عملة الحب

الفصل التاسع عشر

فاقت من سرحانها لما شافت جاسر داخل و معاه التحاليل .. معرفتش تحدد معنى ملامح وشو

ريتال - جاسر طمني ؟؟

جاسر - مالك يا حببتي قلقانه ليه

ريتال - جاسر بالله عليك انا مش مستحمله قولي التحاليل بتقول ايه على طول

جاسر - مجبتهاش .. لازم تيجي بنفسك و ندخل لدكتور و نشوف

ريتال - طب يلا بسرعه بسرعه

راحوا جاسر و ريتال لدكتور و قعدوا معاه

ريتال - ها يا دكتور طمني

الدكتور - خير ان شاء الله .. " بعد ما اطلع ع التحاليل" .. متقلقيش خالص يا مدام .. دي مجرد تغير هرمونات .. و انتي لان كان عندك حاله ف اهلك جالها المرض الوحش هوفتي على نفسك .. لكن انتي سليمه مش فيكي حاجه

ريتال تنهدت - اوووووووف الحمدلله .. الحمدلله يارب

جاسر - الحمدلله

ريتال - يعني انا كويسه

الدكتور - زي الفل ..

جاسر - طب يا دكتور دا ليه تأثير على الحمل

ريتال سمعت الجمله دي و مقدرتش تمسك نفسها م الضحك - ههههههههههههههههه

جاسر بصلها سكتت و بصت ف الارض

الدكتور - حقو برضو يا مدام عايز يطمن ع ان يكون ليه بيبي جميل من حبيبته

ريتال اتكسفت و سكتت

الدكتور - اطمن يا استاذ .. ملوش اي تأثير عليها .. زي ما قولتلك مجرد تغير هرمونات بيحصل لكل البنات

جاسر - تمام .. ميرسي جدا لحضرتك

الدكتور - على ايه دا شغلي

جاسر - عن اذنك .. السلام عليكم

خرجوا جاسر و ريتال من عند الدكتور

ريتال - يااااااه .. الحمدلله .. هم كبير و انزاح

جاسر - قولتلك عمرك ما تقلقي وانا معاكي .. يلا روحي كلمي اهلك طمنيهم

ريتال - هااا .. ااااا لا اصل انا اتكسفت اقولهم

جاسر - ازاي ؟؟ يعني محدش يعرف ؟؟

ريتال - تؤ تؤ .. اتكسفت منهم بس متكسفتش منك .. انت حمايتي

جاسر - ربنا يباركلي فيكي يا حببتي و مراتي و ام ملك

ريتال - ملك مين

جاسر - بنتنا مستقبلا

ريتال - بس انا عايزه ولد

جاسر - ميخصنيش انا عايز بنت

ريتال - لا ولد بقى

جاسر - يا ستي ولد بنت خليكي انتي بس معايا ع الخط و هنجيب توأم ان شاء الله