صغيره على الحب
الحلقه السادسه عشر وماقبل الاخيره <3< 3
وهيا سيبت الفطور وركبت فوق لدارها وسكرت الباب وراها ...
وقعمزة على السرير وقعدة تفكر وتبكى ...وتفكروتبكى .. لامتى بتقعد على الوضع هوا ... وكبف حبت شخص يفكر فيها بطريقه هيا ... وامتى حباته اصلا .. وعلاش ...
رنا .. انى بجد تافهه ... وصغيره .. توا بس عرفت شن هوا الحب .. وكيف الحب يكون .. بس عرفته بعد فوات الاوان ... يارررررب ساعدنى ياررررب <3 ياررررب الهمنى بحل كيف نرجع زوجى ليا ونسيه فى الا فات ... وانى مستعد نوصل لنهايه مهم بعدها نبدا نهايه صح <3 يارررررب ... وفى اللحظه هيا لبست نطت بسرعه وغيرت ملابسها وطلعت ...لانها حست روحها مخنوقه .. وفى طريق .. تلاقت هيا ونسرين ...
نسرين .. هادى بجد مش صدفه هههههه شن قصتك يابنت معدله مواعيد طلعاتك معاى او شنى ؟؟خيره عيونك منفوخات
رنا ... لا لا ولاحاجه صدقينى ...
نسرين ... فى شى ... قسما بالله لو ماتحكيلى شن الا صاير معاك نزعل ... انى زى اختك وصدقينى رح نحاول نساعدك ..
وهنا رنا انهارت بالبكى وحضنتها وقعدة تبكى وقالتلها ...
نسرين ... راجلك قاعد ؟؟
رنا .. << مسحت دموعها وقالتلها >> ... لا لا طلع ...
نسرين ... اوك خلينى نروح معاك واحيكلى شن صاير معاك ..
رنا ... اوك
وروحو مع بعض ... واول ماوصلو للحوش ... قعمزة هيا وياها فى صاله وضيفتها وبدو يتكلمو ...
نسرين ... احكيلى شن صار ؟؟
وهنا رنا خدت نفس كبير كان كاتم على صدرها وقررت تحكيلها كل الا صار ...
رنا ... اول يوم تعرفت فيه على شخص الا كنت متوقعه انى نحبه فى تالته اعدادى ... كنت مروحه من المدرسه ... وكان كل يوم اول مانجى لصبح للمدرسه كان يوقف يستنى فيا ... ولما نطلع من الدرسه نلقاه .. واستمر على الحال هوا سنه كامله ... لحد اخر يوم فى نهاية السنه ... ونتفكر هداكا اليوم كان ريح ومطر ... وبرغم انى كنت مروحه على رجليا .. الا انى نصدمت بيه واقف فى صقع يستنى فيا ... وهالشى بس خلانى ناخد قرار انه الشخص يستاهل يكون اكتر من شخص نشوف فيه كل يوم فى مشى والمرواح فقط .. والباين ان هوا نفس الشى كان متخد القرار انه يوصلى ... وقاعد يلحق فيا لحد نهاية الزنقه متع حوشنا ... وبعدها حطلى ورقه فى جيب شنطتى الا كان مفتوح ومشى .... واول ماروحت كان قلبى يطق .. وفتحتها رساله .. ولقيته معبرلى فيها مشاعره ... وانى مانكدبش عليك قلبى وقتها دق ... وكاتبلى رقمه فى الاخير ... مهم .. فات الاسبوع الاول والتانى .. وكنت خايفه نكلمه ... لانى ماكانش عندى وسيله اصلا نتكلم بيها معا ه الا الارضى ... ولكن بعد ماطلعت نتيجة اصريت على اهلى ان هديتى نجاحى تكون نقال ... وبالفعل درته ... وبعد شهر من حصولى عليه .. بعتله رساله .. كيف وامتى