المستحيل // حسين السيد

{11}

*ريتا*
كنت واقفة بتكلم مع رمضان و سعد. فجأة لقيت روان جاية جري و بتنهج.

"ريتا.. انا اسفة اني جيت متأخر، بس اول اما سارة كلمتني جيت جري والله"
"ماهو واضح بصراحة."
و ضحكت.
"ماشي يا باردة. ايه اخبار باباكي؟"
حكتلها علي الي الدكتور قاله.

"يعيني يا اونكل، زمانه بيتعذب، بس انشاء الله يقوم بالسلامة."
"انشاء الله يارب، تعالي عاوزة احكيلك علي حاجة."
و مشينا بعيد عن رمضان و سعد.
حكتلها علي حصل ما ببني و ما بين حسين.

"يا سافلة يا ساهلة يا رخيصة! خليتي يحضنك ا بت؟؟"
و ضحكتلي.

"اه بس يخربيت ده حضن بجد..."

"بكرة تكبروا و تتجوزوا و تعملوا حاجات اعلي من level الاحضان" و ضحكِت.

"بس اتلمي يا زبالة." وضربتها.
"زعلانة علي ايه ما ده الي حيحصل فعلاً...المهم ده درس عشان بعد كده تصدقني لنا اقول لك انه معجب بيكي."
"انتي حتزيليني انتي كمان؟؟😂 روحي اتنيلي وردة الزفت بينادي عليكي."

"بس متقوليش علي وردتشي كده."
"يا شيخة اتنيلي."
-
-
عدي اسبوع و بابا كان كل ده لسه في المستشفي.
علاقتي بحسين كانت احسن من الاول، قربنا لبعد اكتر و كنت بحكيله عن كل حاجة بتحصلي تقريباً.

انا الي كنت بدرب الاهلي عشان بابا في المستشفي و الحمدالله كلهم بيقولوا اني عاملة شغل عالي. و الفريق كسب ماتشين معايا.

انهاردة بعد التمرين قولت اروح لبابا، كنت حاموت و اشوفه و كنت مستغربة عشان انا كنت لسه عنده امبارح. و طول التمرين قلبي كان واكلني عليه.

طِرت بالعربية علي المستشفي و دخلت الاوضة، لقيت الدكتور و الممرضات داخلين، طالعين من الاوضة ، شغالين من محلول لمحلول في ايد ابويا. وشوه كان اصفر و جسمه كله ازرق و شكله كان اوحش من امبارح بكتيير.

"ريتا" بابا نادي عليا كانت حاسة انه ارتاح عشان شافني.
"ايه يا حبيبي مالك ايه الي حصل؟؟؟"

"ريتا اسمعني."
لقيته مسك ايدي و بصيلي في عيني.

"ريتا..انا حاسس اني بموت حاسس اني نهايتي جت. انا مش عاوز اموت و تكوني زعلانة مني في حاجة، اسف علي اي حاجة وحشة عملتها فيكي، اسف عشان سبتك انت و مامتك و مشيت. عاوزك تسامحني يا بنتي عشان اموت مرتاح. اوعي تسيبي حسين امانة عليكي. الواد ده ابن حلال، حموت مطمن عشان عارف اني سايبك مع راجل. متخليش حياتك تقف عندي يا بنتي و نبي، مش عاوزك تزعلي و افتكري ان بابا راح مكان احسن بكتير. بابا ارتاح." و غمض عينيه.
"بابا، متسبنيش ونبي حرام عليك انا مليش غيرك يا بابا و نبي." صرخت و قعدت اهز فيه.
"يا بابا قوم يلا، اصحي ونبي متسبنييييش..."

قعدت اتحايل عليه لحد ما تعبت و مسكت ايده و قعدت اعيط في حضنه.لقيت الباب فتح و لقيته حسين دخل.
"ساموو عليكوا ا كابتشنننننن...ايه ده؟؟؟ ريتا ايه الي حصل؟" و جري علي السرير مخضوض.

"سابني يا حسين.." و قعدت اعيط جامد. حسين من كتر الخضة فضل واقف ماتحركش، مش عارف يعمل ايه.

الممرضات جوم و شادوني من علي بابا بالعافية. اخدوه و سابوني انا و حسين في الاوضة. اترميت في الارض و قعدت اعيط. مش قادرة اصدق انه سابني. انا خلاص مبقاش عندي حد.

حسين شكلوا كلم الباقي عشان لقيت سارة و روان و نص الفريق في الاوضة. قعده يهدوني بس معرفوش. سبتهم و طلعت بره المستشفي.

سارة جاريت ورايا و قامت حضنتني.
"سارة انا بقيت يتيمة خلاص مبقاش عندي حد الاتنين سابوني، انا مش مصدقة. هو ليه سابني بس يا سارة ليه سابني؟؟"

"معلش يا حبيبتي،بدل ما كنتي تشوفي بيتعذب قدام عينيكي و انتي مش عارفة تعمليله حاجة هو ارتاح كده، اهم حاجة انك تدعيله بالرحمة." حضنتني و قعدت اعيط في حضنها.

حسين جالنا و سارة سابتنا لوحدنا. كنت لسه بعيط فقالي اني ابطل عياط. "ما بستحملش اشوفك زعلانة."
"خلاص انا بقيت لوحدي يا حسين. سابني من غير حد. انا مكنش ليا غيره." حسين اخدني في حضنه و قعد يهاديني.
"انا عاوزة اراوح"
"طيب يلا حوصلك."

ركبت معاه العربية و ساندت راسي علي الشباك. دماغي مش عاوزك تستوعب ان بابا راح مني خلاص.
وصلت البيت و كلمت عمتي، بابا كان مقاطعها و مبيكلمهاش بس ده اخوها و لازم تعرف انه اتوفي.
كلمتها و اتفقنا ان بكرة حيكون العزا بعد صلاة المغرب والصبح حنروح ندفنه.
-
-
صحيت و روحت لعمتي عشان الدفنة. الفريق كله واقف جامبي و كان معايا. خلصنا الدفنة و العزا و راوحنا.
سارة و روان مسابونيش لوحدي و فضلوا قعدين معايا في البيت. و عمتي كمان قررت انها حتاخود بالها مني و حتعيش معايا.

*حسين*
مش مصدق ان الكابتن مات. النادي مش حيبقي زي الاول من غيره. انا قلقان علي ريتا اوي، ريتا بقت في حالة اكتئاب رهيبة. روان قالتلي انها مش راضية ولا تاكل ولا تكلم حد. انا قلبي متقطع عليها، مش قادر اسيبها كده لوحزها في الحالة ديه.

الايام عدت و ماشوفتش ريتا من ساعة العزاء. مجاتش النادي ولا مرة ولا كلمتني. قررت اني حاروحلها البيت. اخدت وردة معايا عشان مكنش لوحدي. روحت جبتلها علبة جلاكسي جواهر عشان عارف انها بتحبها.
انا و وردة ركبنا العربية و كنا في الطريق.
"وردة"
"ايه يا زميلي"
"ريتا صعبانة عليا اوي"
"و انا كمان. يعيني الاتنين سابوها."
"اه انا خايف يحصلها حاجك من الاكتئاب الي هي فيه ده"
"لا متخفش هي بس لسة مصدومك ان باباها ما-"
"حاسب!!!"
فجأة لقيت عربية نقل جات شقلبتنا انا و هو. و الدنيا كلها بقت اسود في اسود.

-
-
-
-
Vote + Comment = New Part 💪🏻
قولوا لي رأيكم و نبي 💓💎