسبه منا بمناسبة زواجكم منى انى ومحمد ...
قصى ورنا .... بارك الله فيكم
ومسك فى ايدها بقوه وابتسم ...وقاللها ...و
قصى ... دخلى شعرك رنا ماتهبلنيش فى جرتك ... ولا الا قدامك مش رجاله ؟
رنا ..... حاضر ... حبيبى
)وهنا خدودها ولو حمر والكلمه طلعت منها بشكل هاااادى جداااا وصوت خفيف ... وقصى قعد يشبحلها شوى وبعدين نحى ايده وتلاشت الابتسامه وحل محلها علامات غضب وسيبها ومسى جيهة كرسى فاضى وقعمز فيه ...
وفى اللحظه هيا نسرين قتلهم ...
نسرين .... وشخص التالت هوا انى بمناسبة وصول اخى بسلامه لعندى ...
واول ماخش ... جت لى رنا صدمه تلاتية الابعاد وطاح من يدها الكأس ... وقعدة واقفه تشبح مصدومه ... وقصى ... قعد يشبحلها ويشبحله ... وعلامات الغضب مع صدمه مع البرود متجمعين فى شخص واحد ... اكتفى ان يتعرف عليه ... من صورته الا شافه مره ف ميمورى زوجته ... بس تعامل مع الوضع بشكل عادى وكأنه مايعرف شى ...
واول مافاقت رنا لروحها خدت ايد نسرين وقالتلها ...
رنا .... ارفعينى لتواليت ..
نسرين .... اوك تعالى ياحلوه من هنا
رنا .... ماقولتيليش قبل على خوك هوا ؟
نسرين .... هدا خوى من مرة بوى تانيه الله يسامحها ... نكرة بوى علينا وخوى لما كبر بس عرف ان عنده اخت .... ولان امه موصياته مايعترفش بيا كااخت ليه ... فايحاول يرضيها وف نفس الوقت لو سنحتله الفرصه يشوفنى ويخلينى نطمن عليه ..
رنا .... ربى يخليهولك يارررب .هدا الحمام كملى والحقينى
رنا .... اوووك ...
خشت رنا للحمام ... وطلعت نسرين ... وقعدة تحاول تستوعب صدمه وتتصرف بشكل طبيعى وتفكر كيف تروح بدون ماتحسس حد انا فى شى ... وبعد توانى من تفكير ... خدت نفس شهيق وفتحت الباب ..
وماحستش الا باايد تجدب فيها داخل زوايه متركنه ...
رنا .... بعدددد ابدك انت بجدددد حقير ....
يوسف ..... اى منهم الا برا زووووجك وانى نفهمه انى شنى بالنسبه ليك ...
رنا ... انت ولاشى افههههم ... نقولهالك من الاخير ... انى نحب زووووجى ونموووت فيه ... ومنه هوا عرفت انى كنت صغيره والا كنت نحس بيه اتجاهك مش حب .. يعنى تقدر تقول كنت صغيره على الحب ... والا عرفته بعده هوا ... هوا الحب والعائله والاستقرار ..
يوسف .... ههههههههه هوا جبرك تقولى هكى ؟ انى نعرفك رنا ... ونعرف انك مستاحشه نكون فى مكانه ونعيش معاك كل اللحظات الا هوا عايشها معاك ..
رنا .... بعد بعد انت بجد حيوان وماتفهمش ...
قسما بالله لو ماتبعدش نلم عليك ابا برا ... حيوووووان ...
وطلعت تجررررى وقلبها بيطيح من الخوف .. وفى اللحظه الا تجرى فيها فى الممر وتتلفت وراها ... اتقبت فى ..
قصى ... شن فى ؟ خيررررك تجررررى ؟
رنا .... لا لا مافى شى بس الحوش فاضى وسمعت تقربيعه خفت ..
قصى ... وين كنتى ؟
رنا .... كنت فى تواليت ....
قصى ..... انى جانى اتصال من شركه وظرورى نمشى ... نخليك وبعدين سواق يرجعلك ؟
رنا .... لا لا روح بيا معاك ... انى بروحى ماانسجمتش وعندى صداع ...
