الحلقه السابعه <3<3
رنا ... ممكن تنحى ايدك وانى رح نمشى بروووحى ..
قصى ... اوك وبدون مانسمعو الضيوف ياريت تركبى وبااحترامك وتبطلى حركات الاطفال ..
رنا .. انى مش طفله ... ياريت تكلمنى بااحترام اكتر ..
قصى ... انى بس نقرر كيف نتعامل معاك ... وانتى غصبن عنك رح تتقبلى وضع .. لانك مش مخيره ...
وفتحلها باب الغرفه ... وهنا قعدة تشبحله شوى وبلعت ريقها لما شافت ملامح الغضب والجديه على عيونه ... وخشت ببطئ .. بينما قصى سكر الباب وراه .. وقعد يشبحلها شوى .بعدين طلع للبلكونه وسكرها وراه ... وفى اللحظه هيا ... فتحت دولابها ... وخدت بيجامه .. وخشت لتلويت
وبدلت حوايجها وخشت تحت يرغان وغطت وجها على امل انها تطمن ويجيها النوم ... بس للاسف افكارها قعدة تودى فيها وتجيب والواساويس والافكار الشيطانيه تداخلت فى رأسها وخلت النوم يهرب منها والخوف فى قلبها شوى شوى ويكبر ... وبدت دقيقه تفوت فى قلبها زى قطار واصواته ... وتستنى فى اللحظه الا بيخش فيها بس فى مقابل فاتت ساعات وساعات وهوا ماخشش لحد ما هب النوم على عينها ورقدة ومافاقتش الا مع ساعه 8 ونص ودوش الحمام مفتوح ... وهنا لقت شعرها متشرتع على مخده ورجل فوق اليرغان ورجل تحت وحالتها حاله لايرتى ليها .. فاناضت بسرعه ولمت روحها ووقفت تنظم فى سرير ... واول ماطلع تجاهلها وفتح دولاب باش يطلع حوايجه ... بينما هيا حاولت تتصرف بطبيعيه وقالتله ..
رنا ... صباح الخير
قصى ... اعطينى كندرتى من دولاب ...
رنا .... حابه نتكلم معاك فى موضوع ممكن .؟
قصى ... مش وقته عندى مكتب حاليا ..
رنا ... مش رح نطول عليك ممكن ...
قصى .... ) شبحه جديه مليئه بالتهديد وقاللها ( ... بااختصااااار ...
رنا .... انى مش طالبه منك تسامحنى ... بس اعطينى فرصه نشرحلك بس ...
قصى ... اياك تفكرى ولو للحظه انك تحكى معاى فى الماضى ... لانى بالنسبه ليا سمعت وشفت وانتهى ...
رنا .... انت علاش تتصرف هكى ... انى نكرهك ... قسما بالله عمرى ماتمنيت نموت زى اللحظه الا نكتبت فيها ليك ...
قصى ) بعصبيه شدها من ايدها وقاللها ( برى العبى بعيد ...
وسكر الباب وراه وطلع ... وهنا طلعت وراه بسرعه باش تكمل حكيها معاه ونزل لصاله وهيا نزلت وراه ...بس هنا تفاجئو بى رولا فى صاله مقعمزه ... وحاطه ايدها على راسها ..
فا وقفو فى دروج وقاللها ..
قصى ... شن فى ان شالله خير ؟
رولا .... صباح الخير ... امو لمحمد مرضت وهوا اخد اول طياره ونزل لها ...
رنا ... علاش مانزلتيش معاه ...
رولا ... اهله مايبونيش ومش متقبلين يشوفونى ... فاحسيت الافضل انه ينزل بروحه ... مهم انى متأسفه جدا على الازعاج وشكرا على الاستضافه ..
قصى .... طالما سافر زوجك خليك عندنا لين يروح ...
رولا .... بس ان مو حابه ضايقكم
رنا .... ولايهمك حبيبتى بالعكس مستحيل تضايقينا ...
قصى ... انى ماشى للمكتب ... واول ماويوصل رح نكلمه ونطمنك
وطلع وسكر الباب وراه ...
رنا .... تعالى للمطبخ نوتو الفطور يالله ...
رولا ... يالله ... بس مش رح طول كتير لانو وراى شغل ...
رنا ... انتى امتى دوامك ؟
رولا .... فى الاغلب دوام كامل من ساعه 9 لساعه 9 فى الليل مشان كون جنب زوجى وفى نفس الوقت ملئ وقتى
رنا .... حابه نطلب منك طلب ممكن ؟ بس بدون زعل ؟
رولا .... تفضلى حبيبتى
رنا ..... انتى تعرفى تتكلمى ليبى خالص ؟
رولا ...... ههههههههه سر بينا ايه بس مابحب قول اى علاشان مااضطر امحى لهجتى الا تعودت عليها .....
رنا ..... اوك خلاص كلمينى ليبى بس واول ماتطلعى من بيت احكى زى ماتبى ماشى هههههه
رولا .... خلاص تمام .. هههههه ماشى هيك ... خلاص انى رح نمشى توا نتلاقو فى الليل اوك .