مش عارفه ... معرفتش كيف تصرفت هكى انى اصلا ... مهم من هديكا الرساله بدينا نتكلمو كل يوم ... وكنت نلقط فى مصروفى الا ماما تعطينى فيه باش نفطر فيه فى مدرسه باش نعبى كرت ونكلمه بيه ... وكنت وقتها بجد حاسه انى نحبه ... ومرت علينا تلاته سنين ... مانكدبش فيها عليك ... سمعت انه مايحبنيش .. وسمعت بعدها انه يكلم فى بناات تانيات ... وماصدقتش ... ولكن نتفكر فى تالته تانوى ... قررت نحكى لماما عليه .. وحكيتلها عليه ... ومن هدكا اليوم ماما شهدرة بيا وبدت فى قولت امتى يخطب امتى يخطب ... وفتحت معاه موضوع وهوا هضاكا الوقت اولى جامعه ... وفى الفتره هديكا حسيته بدى يتغير ... ولما نكلمه يقولى لا ضغط قرايه ولا انى خلاض توا خشيت الجامعه وبدت وراى التزمات ... وكنا شوى نتراض شوى نتزاعلو وكان كل سنه متغير عليا وليالى ورا ليالى وانى نبكى ونبكى منه ... ولكن بعد ماطلعت نتيجتى ونحجت .. وخشيت الجامعه .. فجأه بدى يرجع كويس معاى .. وبدينا كل يوم نتلاقو ونحكو وكان يوعد فيا انى رح نكون ليه وبس .. واعتقد فى الوقت هدكا كان ليا رسمى اسبوع بس فى الجامعه ... مهم ... فى يوم وكان هاليوم مشئوم عليا ... كنت مقعمزه انى وياه فى جريدينه نتغدو ... وبصدفه قمة عينى لقيت خوى يشبحلى .. وعينك ماتشوف الا نور ... روح بيا وقريب قتلنى ... واهلى حبسونى فى دارى ... وانى وقتها كنت حاسه انى بنموووت لانهم بيبعدونى على الشخص الا نحبه .. وانى من مده امى تلمحلى على موضوع خطوبه من شخص مايتعوضش ... وفتحت معاى الموضوع بشكل رسمى ... وهنا جن جنونى ... وقررت نكلمه ونقوله مستعده انى نهرب معاك .. وبالفعل كلمته .. وزى العاده صدنى وردنى وقالى انى اهلى مستحيل يوافقوا لا بعد نتخرج ... وانى حاولت نترجاه مايقتلش الشى الا بينا ... بس هديكا الليله بجد وبعد ماامى سمعتنى وضربتنى وقالتلى كلام يسم البدن حسيت شى داخلى مات ... ونسيت الايه الكريم الا تقول << وعسى ان تكرهوأ شيئا وهو خير لكم وعسى ان تحبو شيئا وهو شر لكم والله يعلم وانتم لاتعلمون >> .. وقررت انى مهما يصير مانخليش اهلى ينفدو الا فى راسهم وانقطعت على الاكل وقتلهم مش رح نطلعله ولا رح نشوفه .. وانصدمت بعدين ان حتى هوا مايبيش يشوفنى .. وانى الا كنت متوقعه انى لما مانطلعش ونشوفه رح يرفض ويتفركس موضوع .. مهم الموضوع كمل .. وانى حاولت اكتر من مره نوصل فى الشخص الا كنت نحبه بس تلفونه كان مقفل وماحاولش يوصل فيا حتى ..وعرفت انى لازم مانوجه قدرى بروحى وانه تخلى عليا ... بس وقته مازالت نحس انى نحبه ومعاش نفكر الا فى حبى ليه بس ومش مهم هوا يحبنى او لا ... مهم تم العرس وتزوجت وفى ليلة عرسى ... حاول حبيبى يتصل بيا ويتواصل معاى وبالفعل << وانهارات بالبكى ...
