عملة الحب

الفصل الاول

السلام عليكم ورحمه الله و بركاته .. النهارده اولى حلقات روايه عملة الحب .. في حاجه هقولهالكو من غير ضرب .. النشر سبت و تلات و خميس لحد ما اخلص كتابتها و بعدين هنزل يومي .. دا غير ان الفصل طويييل .. اتمنى ليكو قرأه ممتعه

...
في مكان ما .. بعيدا عن ارض مصر الحبيبة .. تحديدا في المملكه العربيه السعودية الشقيقة .. كان هناك عائلة صغيرة مكونة من ام و اب و ابنيهما .. يجلسون جميعا حول مائدة الطعام يتناولون وجبة اغداء و يتبادلون اطراف الحديث..

- يعني يابني خلاص .. ناوي ترجع مصر و تسيبنا تاني .. دا احنا ملحقناش نشبع منك

- معلش يا امي مانتي عارفه اللي فيها .. انا مكانش ينفع اكمل دراستي هنا .. و كان لازم انزل مصر عشان الكلية .. و دي مش اول مرة يا ماما

- مهو عشان مش اول مرة .. انا يبني لو عشت النهارده مش هعيشلكو بكرا .. انا خلاص رجلي و القبر

ليرد الابن الاخر
- بعد الشر عليكي يا ست الكل .. و بعدين ايه بقى ما يغور جاسر مانا قاعد معاكي اهو ولا يكنش انا مش عاجبك.. اسافر انا كمان عشان اوحشك كدا

لتضحك الام .
- هههه يو جاتك ايه يا حسام .. انت الوحيد اللي بتعرف تغير الجو ف البيت .. ربنا يخليك ليا يا ضنايا دانت مكفيني و زيادة

ليتدخل الوالد و اخيرا قائلا
- اه يا اختي .. ماهم حبايبك دلوقتي وانا اتركنت ع الرف .. الله يرحم زمان ايام ما كنتي بتقولي يغوروا العيال دانت اللي ف القلب

جاسر ضاحكا - ههههه ايه يا بوص بقى الغيرة دي ..ما انت قلت خلاص دا كان زمان

" جاسر .. طالب جامعي ف ٣ كلية اقتصاد و علوم سياسية .. عاش عمره كلو ف السعودية .. و لما اتخرج من الثانوية قرر انه يكمل الكلية ف مصر .. و بيزور اهله ف الاجازات "

امه - بس يا واد .. دا ابوك دا اللي ف الحتة الشمال .. انت مين انت عشان تقارن نفسك بيه

حسام - ايوة بقى يا فؤش .. عاش يا عم .. طب ما تراعو مشاعري انا و الغلبان السناجل اللي قاعدين دول

" حسام .. خريج كلية هندسة و مقيم مع اهله ف السعودية .. بيشتغل ف شركة كبيرة للعمران .. و بيدور ع بنت الحلال "

فؤاد " ابوه" - بس ياض انت .. صدعتني بكلمة سناجل .. يا اخويا اتشطر و روح شفلك واحدة نخطبهالك بدل مانت قاعد ف اربيزنا كدا .. خلينا نعيش حياتنا انا و امك بقى

ليضحكو جميعا .. و يكملو طعامهم ..

***********************
اما في بلادنا الغالية مصر .. في احدى انحاء الاحياء الشعبيه في القاهرة .. تجهز فتاه فاتنة الجمال لمغادرة المنزل

- جهزتي يا ريتال

ريتال - اه يا ماما خلصت اهو .. هو عماد خلص ؟!