رنا .... اوك ... حبيبتى بالتوفيق
طلعت رولا صديقة رنا وقعدة رنا فى الحوش بروحها ... وحاولت طول الوقت انها تلهى نفسها ... بس الملل كان طاغى عليها .... فا قررت تغير حوايجها وتطلع تاخد لفه فى المنطقه القريبه من الحوش وتشم شوى هوا ...
واول مالبست حوايجها .... سكرت دارها بالمفتاح ... وتسللت طلعت بشوى .... واول ماطلعت برا الحوش .... قعدت تجرى وتتمشى زى مهبوله ... وحست انها زى طير الا طلع من القفص وقعدة تجرى وتنقز وتتلفت وتتفرج زى طفله الفرحانه .. ومافاقتش بروحها الا لما قبت وحده كانت خاطمه جنبها ...وطيحتلها شكايرها ...
رنا .... انى بجد اسفه اسفه جداااا خلى نلمهم منك ...
نسرين ... ولايهمك ... انتى ليبيه ؟
رنا .... اى انى ليبيه .. حتى انتى صح هههههه ... الباين ان نحن الليبيون نعرفو بعض من دمنا بس ..
نسرين .... اى والله خديتها منى ... على عموم انى نسرين ....
رنا .... وانى رنا .... تشرفت بمعرفتك هلبه ... وتفضلى شكارتك ...
نسرين ... احم .... لو فاضيه وماعندك شى شن رايك تشربى عندى شاهى ؟
رنا .... اى ولو مافيش مشكله .. بس امتى ؟
نسرين ... توا لو حابه .... انى حوشى فريب من هنا .... البيت البنتى غادى ...
رنا ..... اها معناها انتى جارتى .... اوك تمام
نسرين .... اها جارات .... واخيرااا لقيت جاره نحكى معاها وليبيه فوقها هههههه تعرفى لمدة سنه كامله كنت حاسه بملل رهيب ...
رنا ..... انتى ليك سنه ساكنه هنا
نسرين ..... اى انى وزوجى ساكنين هنا من سنه ... وبرغبته هو سكنا هنا بس انى كنت حابه نسكن فى مدينه .. تفضلى خشى واعتبرى الحوش حوشك ...
رنا ... اوك حبيبتى هاتى نساعدك فى تدخيل شكاير للمطبخ ...
نسرين ... اوك ... انتى ليك فتره متزوجه ؟؟
رنا ... لا لا مالياش هلبه قاعده عروسه ...
نسرين ... هههههههه قعده عروسه وبى هالجمال وعريسك مسيبك ؟؟ ماليشى حق بصراحه ..
رنا ... لا هوا ماسيبنيش بس جاه شغل ظرورى ... ماهو احنا مستقرين هنا .. وملحقين نعيشو سنين عسل مش شهور بس هههههه << مع ابتسامه صفره >
نسرين ... اها صايرلكم زينا معناها ... انى زوجى دكتور ... جى هنا خدى الماستر وحصل عقد واستقرينا هنا ..
رنا ... ربى يوفقكم يارب .. الغربه مش حلوه بدات لما تبعدى على اهلك وناسك ...
وهنا مر بيها شريط حياتها هيا وخوها وامها وبوها وضحكاتهم وهدرزتهم على الفطور ومشاكلها هيا وخواها على ابسط الاشياء .... وصديقتها وجارتها مقربه .. الا كانت اقرب ناس ليها .. بعد حبيبها ... لحظه لحظه ... يوسف ... وهنا ولاول مره حست ببرود مشاعر اتجاه ... ولاول مره تدكر اسمه وقلبها مايدقش ... وماتضايقش .... وماتحسش انها مستاحشه تسمع صوته .. بس هل ياترى الانسان لما الشخص يتمد ألمه مره واتني وتلاته .. يموت احساسه .؟؟؟ اكيد هوا هدا سبب ...
نسرين .. رنااا حبيبتى وين مشيتى ههههه تفضلى شاهى ... وبدون مانعزمك بتضوقى من تشي زيك الا درتها امس ...
رنا ... اوك ...
نسرين .. تحبى زوجك ؟؟ يعنى خديتيه على حب ؟؟
رنا ... لا لا خطوبه تقليديه ... اهلى واهله ...
نسرين ... اها حلو حلو ... معناها ارتحتى من تعب القلب وسنينه <3 ... باهى بعد ماتزوجتم ... تحسى انك حبيبتيه ؟؟
رنا ... مش عارفه << وقعدة سارحه شوى بعدين غيرت الحكى باابتسامه وقالتلها ... اه شكله تشيز كيك تحفه <3 .. وانتى ؟؟؟
نسرين .. حتى انى تقريبا خطوبه تقليديه ... انى صيدلانيه ... خدمت فى صيدليه هوا فاتحها بااسمه لانه قارى معهد صيدله وفى نفس الوقت بشرى ... مهم ... شافنى ... وعرف نعتت حوشى وتقدملى طول ...