قصى ... متأكده ؟
رنا .... اى ... لحظه بس نجيب شنطتى
ومشت جهة الطاولات وخدت شنطته واستأدنت من نسرين ... وفى اللحظه هيا طلع يوسف مبتسم وشافهم مع بعض ... وقرب جيهة اخته بى كل بلاده وصحة وجه ..
يوسف ... شن ماعرفتنيش على جيرانكم ؟
نسرين ... لحقت عليهم فى اخر لحظه من حسن حضك ... هادم عرسان جداا رنا وقصى ...
يوسف ... الف الف مبروك .. وان شالله بدريه الصالحه يارررب
قصى ... يارب ... شنى حبيبتى نمشو ؟
مع شبحه لى رنا ومسكه فى يدها ... وبعدها قام عينه وشبح لى يوسف شبحه خبيته ومد ايده وسلم عليه بعصره قووووويه كانت بمتابة تهديد وقاله ..
قصى ... تشرفت بوجودك
نسرين .... والله كنت نتمنى تقعدى ... ولو قصى مشغول ... يوصلها يوسف بعدين ..
قصى ) مع نظره حاده ( .. زوجتى ماتركبش مع اى حد غيرى للاسف ... يالله نستأدنو منكم ..
وجبد يد رنا وطلعو ... وسيبوهم واقفين ...
نسرين .... انى كنت نقصد انى بنوصلها معاك بس هوا شكله فهم غلط ..
يوسف .... رح تكون فى يوم ليا ومعاى بعون الله ورح تكون بالنسبه ليه غريب ..
نسرين .... شن تخرط انت ياصايع تحسابه كل بنات وى بعضهم هههههه... شكلك واخد حاجه مش ليك ... بكل تفتفيت واطلع خلى نساعدو محمد فى شوى ..
يوسف .... هههههههههه كلهم زى بعضهم بنظره منى بس يسيبو رجالتهم وغير نرضى عليهم بس ...
نسرين ... متفهك هههههه بنت عاقله ومش متع دوه هيا .... طلعها من دماغك و هيا تعالى نشوفو محمد ...
وفى اللحظه هيا ... كان قصى ملتزم صمت وراكب فى سيره جنب رنا ... ورنا نفس الشى ..
قصى .... محمد زوجها عزمنا على رحلة استكشاف وصيد نهاية الاسبوع ... واصر اننا نكونو معاه ... وانى وافقت ..
رنا .... على اى اساس توافق بدون ماتقولى ؟
قصى .... ومن امتى انى نستشير فيك ... وبعدين على حد علنى انك تستنى امتى تطلعى من الحوش ؟
رنا .... شن تقصد ؟
قصى .... ولاحاجه .... وصلنا ... وياريت بسرعه لانى مستعجل ..
وهنا قعدة تشبحله شوى بعدين طلعت وسكرت الباب وراها وخشت للحوش ... واول ماوصلت نحت كندرتها وشنطتها لوحتهم .على كنبه ... وركبت فوق لدارها ونادت على سيرنا ...
رنا .... سيرنااااااا ... احنا رجعنا من غير مانتعشو ... جهزى العشى واول مايوصل مسار قصى حطيه ونادينى ...
سيرنا .... اوووك مدام ...
خشت لدارها ... وغيرت ملابسها .... وشغلت السى دى على شيرين وفتحت البلكونه وقعمزة فيها .. قعدت تقلب معاها الا صار . . وتفكر ودموعها ينزلو من الخوف ... وحست ان فى شى مقعز على قلبها ..وقعدة تتفكر فى كل مواقفها مع يوسف فى حفله ودموع ينولو لانها حست روحها غصبن عنها خانت قصى وفى نفس الوقت هيا مش عارفه رح توصل لوين وكيف توقف يوسف عند حده ... ولكن بمجرد مارجعت دكريات مواقفها شوى وتدكرة نسكت قصى فى ايدها وكلمة حبيبتى كيف طالعه منه وغيرته عليها .... قلبها قعد ينبض وينبض وتزداد نبضاته مع دموع الحزن والفرح .. والا زاد من انفعال دموعها اول مابدت كلمات شيرين تعزف على وترها الحساس ...
))) حبيتو بيني وبين نفسي
