البارت 6
ساره: انسي حبك لايمان
جاسر: ههههههههه حبي لايمان هههههه انا مبكرهش حد ادها هيا والكلب التاني
ساره: خلاص ياجاسر يبقي تفوق لنفسك وتفتح صفحه جديده مع اسماء
جاسر: ان شاء الله
ساره: هيا عجبتك
جاسر: هه
ساره: يبقي مطلعتش مزه
جاسر: اسماء لمي نفسك محبش حد يقول علي الحته بتاعتي مزه
ساره: الحته بتاعتك
جاسر: اه ويلا اطلعي نامي
ساره: طيب تصبح علي خير
جاسر: وانتي من اهل الجنه
وخرجت ساره ليقول جاسر في نفسه: هيا صحيح المزه عجبتني ولا لاء والله انا مش عارف هيا شكلها محترمه ولبسها كويس بس لسانها عاوز يتقص و هبله ومجنونه و عقلها....... وانت مالك وشاغل دماغك بيها ليه بقا ان شاء الله انت ناسي ان كلهم زي بعض كلهم خاينين ألمه بشده ان تكون اسماء خائنه انت بتفكر فيها تاني اتفضل اتخمد ونام جاسر
.................................................. ................
في مكان ما خارج مصر في مدينه لندن تجلس فتاه ترتدي مالايستر من الثياب وينسدل علي ظهرها شعرها الذهبي (صبغه طبعا) الحريري(مكواه شعر وكريم فرد بيبوظو الدنيا ) ويجلس امامها شاب انيق للغايه ولكن رائحه الخيانه والغدر تفوح منه نعم انه هذا الصديق الخائن وهذه الزوجه الخائنه
اكرم: كويس اوووي كده احنا معانا مبلغ كويس
ايمان: تمام اوووي المهم ايه اخبار البشمهندس
اكرم: خطب وكتب كتابه الاسبوع الجاي بس مغصوب عليها ولسه بيحبك انتي
ايمان: ده اللي انا كنت عايزاه اتاخرت اووي يا عز الدين علي مخليته يتجوز بس معلش ملحوقه
اكرم: ها احجز التذاكر
ايمان: اه بس يوم كتب الكتاب
اكرم: ماشي يا نيمو
ايمان: لاء نيمو دي سمكه صغيره انما انا حوت
اكرم بسخريه: ماشي يا ......يا حوت
.........................................
وفي مصرنا الحبيبه بعد مرور اسبوع يوم الاربعاء
في بيت سيف حيث يجلس هو وحامد وبعض الفتيات يعصون الله بابشع الذنوب
ويشربون المخدرات
حامد: ها يا كبير هنعمل ايه مع الاموره
سيف: انا اقولك............................................. .........!!
حامد: احبك وانت شرير دي كده هتبقي قسمه وسط للاموره اسماء
سيف: اومال بس المهم انه لازم يكون بعد كتب الكتاب بساعه بنص ساعه المهم بعد كتب الكتاب
حامد: متقلقش انت معاك رجاله
سيف: طب ناولني سيجاره
حامد: بنجو ولا حشيش
سيف: سكلنس(الاتنين علي بعض يعني)
ويختلف الحال عند اسماء حيث كانت تقرأ القران ثم قامت صلت قيام الليل وظلت تناجي ربها وظلت تدعيه كثيرا ثم صلت الفجر ونامت
واشرقت الشمس لتدخل اشعتها الذهبيه علي غرفه اسماء
محمد: وهو يقف علي الباب ويقول بصوت عالي: اسمـــــــــاء
اسماء تيستيقظ وهي تقول: يالهوووووووي البيت بيقع ولا ايه
محمد: هههههههه في حد يصحي يقول يالهوي
اسماء: وفي حد يصحي حد كده وقذفته بالمخده
محمد: انا غلطان اني بصحيكي يا عرسه انتي ناسيه انه كتب كتابك النهادره
اسماء: عرسه في عينك ده انا عروسه زي القمر
محمد: قمر بالستر يا اوختشي وانصرف محمد لتقول
اسماء: الواد اخويا انحرف ولا ايه يا جودعان ده بيقول اوختشي
محمد بعدما عاد: متعلم منك
اسماء: امشي يا دزمه من هنا
محمد: هاهاهاو واقف في ملك ابويا
اسماء: طب راعي يا خي اني عروسه
محمد بحنيه وقد اقترب منها والله هتوحشيني اووووي يا اسماء وياخذها في حضنه وفجاه .............. تقوم بعضه
محمد: يا بنت العضاضه
اسماء: مبحبش حقي يبات بره
محمد: ااااااه ايه ده سنانك حديد
اسماء: الله اكبر عليا هتحسد
محمد: وانتي بيحوق فيكي حاجه
اسماء: هيوحشني اوووي هزارنا مع بعض هتوحشني كل حاجه
محمد: انتي ايه رايك في جاسر
اسماء: مش بطال
محمد: هو ايه ده اللي مش بطال هو بسالك علي خلاط
اسماء: انت عارف انا احتفظت بمشاعري لزوجي وهو هيبقي زوجي
محمد: يعني بتحبيه
اسماء: مش عارفه وبصراحه خايفه
محمد: من ايه
اسماء: منه هو
محمد: ليه
اسماء: وحكت له مواقفها مع جاسر
محمد: ههههههههه ده انا لو مكانه هنططك
اسماء: ما هو ده اللي مخوفني
محمد: هههههه لا متخافيش الراجل شكله طيب وقومي يلا عشان تجهزي
اسماء عندك حق انا هقوم اتصل بريم ومنه
محمد: ماشي سلام ومتخافيش يا عرسه
اسماء: امشي يا دزمه ال عرسه ال ده انا قمر
أنت تقرأ
قصص حب
Lãng mạnالبارت 1 في صباح يوم جديد تشرق الشمس علي احد البيوت البسيطه في محافظه القاهره لتتخلل اشعه الشمس الي غرفه تجلس بها فتاه في منتصف عقدها الثاني تقرا وردها اليومي بعد انتهائها من صلاه الفجر ليدخل شخص الي الغرفه الشخص \...
