عملة الحب

الفصل الثاني و العشرون

سمر - بسمه حببتي .. ممكن ابعتلو مسج واحد من عندك وحياتي وحياتي

بسمه - و اخرتها يا سمر ..

سمر - فل ان شاء الله بس ابعتلو مسج

بسمه - طيب .. انا هبعتهالو هاتي الاكونت ..

سمر ادتها الاكونت و بسمه بعتتلو مسج بتقول

بسمه - السلام عليكم يا استاذ حاتم .. انا بسمه قريبه سمر .. هي وصلا الحمدلله بس مش عارفه تجيب خط دلوقتي و تعمل باقه عشان تكلمك .. ف قالتلي اطمنك عليها

سمر - اشوووف اشووف

بسمه - خدي يا ختي شوفي .. اما نشوف اخراها معااكي يا سمر

سمر - حرام عليكي بقى يا بوسي حسو بيا .. هو بيحبني و انا بدأت احبو .. نفسي احس احساس الحب جدا

لتخرج ريتال من الحمام - دا اسمه فراااااغ .. انتي بتضيعي نفسك يا سمر

سمر - متقلقوش عليا انا زي الفل

قطع كلامهم رساله ل بسمه بتقول

حاتم - و عليكم السلام .. اهلا يا استاذه بسمه .. تمام ماشي المهم اننا وصلت بالسلامه .. قوللها انها وحشتني اوووووووووووووي

بسمه - خدي يا ختي رساله ليكي

سمر قرأت الرساله و اترسم ابتسامه على وجها تلقائيا

سمر - شفتو

ريتال - شااايفين ياختي شايفين

بسمه - ارد اقول ايه

سمر - قوليلو ان شاء الله و اقفلي

بسمه - طيب

*********************

جاسر - حنان انا جعان

حنان - قالولك الشغاله بتاعتك

جاسر - ايه الاسلوب دا ؟؟

حنان - اهو دا اسلوبي

رن جرس الباب

حنان - تحب الجاريه بتاعتك كمان تقوم تفتح

جاسر - يخربيت تعكير المزاج ال ع المسا وسعي من وشي

فتح الباب لقى حسام

حسام - ازيك يا جاسر

جاسر - ازيك يا كبير .. اومال فين المدام

حسام - مرام ف البيت

جاسر - حد يسيب مراتو ف نص الليالي كدا .. لا لا عيبه ف حقك .. انا اتجوز بس مش هخرج م البيت

حسام - احلم احلم .. كل الستات نكديه

جاسر - حببتي مش نكديه

حنان جت ع الجمله دي - و مين هي حبيبتك ان شاء الله

حسام - و انتي مالك انتي .. هو جاب سيرتك بيقول حبيبته

حنان - والله .. ما اكيد مقضيها من ورانا و بكدا النتس تعرف انه شمال و عايش معانا ف البيت ف يفتكروني زيو و متجوزش