الحلقة العاشرة
عبير كانت واقفه في الجامعه مع صفاء وايمان وكانت لابسه جيب جينز طويله وواسعه كحلي وعليها بلوزه قصيره حمرا وشوز احمر وشنطه كبيره جينز عليها قلب احمر وبتبص بعينيها لقيت عمر بيقرب ناحيتهم فقالت بصوت عالي:
عبير:عممممممر!!!!!!!! انت بتعمل ايه هنا
عمر وهو بيبص في عينيها:ابدا كنت قريب من الجامعه قولت ادخل اسلم عليكي
عبير:انت معندكش شغل ولا ايه؟
عمر:لا عندي ما انا هسيبك واروح الشركه
ايمان و هي بتضحك:ايه يا عمر ؟ هو مفيش حد واقف غير عبير ولا ايه؟
عمر وشه احمر:معلش يا ايمان ازيك ؟ وازيك يا صفاء؟
ايمان وصفاء وهما بيضحكوا:تماااااااااااااام
عمر:طيب اسيبكم انا بقى
عبير:اوكيه باي
عمر:سلام
ومشي عمر وايمان وصفاء فضلوا يهزروا وعبير تزعقلهم و هما مصرين ان عمر بيحب عبير بس عبير مش مصدقه خالص ان عمر ممكن يكون بيحبها ده مجرد صديق............
في شقة احمد كان قاعد بيتفرج على فيلم وجت ايمان قعدت جنبه وقالتله:
ايمان:ازيك يا حماده؟
احمد بصلها جامد:قولي يا رويتر خير
ايمان ببراءه:ليه بتقول كده؟
احمد:اصل حماده ده وراها حاجه
ايمان:لا ابدا اصلي كنت عايزه اقولك ان عمر جه الكليه عندنا انهارده
احمد:ايه ده بجد ... غريبه ده
ايمان:زي ما بقولك وكان جاي قال ايه يسلم على عبير
احمد:عبير!!!!!!!
ايمان:شكله بيحبها على فكره
احمد وشه اتغير:وهي ... بتحبه؟
ايمان:عبير! لا طبعا ده مش بتفكر غير في دراستها وبس
احمد سكت شويه وقال:انا ليه كلام مع عمر يوم الخميس فالنادي
يوم الخميس خرجت عبير من شقتها عشان تروح النادي وكانت لابسه جيب اسود طويله ضيقه من فوق ونازله على واسع وعليها بلوزه بيضا عليها رسمه بالاسود وكوتشي ابيض وشنطه سودا كبيره عليها علامه اديداس بالابيض وشعرها مفرود وحاطه ميك اب خفيف و وقفت تستنى الاسانسير......
اتفتح باب الاسانسير لقيت احمد جوه وكان لابس شورت جينز وعليه تيشيرت اصفر وكوتشي ابيض في اصفر واول ما شافها:
احمد:اهلا يا عبير عامله ايه؟
عبير:ازيك يا احمد
احمد:ايه اخبار القصص؟
عبير:قربت اخلص قصة زوجة احمد
احمد:ايه رأيك فيها؟
عبير:من احلى القصص اللي قريتها في حياتي
احمد:فعلا مش عارف ازاي احسان عبد القدوس كان بيقدر يفهم المرأه بالشكل ده
عبير فكرت شويه:فعلا معاك حق
خرجوا من العماره ومشيوا سوا لغاية النادي وهناك كان عمر واقف مع اصحابه واول ما شافهم راحلهم وقال:
عمر:ازيكوا يا جماعه
احمد بغيظ:ازيك يا عمر
عبير:ازيك يا عمر
عمر:هتقعدوا فين؟
عبير:انا هقابل صفاء وايمان عالبيسين
عمر:طيب انا شويه وهآجي اقعد معاكوا
احمد:وتسيب الشله!!!!
عمر:وفيها ايه يا احمد
احمد بعصبيه:فيها انك مزودها يا عمر
عمر مش فاهم حاجه:تقصد ايه؟
احمد:انت ايه اللي وداك الكليه عند عبير
عمر اتوتر وقال:عادي يا احمد كنت معدي فقلت اسلم
احمد:عليه يا عمر؟
عمر:مالك يا احمد؟
عبير:فيه ايه يا احمد بتكلمه كده ليه؟
احمد بعصبيه جامده:اسكتي انت
عبير:انت ازاي تكلمني بالطريقه ده؟
احمد:ما انت اللي بتسمحيله يتصرف معاكي كده
عبير:احمد خلي بالك من كلامك
عمر:احمد انت بتتكلم عن ايه؟
احمد:بص يا عمر طريقتك ده انا عارفها كويس فمتحاولش
عمر:انت فاهمني غلط يا احمد انا....
احمد قاطعه:لا انا فاهمك صح اوي
عبير:انا مش هقف اسمع اكتر من كده عن اذنكوا
احمد مسكها من دراعها:رايحه فين؟
عبير:سيب دراعي يا احمد
عمر:انت ماسكها كده ليه اوعى ايدك
وبعد عمر ايد احمد عن عبير بس احمد اتهور وضربه في وشه وعبير طلعت تجري وهي منهاره وخرجت من النادي وعمر ضرب احمد جامد واحمد ضربه في رجله وعمر وقع عالارض لغاية ما الشباب حاولوا يبعدوهم عن بعض بس كانوا الاتنين متعصبين اوي و في الآخر بعدوا عن بعض وكل واحد فيهم وشه متعور وبينزل دم وفضلوا يبصوا لبعض.........................
أنت تقرأ
انسه كمبيوتر
Randomانهارده أول يوم في السنة الدراسية وده يوم مميز عند كل البنات اللي هيدخلوا الجامعة بيبقوا فرحانين انهم خلصوا المدرسة ومش هيلبسوا يونيفورم تاني بقلم نهلة أبوشهبة
