عملة الحب

الفصل الخامس

جاسر فتح الباب - انتي ؟! .. انتي عرفتي مكاني ازاي .، ايه اللي جابك هنا ؟!

- افندم ؟!

جاسر - انتي مين

- انت اللي مين .. ايه اللي مقعدك ف شقة مفيهاش غير ستات .. اكيد حرامي .. اكيد .. " و بعلو صوتها " يلاااااااااااااااااااااااااااااااهوي .. الحقونا يا ناااااااس ،. يا رجاااااالة الحته .. الحقوووووووووو

جاسر مسكها بسرعه و حاول يسكتها و يحط ايدو ع بوقها

- ينهااااارك اللي مش فايت .. الحقووووووني .. بيتحرش بيا

جاسر - اهدي اهدي والنبي

الشارع كلو اتلم عليهم .. و ليلى و مامتها خرجو من الاوضة بسرعه

ليلى - في ايه

راجل من الشارع - انت مين ياض .. اطلبوا البوليس

ام ليلى - استنوا يا جماعه .. دا سوء تفاهم .. دا جاسر ابن اختي

الراجل - ابن اختك اكيد يا حجة

ام ليلى - ايوة يبني .. هتبلى ع واحد معرفوش ليه

الراجل - اومال البنت بتصرخ ليه

ام ليلى بصت للبنت - في ايه يا ريتال يا بنتي .، كنتي بتصرخي ليه

ريتال اللي كانت واقفة مصدومه م اللي سمعته و عملته .. و بقت ف نص هدومها - انا اسفة اووووي يا طنط دا سوء تفاهم والله .. انا كنت جاية اقعد مع ليلى لقيت راجل غريب بيفتح اتخضيت عليكو

جاسر - حصل خير يا رجالة .. خلاص كل واحد يشوف مصلحتو

ريتال - انا همشي .. انا اسفة تاني

ليلى - لا لا تمشي فين ادخلي

ريتال - وقت تاني يا ليلى

ليلى - ابدا .. ادخلي يا بت ..الحقي يا ماما دي هتمشي

ام ليلى - بت يا ريتال ادخلي يا بت .. قال تمشي قال دا بيتك يا جاموسة

ريتال - ربنا يخليكي يا طنط ع المدح دا هههههه .. بس هجيلكو ف وقت تاني ميكنش عندكو ضيوف

ام ليلى - و هو فين الضيوف .. دا اجاسر ادخلي ادخلي بس مش عايزة احلف

ريتال - حاضر يا طنط دخلت اهو

ليلى - اتفضلو ع الصالون بقى

ام ليلى - واحشني يا جاسر يبني .. معدتش تسأل ليه ؟!

جاسر - معلش والله يا خالتي .. السفر و جامعه .. حقك عليا يا غالية

ام ليلى - ربنا يخليك يبني .، اه صحيح معرفتكوش .. دي ريتال جارتنا صاحبة ليلى .. و دا جاسر ابن اختي يا ريتال

جاسر/ ريتال - اتشرفنا

جاسر ف نفسه - مش معقول .. ايوة هي .. انا متأكد .. يااااااه .. فرحتي متتوصفش اني شفتك من تاني يا ريتال ... يا ترى هي حاسة بيا