رنا ... علاش نحس فى نبرة صوتك فى حزن ؟؟؟
نسرين .... لا لا عادى ههههه <3 خلى نصب لروحى شاهى لان برا الجو صقع ... وبجد بجد فرحت انى تعرفت عليك ...
رنا ... وانى اكتر والله ....
نسرين ... احكيلى شن اكتر شى تحبيه فى زوجك وشن اكتر شى ماتحبيشى ؟؟
رنا ... اامممممممم ... عصبى ... واحيانا نحسه قاسى ...
نسرين ... اها ...
رنا ... بس فى متل يقولك ... الرجوله مواقف صح ؟؟ انى زوجى فى مواقف اتبتلى انه راجل ... برغم قسوته
نسرين .... هههههههههه شكلك تحبيه يابنت <3
رنا .... احنا كيف تزوجنا ... مش لدرجة حب هههههههه <3 عادى ... واكيد انتى تعرفى احساسى ..
نسرين ... اى عارفه ... انى مريت بيه الاحساس هوا .. بس صدقينى مع المواقف رح تحبو بعض ومستحيل تتخلو على بعض ابدااااا <3
رنا ... يارب حبيبتى <3 خلاص انى تأخرت وبنروح بس اكيد رح نزورك فى قريب بعون الله <3
نسرين <3 <3 ... اوك حبيبتى سلام <3
خدت رنا بعضها وطلعت لما شافت ساعه ولقتها ساعه 1 ونص الظهر ... وعرفت ان مازال اقل من ساعه على مرواح قصى .... فاخدت بعضها وبدت تجرى بسرعه لحد ماوصلت للحوش .. واول ماوصلت للحوش طبست باش تنحى بوطها نفتح الباب ...
قصى ... وين كنتى ؟؟
رنا <<< بلعت ريقها ودموعها بينزلو من الخوف وحاولت تظاهر بالشجاعه وقالتله >> ... كنت نتمشى ... وخشت وسيباته ...
وهنا جاها يجرى وشدها من ايدها ونفضها وقاللها ....
قصى ... << بعياط وعصبيه >> ... انتى منين جايبه الواقحه هادى كلها قوليللللللللللى ؟؟؟ انى قوتلك ماتطلعييييييييييييييش صح ..
<< ودفها بقوه العلى ارض جابها متكردسه طايحه وراسها نضرب على حاشيه طاوله .. ومن قوة الضربه .. نزف راسها منه الدم وصاخت ..وهنا جى يجرى زى مجنون وقام راسها .. فاشاف دم ... فاخدها وطلع بيها يجرى ويضبح على شغاله ...
قصى .... سيرناااااااااااااااااااا ... سيرناااااااااااااااا .... هانى علبة الاسعافات واتصلى بدكتور وهاتى كولنيا بسررررعه ...
سيرنا ... حاضر مستر ...
وطلع بيها يجرى ودم يقطر فى دروج ... واول ماوصل بيها لسرير ... حاول يفيق فيها بايديه على خدودها ويبخ فى ميه بس بدون فايده ... واول ماوصلت سيرنا ومدتله صندوق ... خداه وقاللها ..
قصى ... كلمتى دكتور ؟؟
سيرنا ... يس مستر بس مقفل ...
قصى ... اوك اطلعى وخلينى ... وشاف راسها .. فالقاه جرح سطحى فاحاول يضمضه ويعقمه وحط عليه لصقه ... وبخ على وجهها كولنيا فا فاافاقت .... واول مافاقت قعدة تشبحله ودموع ينزلو منها بدون اى كلمه ... وهوا ناض وخدى صندوق وعطاها بالقفى وقاللها ...
قصى ... انى اسف ماكانتش نقصد ...
وطلع وسكر الباب وراه ... وطلع من الحوش بدون حتى مايتغدى ... وفاتت ساعه ورا ساعه .. وهوا مارجعش للحوش ... وهيا فى دار حابسه روحها وتبكى .... لحد ساعه 9 فى الليل ... وتحديدا لما سمعت باب غرفتها يطق ..
وهنا مسحت دموعها وقالت ... تفضل ..
رولا .. اهلين حبيبتى ... سألت عليك وقالتلى سيرنا انك فى دارك مريضه ... ان شالله خير ؟؟
رنا ... لا لا عادى ... بس طحت من دروج فا راسى نفتح شوى دم ...
وفى اللحظه الا قالت فيها جمله ... كان قصى كيف بيفتح باب دار المردود ويخش ... بس تفاجئ ان رنا كدبت على رولا ومابتش تقوللها شن صار ... فا وقف شوى وخدى شهيق وطق على دار ..
رولا ... شكله قصى وصل .. خلاص نخليك ترتاحى حبيبتى ... وتبى اى شى انى فى غرفتى ...
رنا ... اوك <3 ليلتك سعيده ...
طلعت رولا من دار ... وخشت رنا تحت يرغانها وغطت وجها وبدت ترعش مع بعضها بمجرد انها سمعت صوته نفسه وحركاته كيف يفك فى ساعه ويسكر فى غرفه ...
واول ما قرب لسرير ... قعد ساكت شوى بعدين ....
