قصص حب

البارت 26
كان يجلس يراجع احد الملفات اتاه اتصالا فاجاب قائلا: السلام عليكم ازيك يا متر
صدقي: وعليكم السلام ازيك يا اكرم
اكرم: انا الحمد لله كويس
صدقي: يارب دايما انا اتصلت بيك عشان ابلغك اني لقيت مشتري للفيلا وللشركه
اكرم: كويس وحضرتك مطمن له
صدقي: ايوه كويس جدا وانت كمان تعرفه
اكرم :اعرفه مين ده يا متر
صدقي: انــــا
اكرم: اه كويس جدا يا متر ماشي انا هشوف سيف واتفق مع حضرتك علي ميعاد
صدقي: ماشي يا اكرم وانا منتظرك مع السلامه
اكرم: سلام
وانتهي الاتصال
ا
..........................
كانت ترتدي ملابسها استعدادا لمقابله ذلك العريس القادم
لترتدي فستان من اللون النبيتي وفي منتصفه حزام رقيق من اللون الكافيه وارتدت خمار من الستان باللون الكافيه لتبدو كاميره جميله تنتظر قدوم فارسها
مريم: ايه رايك يا زياد
زياد وهو يتصنع العبوس: ايه ده يا مريم ايه اللي انتي عاملاه في نفسك ده
مريم بخضه: وحش اووووي
زياد: اه طبعا عسل خالص ايه يا بت الحلاوه ده والله لو مكنتي اختي مكنتش سيبتك ابدا
مريم:هههههه كل بعقلي حلاوه
زياد وهو يصفر: ده انتي الحلاوه يا جميل
مريم: بس ياض بتكثف
زياد: هههههه لاء وانتي وش كسوف الحقيقه
..................
كان يقف امام المرأه ويرتدي حلته الرماديه التي جعلته وسيما للغايه
اكرم: براحه علي نفسك شويه العروسه مش هتقدر تقاوم
سيف: يا بني انا وبلا فخر محدش يقدر يقاومني
اكرم: يا واد يا مغرور انت
سيف: ده مش غرور يا حبيبي ده ثقه بالنفس
اكرم: ربنا يسعدك يا حبيبي
سيف: ويسعدك يا حبيبي
اكرم: انت لازم يا سيف تعرفها حياتك قبل ما ربنا هداك كانت عامله ازاي
سيف: انا كنت بفكر في كده بس خايف ترفض عشان كده
اكرم: بالكلام اللي انت قولته علي زياد يخليني ابقي متاكد انها مش هتفكر كده
سيف: يلا ربنا يقدم اللي فيه الخير
وانطلقا في طريقهما الي منزل زياد
.....................
رحل كلا من عز وهدي وساره التي حاولت بشتي الطرف ان تجعل الابتسامه ترتسم علي شفتي اسماء ونجحت في ذلك
لتدخل اسماء الي غرفتها بعد رحيلهم وتجلس علي سريرها وتمسك بيديها احد المصاحف وتقرأ فيه ليدخل جاسر وفي يديه صينيه عليها بعض الطعام ليجلس مقابل لها علي السرير فاغلقت اسماء المصحف ثم تممت بخفوت: صدق الله العظيم
جاسر: يلا يا سوما عشان تاكلي
اسماء: معلش يا جاسر ماليش نفس
جاسر: اسماء انا عارف ان وفاه والدك ماثره عليكي بس ده مش معناه انك توقفي حياتك
اسماء: انت مش عارف انا كنت بحب بابا اد ايه
امسك جاسر يديها ثم قال:وتفتكري هيبقي مبسوط لما يشوفك عامله في نفسك كده انا عارف ان الفراق صعب بس مش تدمري حياتك وتوقفيها ده ميرضيش حد
اسماء بتفكير فيما قاله: حاضر يا جاسر
وتناول احد الملاعق وقام باطعامها وهو ينظر لعينيها بحب
....................