نسرين ... بالله عليك معاش تبكى والله باين عليه واحد ندل وحقير وتافه حشاك والله مايستاهل دموعك معاش تبكى ... << وخدتها فى حضنها وقعدى طبطب عليها ...وبعد ماهدت رنا شوى مسحت دموعها وكملتلها ..
رنا ... كلمته وكنت وقتها حاسه روحى بنموووووت خلاص ولا نروح لراجل الا تزوجته غصبن عنى .. ووعدته انى نكلمه اول مانوصل ... وبالفعل سجلت رقمه ورفعته معاى وروحت ... واول ماوصلت لحوشى كيف جتنى الوقاحه نتصل من تلفون راجلى مش عارفه ... واتصلت بيه .. وتكلمنا وقعدة نبكى ونقوله يدير حل وانى والله ماخنته ولارح نخلى حد غيره يلمسنى ... بس قالى خلينا نتواصلو بالتلفون لحد ماندير حل مع اهلى ... وكنت عارفه وقتها او حاسه ا نفى شى غلط وقلبى كان حارقنى من جيهتين .. بس كنت عميه ونكب فى نفسى ... مهم طلعت من الحمام وانى منهاره بالبكى وصدمه لما لقيت راجلى قدام وجهى ...وهنا بدة نقطة الصفر فى حياتى ... والا كنت متوقعتها بداية نهايه ... وقعدة ممكن شهر كامل وانى محبوسه فى دار حتى اهلى مانتصلش بيهم ... وقريب هبلت لدرجة فكرت انى ننتحر ... وكنت وقتها نتمنى بس ناخد فرصه انى نعيش زى ناس فقط ... او انه يعاملنى بااحترام ... ووقتها كنت عارفه انه رح ينتقم منى ... ولكن جت اللحظه الا غيرة حياتى ... وجت صديقة زوجى وراجلها وقعدو عندنا وصارتلهم ظروف وقعدو معانا فى الحوش .. وهنا قصى بات معاى فى دار ... وبدى قدام ناس يتصرف معاى بحب وعفويه وكاننا اسعد زوجين ... وهالشى حبيته واتر فيا مش عارفه بجد بس فجأه حسيت زى الا يتعالج من ادمانه ويرجه يعيش طبيعى ؟؟ حسيت انى نضفت من الشخص الا كنت نحبه وكان بالنسبه ليا ادمان فقط ... والله والله مش عارفه كيف صار وكيف بى هالسرعه ... وصدقينى فى الاول تجاهلت وكدبت روحى بس كل يوم ومع كل موقف ومع غيرته عليا الا بديت نحسها حقيقيه مش تمتيل ومع حنيته عليا وغضبه وتجاهله متعمد ليا وكأنه حاب يخفى شى بدى يحمل فيه اتجاهى ...وفى اللحظ هالا حسيت ان ربى غفرلى خطاياى وعطانى فرصه جديده فى اختيار الشخص صح ... رجع الاول لحياتى ولقيته فجأه قدام وجهى ... وجاب نصيب وتطلع اخته ... جارتى ...
نسرين .... << وهنا نسرين انصدمت وحطت ايده على فمها وقالتلها >> ... شن تقولى انتى ؟؟ ماتقوليلش يوسف خوى ؟؟؟
رنا ... اى ... خوك بدى يطارد فيا ويبى يخربلى حياتى ويهدد فيا .... ومش ناوى على خير معاى ... وانى والله والله نسيت الا فات وحابه نبدا مع زوجى صفحه جديده بس ... وخايفه يوقف على راجلى ويقوله اى شى ..
نسرين ... انى بجد مصدومه .. بجد ماتوقعتش خوى بى هالحقاره ...
رنا .. انى اسفه بجد << ونزلو دموعها >>
نسرين .... انى الا بجد اسفه حبيبتى ونوعدك انى ننهى هالمهزله ...
