عملة الحب

الفصل الرابع و العشرون

دخل المحامي - السلام عليكم

الكل - وعليكم السلام

المحامي. - انا استاذ اشرف سامح محامي المرحوم .. الحقيقه قبل ما المرحوم يتوفى بخوالي شهر طلبني عشان نكتب الوصيه دي .. و وصى ان ال يفتحها و يعرفها الاستاذ فؤاد اخوه و والانسه حنان بنته بس

فؤاد - مفيش مشكله يا استاذ اشرف .. اتلضل معايا ع الصالون نشوف الوصيه . يلا يا حنان

دخلو هما التلانه الصالون و تم افتتاح الوصيه

فؤاد قرأ الوصيه و ود بتعجب - عايز جاسر يتجوز حنان !! و محدش يعرف جاسر ان دي وصيته نجيبها من اتجاه تاني !!! ايه الكلام دا ؟؟؟؟ دي وصيه اخويا ؟؟

حنان بصتله و ردت - وصيه بابا اني اتجوز جاااسر ؟؟!

اشرف - ايوه يا فندم

حنان قامت - يبقى لازم انفذها يا عمي .. وصيه ابويا هنفذها لو على حساب اي حد

فؤاد بتوهان - بس جاسر ؟؟ هيوافق ؟

حنان بعصبيه - يوافق ميوافقش مش مشكلتي بقى .. و بعدين هو انا ناقصه ايد ولا رجل عشان ميوافقش هو ابنك يطول اصلا

فؤاد - اهدي يا حنان .. انتي دلوقتي مش فاهمه انتي بتقولي ايه .. انا عارف انك مضايقه على موت والدك و عايزه تنفذيله اخر طلب .. بس مش تخبطي ف الكلام يا ماما

حنان - قصره ؟؟ هتعمل ايه عشان جاسر ميعرفش انها وصيه

فؤاد بتفكير - سيبيها عليا

فؤاد لنفسه - انا عارف اني هظلمك يا جاسر يابني .. بس دي وصيه و لازم تتنفذ .. اتمنى لما تعرف م تكرهنيش

*************************

سمر كانت قاعده هي و امها بس .. هي قاعده ع الفون بتاعها .. و سماح بتلف محشي قدامها

و هي قاعده لقت فجأه موبيلها بيرن برقم حاتم

سماح باستغراب - مين بيتصل عليكي يا سمر و محدش معاه رقمك ال هنا ف مصر

سمر قفلت عليه بسرعه - ااااا لا لا يا ماما دا مش حد بيتصل .. دا انا بلعب ف الاعدادات ف الفون و بظبط الصوت ف طلع الرنه

سماح - ممممم طيب .. انا بقول بردو مين هيكلمك

فتحت سمر الشات عشتن تكلم حاتم

سمر - حاتم .. انت رنيت عليا ليه

حاتم - وحشني صوتك

سمر - مش انا قولتلك مش تتصل الا لو انا قيلالك عشان ماما

حاتم- مقدرتش استحمل بقى وحشتيني

سمر - ماشي يا بكاش .. متعيدهاش تاني

حاتم - نور بنت عمي كلمتها عنك كتييييييير جدا و نفسها تتعرف عليكي

سمر - بجد .. طب ياريت .. اديها الاكونت بتاعي خليها تضفني