الحلقة الثانية
قربت صفاء من عبير من وراها وخضتها:
صفاء:صباح الخير
عبير اتخضت جامد:يااااااااه عليكي بطلي حركاتك ده
صفاء:اتأخرت عليكي؟
عبير:لأ عادي , يلا بينا عشان عايزه اقعد ادام
صفاء:هو احنا في مدرسه يا بنتي ده مدرج يعني مش مهم مين اللي ادام ومين اللي ورا
عبير باصرار:برده هقعد ادام
ودخلوا المدرج وقعدوا في الصف الأول ودخل الدكتور ومعاه معيد عشان يبتدوا المحاضره وكانت بتشرح الحروف العبرية وكانت عبير بتكتب كل كلمه اما صفاء كانت بتتكلم مع بنت جنبها عن الجامعه وفرقها عن المدرسه والملل بتاعها..................
ايمان بقى راحت عند كلية تجاره تقابل بنت خالتها سمر اللي اكبر منها بتلات سنين وشلتها وقعدت ايمان معاهم وكانوا بيضحكوا ويهزروا ومحدش فكر يحضر اي محاضره فسمر قالت:
سمر:تعالي يا ايمان افرجك عالجامعه
ايمان:يلا بينا
وراحت عند الكافيتريا واشتروا نيسكافيه وفضلوا يتمشوا فالجامعه ووصلوا عند كلية آداب وقابلوا عبير وصفاء:
ايمان:ها يا عبير حضرتي المحاضره؟
عبير:طبعا
ايمان:اعرفك على سمر بنت خالتي
عبير وهي بترفع النظاره السودا على عينيها:اهلا
ومعجبهاش لبس سمر ابدا كانت لابسه جينز ضيق وبادي اصفر وشعرها مفرود وحاطه ميك اب
عبير:اعرفك بصفاء صاحبتي وصديقة عمري
ايمان:اهلا يا صفاء
عبير:مش هتحضري
سمر وهي بتبص لعبير من فوق لتحت:حضور ايه يا بنتي وليه تتعب و تحضر اذا كان في الآخر كله بيشتري الملازم وينجح
عبير طبعا مش عاجبها الكلام:بس يا ترى بنجيب تقدير بطريقتك ده
سمر:و هتعملي ايه بالتقدير اذا كنا في الآخر هنتجوز ونقعد في البيت
صفاء:خلاص يا عبير كل واحد حر
عبير بتكمل نقاشها مع سمر:بس الجامعه عشان نحضر ونذاكر
سمر:يا بنتي انتي عايشه في زمن قديم بصي حواليكي شوفي كل بنت وولد قاعدين يحبوا في بعض او بيعملو شله ويطلعوا رحلات لكن الحضور ده للناس المعقده
ايمان:خلاص يا سمر يلا بينا عشان نقعد مع اصحابك
سمر:باي يا عبير,باي يا صفاء
عبير وصفاء وهما بيبصولها :بااااااااااي
ومشيت ايمان مع سمر وفضلت صفاء تضحك جامد هههههههه
أنت تقرأ
انسه كمبيوتر
Randomانهارده أول يوم في السنة الدراسية وده يوم مميز عند كل البنات اللي هيدخلوا الجامعة بيبقوا فرحانين انهم خلصوا المدرسة ومش هيلبسوا يونيفورم تاني بقلم نهلة أبوشهبة