رنا ..... نتمنى ماتحكيش لراجلك شى وتخلى كلام بينى وبينك ... انى بجد خايفه .. ووالله ماعرفت لى منى نحكى وعقلى بينجن ..
نسرين ... لحظه بس نتصل بيه ونسأله لو فى حو ش او لا ... قسما بالله الا مانروح ونقلبها فوق راسه ... تلفونه مقفل .. خلاص انى حسه قلبى نارررررر .. خلينى نروح مرات يكون فى الحوش وراقد ... وقسما بالله الا مانكلمه يروووح اليوم قبل بكرا الحقير الندل .. منين بيجيب النداله الا من امه .. لاحول ولا قوة الا بالله والله بابا ماكان هكى ... خلاص حبيبتى اطمنى واعتبرى الموضوع عندى ...
رنا ... اوك حبيبتى ...
نسرين ... خلاص سلام حبيبتى <3
رنا ... سلام ...
وطلعت نسرين وروحت لحوشها ... ورنا اتكت على الكنبه وقعدة تفكر لحد مانعسها نوم ورقدة .... وفاتت ساعات ورا ساعات لحد ماجى وقت مرواح قصى ... واول مافتح الباب .. فاقت بيه بس نص فياق ... وهوا ماانتبهش ليها لانه كان يتكلم فى تلفون ...
قصى ... مش قتلك اعطينى شوية وقت ؟؟؟ هونى اليوم انفضحت قدام شركاء كلهم الوسخه هيا ... واعطيتهاله القاضيه ووقعنا كلنا على انسحابها .... ورجعت لبلادها ... تى اى انى شن قتلك مسأله وقت ونفضحها .. واليوم قبل الاجتماع جانى دليل اختلاسها على طبق من فضه وفضحتها قدامهم كلهم الوسخه هيا ... مش قتلك انى اصلا خلاص بينى وبين نفسى انهيت كل شى خلاص بس كان لازم ندور دليل ضدها نقنع بيه باقى شركائى ... والله اليوم سعيد سعيد لدرجه ماتتصوريهاش ... بارك الله فيك ...
وهنا رنا قعدة تسمع لكلامه ومصدومه ... وحست قداش هيا مغفله ... لانه فهمت الحكى عليها ... ونطت من الكنبه مفزوعه تعيط زى البيبى وكرشة فى رقبته لين التلفون طاح من ايده ووهوا مصدوم وجامد فى مكانه ...
رنا ....<< مع حضن دافى وعياط ودموع >> .. الف الف مبرررررروك حبيبى <3 <3 <3 .. اى حبيبى خيرك تشبح ... ببساطه .. نحبببببببببببببببببببببببببببببببببببببببك واسفه على كل شى ... انى عارفه انى هبله وعبيطه وحماره ومتسرعه بس والله والله انى حبيتك ... وكنت متوقعه مكالمة ولامس عليا هدا علاش هبلت عليك ...
قصى ... << انتى شاربه شى فى دار المكتب لونه اصفر او ابيض ؟؟
رنا .... ههههههههههههههههههههههه لا لا <3 شربت حليب انى وسبونج بوب وميكى ماوس <3
قصى ... باهى ممكن تحولى لانك خنقتينى ؟؟
رنا ... مش رح نحول لحد مااننهو كل الخلاف ... خلاص اتعبت والله تعبت ... انى اسفه على كل الا صار ... بس اعطينى فرصه بس نتبتلك انى تغيرت ... وانك ملكت كل قلبى ...
قصى ... اووووووف ... شن تبى توا رنا ؟؟ ماتستغليش انى جوى حلو وتحاولى تستغلى موقف لصالحك
رنا ... لا لا والله لا ... اى شى تبى تديره ديره .. تبى تقتلنى انى راضيه .. تشنقنى تدبحنى تشوينى ... مهم اعطينى فرصه بس ...
قصى ... انى عاطيك فرصه ... معقوله انتى ماحسيتيش بيها ...