في شقه زياد
طق طق طق
فتح زياد الباب وادخل سيف واكرم
سيف: اعرفك يا زيا اكرم صاحبي وجوز اختي الله يرحمها
زياد: تشرفنا يا استاذ اكرم
اكرم: استاذ ايه لاء انت تقولي يا اكرم عالطول
زياد: انت اصلا شكلك صغنون وعسول يا اكرم
سيف: مش وقت تامل في جمال الاستاذ اكرم فين العروسه
زياد: اه بالحق هدخل اناديلها
وعند مريم التي قالت: هو انا لازم اخرج انا خايفه اووووي
زياد: لاء يا مريومه متخافيش انا معاكي وبعدين مطوتك في ايدك وسلاحك في جيبك محدش يقدر يكلمك
مريم: بقا في امام مسجد يقول مطوتك اسفخس علي هذا الزمن
زياد: نبقي نناقش الموضوع ده بعدين الناس قاعده برا
وخرج زياد ومعه مريم التي كانت تحمل في يديها صينيه عليها عدد من الاكواب المملوءه بعصير المانجو
ظل سيف ينظر اليها كثيرا نعم ان ملامحها عاديه لاقي الكثير من الفتيات الاجنل منها ولكنه لا بيدري لم يراها جميله للغايه لم خطفت قلبه منذ ان راها
كانت مرتبكه للغايه لم تتجرأ علي رفع عينيها من الصينيه قدمت لهم العصير ثم جلست بجانب اخيها ثم يتحدثون سويا الي انا قال زياد: باشمهندس اكرم عاوزك كده في كلمه علي انفراد
وقام كلا من زياد واكرم ليتركوهم بمفردهم
سيف لنفسه: انا مالي ملبوخ كده ليه لاء مينفعش كده شد حيلك يا بطل مستقبل الامه في ايدك عاش يا وحش
نظر لها فوجدها تنظر الي السجاده فقال: نضيفه
رفعت راسها ونظرت له قائله: هيا ايه اللي نظيفه
سيف:الشوز بتاعي اصل انا لقيتك عامله تبصي علي السجاده وتسالي نفسك ياتري الشوز بتاعه نضيفه ولا هيوسخ السجاده فقلت اريحك
ارتسمت ابتسامه جميله علي شفتيها
سيف: بما ان السجاده بخير احب اقولك انا اسمي سيف 24 سنه خريج كليه هندسه علي فكره انا مسقطش بس انا داخل كبير سنه ووالدي ساب لي مبلغ محترم كدهو وبشتغل في شركه كبيره للديكور وانا عندي فيلا ورثي من بابا لو حصل نصيب ان شاء الله هنسكن فيها وفي حاجه مهمه انا عايز اقولهالك
نظرت له في اهتمام قائله: اتفضل سمعاك
سيف بندم: انا كان ماضيا زباله عصيت ربنا كتير اوووووي والحمد لله ربنا هداني وباذن الله مستحيل ارجع للي كنت فيه تاني
مريم بعقلانيه: انا مهيمنيش انت كنت ايه انا يهمني حاليا علاقتك بربنا ايه
سيف: الحمد لله كويسه جدا مش عايزه تسالي اسئله
مريم: مفهمومك عن الزواج
سيف: اولا الزواج بالنسبه ليا علاقه مقدسه ثانيا انا مش عايزه خدامه انا عاوز واحده تشاركني حياتي عاوز واحده تكون معايا علي الحلوه والمره ناخد بايد بعض للجنه يعني لما نجيب ان شاء الله اولاد نربيهم سوا نغرس فيهم كل حاجه حلوه نعلمهم ازاي يبقو مسلمين بجد ميبقوش ضايعين ويا عالم هيفوقو ولا لاء
كانت تنظر له بانبهار واعجاب شديدين
فاكمل سيف قائلا: عايز واحده تبقي زوجتي وصحبتي وحبيبتي وعشيقتي وامي واختي وبنتي وانت هكون لها زوجها وحبيبها واخوها وصديقها وعشيقها هبقي سندها وحماها ولو في يوم زعلتها هجيب لها حقها مني وبس
مريم بابتسامه: طيب هصلي استخاره وان شاء الرحمن زياد هيبلغك بردي
سيف: زيااااااد
ليدخل زياد ومعه اكرم
زياد:ايه يا عم بتزعق كده ليه
سيف: مافيش احنا هنمشي بقا وبلغني الرد
زياد: سنتين كده ان شاء الله
سيف: نعم يا اخويا اسبوع واحد
زياد: هما اسبوعين وهرد عليك
سيف :ماشي وانا اصلا متفائل
وغادر كل من سيف واكرم
زياد بنصف عين : ايه يا قطه
مريم: بس هو كويس ودماغه كويسه وفكرته عن الجواز عجباني ودمه خفيف وعسول ليقاطعه صوت زياد القائل: تيرارارارا
مريم: علي فكره انت رخم
زياد: والله وكبرتي يا مزغوده وبقيتي عروسه
مريم: مزغوده طب وسع كده يا زياد الله يهديك
.....................
بعد مرور اسبوع وتم بيع الفيلا والشركه لصدقي
يتناول اكرم هاتفه ويتصل بمروان
اكرم: السلام عليكم
مروان: وعليكم السلام
اكرم :النهارده هقول لجاسر علي كل حاجه
مروان: بتتكلم بجد
اكرم: اكيد طبعا جاسر فين حالا
مروان: في الشركه
اكرم: ماشي وانت فين
مروان: انا في الشركه
اكرم: كويس اوووووي عاوزك توح تقعد معاه في مكتبه وتبقي موجود واحنا هناك عشان منتهورش
مروان: احنا مين هو في حد جاي معاك
اكرم: سيف جاي يرجع الفلوس اللي ايمان اخدتها من جاسر وكمان هيوضح له حاجه
مروان: طيب ماشي انا رايح له متتاخرش
اكرم: 10دقايق هتلاقيني عندك سلام
مروان: سلام
وانتهي الاتصال
بعد قليل في مكتب جاسر
اكرم للسكرتيره: باشمهندس جاسر موجود
السكرتيره: اقوله مين حضرتك
اكرم: احنا اصحابه وكنا مسافرين وعملينها له مفاجاه فهندعلها عالطول لو معندكيش مانع
السكرتيره: طبعا معنديش مانع بس باشمهندس مروان معاه جوا
سيف: بجد ده الحبايب متجمعين بقا طب معلش بقا ندخل
السكرتيره: اه طبعا اتفضلو
طق طق طق
جاسر: ادخل
ليدخل كلا من اكرم وسيف ليصيح فيهم جاسر قائلا: انتو بتعملو ايه هنا بررررره