عملة الحب

الفصل الثلاثون

ريتال صحيت من النوم ع صوت مسج ع الموبيل

" ازيك يا ريتال .. انا جاسر .. عارف اني بقالي فتره مختفي و انتي بتسألي عليا .. و عايزه تعرفي عني اي حاجه .. انا هيتناكي النهارده ف الكفاتيريا ال بنروحها دايما ع النيل .. الساعه ٨ محتاج اتكلم معاكي ف حوار حياه او موت "

ريتال - هيييييييييييه هشوفه النهارده هطمن عليه النهارده .. اصحوووو .. يا اهالي البيت العزيز .. اصحوووو

بسمه صحيت ع صوتها - في ايه يا بنت المجانين بتتنطتي ليه ع الصبح

ريتال - هشوفوا يا بسمه هشوووفوا .. طالب يقابلني النهارده

سمر صحيت ع صوتها - هو مين دا ال قالبه دماغنا عليه ع الصبح

  ريتال - جااسر .. جاسر اخيرا كلمني .. باعتلي مسج بيقول انه عايزني بليل

بسمه - بليل النهارده ؟؟ انتي مش شايفه يا بنتي الجو بره عامل ازاي .. و بعدين بيقولوا هتمطر جامد النهارده

ريتال - مش مهم المهم اشوووفوا بقى

سمر - مجنونه دي

ريتال - مجنونه بيه لوسمحتي

بسمه - ههه خلاص يا سمر سيبيها بقى .. قومي وريني هتلبسي ايه يا موكوسه

ريتال - يلا نقلب الدولاب سوى

**************

مرام - حسام انا كنت عايزه اسألك حاجه بس يعني

حسام - بس ايه يا مرام اسألي

مرام بدموع - هو .. هو يعني انا .. انا حد قرب مني او لمسني .. اصلي يعني فقدت الوعي و محستش بحاجه حصلتلي

حسام مسك ايديها عشان يهدي من روعتها - لا يا قلبي ما عاش و لا كان ال يمس شعره واحده منك .. متقلقيش طول مانا معاكي

مرام ابتسمت و ذادت ف الدموع

حسام شدها لحضنه جامد - مالك بس يا قلبي والله ما حد قربلك متقلقيش

مرام - انا مصدقاك .. انا بس بعيط م الفرحه الحمدلله يارب انك حفظتني الحمدلله

حسام - الحمدلله

مرام و لاحظت انها ف حضنه - طب ايه

حسام بهبل - ايه ايه

مرام بكسوف - مينفعش كدا احنا ف مستشفى

حسام - والله ؟ دي حجتك يعني .. طب انا عايز اروح البيت دلوقتي حالا بقى

مرام بأستهبال اكتر - بس انت لسه تعبان

حسام - صحتي بقت بووومب ..  يلا نروح دلوقتي حالا

مرام - ابدا يا حبيبي مش قبل ما نطمن عليك

حسام - ابدا يا ايه ؟

مرام بتصنع - ابدا يا ايه ؟

حسام - والله .. طب دا بعد ..  ابدا يا دي .. احنا هنروح البيت حاااالا