رنا ... بجد قصى ؟؟ انت ماتضحكش عليا وبتتنقم منى ؟؟
قصى ... هههههههههههه انتى مش عارفه انى يوم الاوتيل اتكدت بالفعل ان فكرة الانتقام اكبر منك .. انتى مجرد طفله تايهه من اهلها بس ههههههههههههه
رنا ... وانت اهلى .. وانى معاش نبى حد غيرك ...
قصى ... رنااااا .. تعرفى انتى شن مشكلتك ؟؟ انك مراهققه وتصرفى بتهور ... انتى امتى لحقتى تحبيبنى ؟؟؟ وامتى نسيتيه ؟؟
رنا ... فى اليوم الا قررت انت تحبنى فيه ... << وشبحت لعيونه وسكتت >>
وهنا هوا قعد يشوفلها شوى .. بعدين اتجاهل نضراتها وقعد يضحك ..
قصى ... ههههههههههههههههههههه ... بجد بجد انى تعبان ونبى نرقد برى العبى بعيد ... تلقى سبونج بوب فى دار العبى انتى وياه عروس وعروسه ...
رنا ... انت تحبنى صح ؟؟ قول ؟؟ وبدت تتقرب منه <3 <3
قصى .... << وهنا وجهه ولى احمر وقعد يعيط >> رنااااااااااااااااااااااا بعدددددددددددددى ... خلااااااااااااااااص انتهى الموضوع ... اطلعى براااااااااااااااااااااااا ... براااااااااااااااااااااا خلااااااااااااااااااااص
رنا ... قصى انى والله والله
قصى .... خلااااااااااااااااااااااااااااااااااااااااااص ... مانبيش نسمع منك اى كلمه ....
وطلعت رنا لدار وسكراها وراها ....
ورنا رجعت لوسط الحوش وفتحت تلفزيون على امل انه ينوض وينزل .. بس قصى قعد فى غرفته يخدم لحد الليل ... وماباش يطلع من غرفته نهائيا ... واول ماريأست ؟؟؟ طقت على داره واستنت رد ...
قصى ... نعم ؟؟
رنا ... ممكن نخش ؟؟
قصى ... شن فى ؟؟
رنا .. تفرجت على فيلم رعب وخايفه نرقد بروحى ....
قصى ... اوووووووووووف والحل ؟؟
رنا .... مش عارفه مانبيش نرقد بروحى ..
قصى .... اوك خلاص تقدرى تكلمى شغاله تبات معاك ...
رنا .... لا لااااااااااااااا ... نخاف لانى مانعرفهاش هلبه ... مرات تكون ملبوسه لقدر الله ...
قصى ... رناااااااااا صبرى بدى ينفد اختصرى .. الحل ...
رنا ... نرقد فى الكنبه هيا بدون اى صوت لصبح ..
قصى .... لاااااااااااااااااااااااااااا انى وياك ماننفعوش نكون وفى غرفه وحده ...
رنا .. اوك فى بلكوووونه نرقد ... فى اى مكان .. بس نبى نرقد معاك ...
قصى ... اانى جايبك وناسيك ؟؟ سؤال بس ...
رنا .... اى انت جايبنى وناسينى ؟؟ مالا سيرنا جايبتنى من لبييا ؟؟؟ وين حقوقى الزوجيه انى ؟؟ احم احم هههههههههههههههه قصدى حقوقى نوميه ماتخافش <3
قصى .... خشى لدار درتى العار خشى ... ترقدى على سرير وصوتك مانسمعاش ... برغم ان مستحيل يصير هالشى ...
رنا .... اوووووك <3
ومشت تجرى على سرير ونقزت ... ياهووووووووووووووووووووووووووووووووووووووووو <3 <3 ... شن تدير ؟؟
قصى ... نسمع فى موسيقى هاديه تريحلى راسى من الخدمه ... وخلاااااااااااااااااص ولا كلمه ...
