قصص حب

البارت 23
وصل كلا من ريم ومروان الي المشفي
طق طق طق
جاسر: ادخل
ليدخل كلا من ريم ومروان فتذهب ريم مباشره لاسماء لتحتضنها
ريم ببكاء: انتي كويسه
اسماء: في ايه بس بتعيطي ليه ما انا اهو زي القرده اودامك
ريم: هههه كده انا اتطمنت انك كووويسه
مروان: الف سلامه عليكي يا اسماء
اسماء: الله يسلمك يا مروان
ليدخل عمر في تلك اللحظه قائلا: سلام عليكو
الجميع: وعليكم السلام
جاسر: ايه يا بني كنت فيين
عمر: ايمان ماتت
صدمه تملكتهم جميعا
جاسر: ازااااي
عمر: قتلت نفسها
اسماء: طب ليه
عمر: الطب الشرعي بيقول انها اغمي عليها وتعرضت للاعتداء بعدين فاقت ومياه النار وقعت علي وشها فقتلت نفسها
اسماء: ياااالله يعني اللي كانت عايزه تعمله فيا اتعمل فيها ثم تنهدت قائله ربنا يرحمها
جاسر: اللي كانت عايزه تعمله فيكي
هزت اسماء راسها بالايجاب
جاسر: بنت الــــ....
لتقاطعه اسماء قائله اذكرو محاسن موتاكم
جاسر: يلا الله يرحمها
ليقاطعهم صوت رنين هاتف مروان
مروان بارتباك: عن اذنكو يا جماعه
وخرج مروان من الغرفه مسرعا ليرد علي الهاتف
مروان: وعليكم السلام......... واحشني اوووي والله........ بجد انت هنا............خلاص ماشي............. سلام
ثم دخل الي الغرفه
مروان: معلش يا جماعه بقا احنا لازم نمشي
جاسر: ماشي يا مروان
مروان: يلا يا ريم والف سلامه عليكي يا اسماء
اسماء: الله يسلمك يا مروان
لتحتضنها ريم قائله خلي بالك من نفسك يا سمسم ماشي
اسماء: وانت كمان يا حبيبتي خلي بالك من نفسك
لينصرف كلا من ريم ومروان
جاسر: ها يا عمر الشرطه هتاخد اقوال اسماء امتي
عمر: الشرطه مش هتاخد اقوالها اصلا
جاسر: وده ليه ده بقا ان شاء الله
عمر: عشان مش احنا اللي بلغنا البوليس
جاسر: اومال مين وبعدين انت مش خارج من هن علي اساس انك هتبلغ البوليس
عمر: حصل بس اكرم جوز ايمان طلع مبلغ البوليس
جاسر: ودخلت عليك اكيد مطبخينها سوا
عمر: لاء يا جاسر اكرم بلغني بان مراته بتلعب بديلها معايا وانا سيبتها لحد ما اخدت الفلوس وهربت عشان اللي كانت هتشوفه مني يبقي حلال فيها وكمان بلغ عن قضيه فساد منتجاتها ودفعت 10مليون عشان متتسجن
جاسر: طب واكرم هيعمل كده ليه
............
اعلن هاتفه عن وجود اتصال جديد نظر لاسم المتصل ليجده اكرم
سيف لنفسه: يا تري عاوز ايه
سيف: السلام عليكم ورحمه الله وبركاته
اكرم: وعليكم السلام ازيك يا سيف
سيف: الحمد لله كويس يا اكرم انت عامل ايه
اكرم اهو الحمد لله تمام بص يا سيف انا عايزك ضروري
سيف: خير في ايه
اكرم: ايمان قتلت نفسها
سيف بصدمه ودهشه: ايييييه
اكرم: انت في دلوقتي
سيف: انا في شقتي
اكرم: ابعتلي عنوانها في رساله
سيف: بس انا مش فاهم ايمان عملت كده ليه
اكرم: لما اجيلك هفهمك
كانت يتسائل بداخله لما قتلت نفسها لم اختارت تلك النهايه الماساويه لم يجد اي جواب فقرر انتظار اكرم
...........
في جناح مروان وريم
ريم: والله اسماء صعبانه عليا خالص
مروان: وانا ايه مش صعبان عليكي
ريم بدلال وهي تقترب منه: ليه مالك يا روحي
مروان: تعبان بيكي
ريم بدلال ودلع: لاء اخص اخص عليا
مروان وقام بحملها: لاء كده كتير وان معتش قادر الحقيقه
ليمتزجا سويا في عالم يحيط به الحلال من كل جانب
.........
في المشفي
كانت تجلس علي سريرها مرتبكه تنظر له تريد ان تتحدث ولكن نظراته المتفحصه تمنعها عن الحديث
جاسر: عايزه ايه
اسماء: عايزه ايه في ايه
جاسر: بقالك ساعه عايزه تتكلمي قولي في ايه متتكسفيش ده انا حتي جوزك
اسماء بارتباك : هو انا يعني كنت أأأأ
جاسر:كنتي ايه
اسماء وهي تستعيد ربطه جأشها :بصراحه كده انا جعانه وعايزه اكل
جاسر: ههههههههههه كل ده علي متقولي انك جعانه عيني عليك يا جاسر يا بني وقعت في واحده هبله
اسماء بغيظ: انا غلطانه اني قولت لك خلاص مش واكله
جاسر: خلاص والله بهزر ثواني والاكل يبقي عندك
بعد قليل دخلت احدي الممرضات بالطعام
جاسر وهو يمسك الملعقه: عارفه لو عملتي ايه برده هاكلك
اسماء بخجل: ما انا هعرف اكل لوحدي وبعدين مش عايزه اتعبك
جاسر: يا لهووووي اسماء مكسوفه لاء اكيد في حاجه غلط
اسماء :ليه ياحبيبي اسال اي حد عليا هيقولك اني بتكسف
جاسر: لاء والحقيقه انتي وش كسوف
وامسك الملعقه وظل يطعمها وينظر لها بحب بينما هي كانت تنظر له بسعاده وحب نعم انها تحبه ولكنها تخشي الا يكون لديه تجاهها نفس الشعور بالحب