رنا ... اووووك كلمه بس بس بس ... ووالله نسكت ...
قصى .... اختتتتتتتتتتتتتصرى ...
رنا ... << لمعو عيونها >> اليوم عيد ميلادى ... ومافيش حد تفكرنى بااى شى ... نبي نطلب من ربى امنيه بصوت عالى بس ... ممكن هدا طلبى ...
قصى ... اااااااااااااااااه تكلمى رنا ... تكللللللمى ...
وتلفت للبلكونه وهيا قامت عيونها وايديها لسمى وقالت ..
رنا ... يارررررررررب .. انك ابتليتنى بحب رجل قلبه قاسى ... فاحنن قلبه عليا وخلينى نكون ليه ويكون ليا ... وسامحنى ياررربى لو اخطأت فى حقك ... انى والله تبت ... وغلطت .. ورجعت ... ومستعده ندفع تمن بس بعدها ناخد نصيبى على قيس نيتى ..وشى تانى يارررربى خاطرى نرقص مع الشخص الا معاى فى الغرفه ... الليله بس حققلى امنيتى الحاليه ... ووالله لو متت رح نكون اسعد انسانه فى دنيا ....
قصى .... تصبحى على خير
وطرح يرغان على الارض وحط مخدته وبطانيته ورقد ...
رنا ... يارررررب حققلى امنيتى يارررررب ...
وفجأه كانت تحكى باابتسامه ولكن ... فى اقل من تانيه ... انقلبت ملامحها وبدو الدموع يصبو وهيا تدعى ... وتشبح لقصى وتدعى لربى .... لحد ماانتفض قصى وتأفاف شوى بعدين قرب جيهتهتا ومدله ايده ...
وهنا مسحت دموعها ونقزت من على السرير وطفت الضى وفتحت سهاره وقوة صوت المنظومه ... وخدت ايده واتكت على كتفه وبدو يرقصو <3
رنا ... قصى انى نسمع فى قلبك ينبض ... خوف او حب ؟؟
قصى ... لا هدا ولا داك .. تعب وارهاق ...
رنا ... اوووووك ..
قصى .... خيرك سكتى مش عوايدك ؟؟
رنا ... نبى نسمع دقات قلبك ونشم ريحة برفانك ... ونغمض عيونى ...احيانا هالاحساس يجينا مره بس ...
وقامت عينها جت فى عينه وقعدة تشوفله فى نظرات كلها حب ... وللحظه كان بيضعف ويقرب ليها ... بس فاق لروحه ووخر ومشى فتح الضى ...
قصى ... خلاص هالمسرحيه انتهت ... خلينى نرقد من فضلك ...
وطفى الضى ورجع رقد فى مكانه ... وهيا رجعت رقدة على سرير ... وقعد كل واحد منهم يسمع فى نفس التانى <3 لحد ماخداه نوم ورقد .. وهيا قعدة تبحلق وتبحلق لحد ماسمعت صوت صاعقه قووويه ... فاهنا انتفضت من سريره وخدت مخدتها ويرغانها وجت جنبه ورا ظهره لانه كان عاطى بجنب وتكرمشت فى بعضها ورقدرة جنبه ... واول ماح سبيها فتح عيونه شوى وبعدين ابتسم ورجع غمض عيونه ... وهيا هنا بس حست بالامان وغمضت عيونها ورقدة ...
ومافاقوش صبح الا على اتصال محمد جارهم بتلفون ...
قصى ... الوووو .. صباح الخير ساعه كم ؟؟؟ اوووف ساااعه 11 ؟؟ خلاص 2 نكونو جاهزين بعون الله ... مش مشكله عادى رح نمرو عليها فى طريقنا ... وانت لحق علينا اوووووك ... خلاص تم فى امان الله ...
ورجع رقد ولكن انصدم لما رنا قعدة تصكح وحطت رجلها وايدها عليه وهنا ....
يتبع
KINDA
