الحلقة التاسعة
ابتدت اجازة آخر السنه وبقت عبير بتروح النادي كل يوم الساعه 6 وتقابل ايمان وصفاء وابتدى عمر كل يوم يقعد يتكلم معاها شويه و بقى يحس ان عبير فعلا انسانه مختلفه وشخصيه اول مره يقابلها في حياته وفي الوقت ده كان ساب منه عشان زهق منها ومنه بق تقعد مع شله تانيه وعبير بقت اجتماعيه وليها اصحاب كتير في النادي بس برده لسه بتقرا اغلبية الوقت عاللاب توب بتاعها واي حد بيتكلم معاها عارف انها بتحط حدود في الكلام وبقت شخصيتها جذابه جدا.................
في شقة صفاء و هي قاعده تتغدى مع مامتها وباباها ومحمد اخوها:
الام:ايه يا محمد مش هتتجوز بقى عشان افرح بيك؟
محمد:بس انا الاقي بنت الحلال يا ماما
صفاء:يا سلام وكل البنات اللي تعرفهم دول مفيش واحده عاجباك؟
محمد:يا بنتي الصحوبيه حاجه والجواز حاجه تانيه خالص
الاب:تقصد ايه يا محمد زميلاتك في النادي مينفعوش للجواز؟؟؟؟؟؟؟
محمد بيكح وهو بياكل:لا.. لا.. مش قصدي يا بابا
الاب:امال تقصد ايه؟
محمد:انا اقصد ان لسه مقابلتش البنت المناسبه
الام:خلاص اختار واحده من بنات خالتك
الاب:او بنات عمتك
صفاء:او واحده من صاحباتي
محمد:حيلكم عليه يا جماعه ايه زهقتوا مني ولا ايه؟
الام:يا بني نفسي افرح بيك واشيل عيالك
محمد:خلاص اوعدكم هختار عروسه في اقرب وقت.............................
ساره وصلت النادي عشان تقابل احمد وتبتدي تتقرب ليه عشان تخليه يحبها وكانت لابسه فستان جينز طويل كات وفارده شعرها البني الطويل ولابسه نظاره شمس بني وفضلت تدور على احمد لغاية ما لقيته قاعد على ترابيزه عالبيسين مع ايمان اخته وبنتين متعرفهومش:
ساره:هاي يا احمد ايه الصدفه الحلوه ده
احمد وقف وقالها:ازيك يا ساره اخبارك ايه؟
ساره بدلع: تمام , وحشتني على فكره
احمد بهزار:لحقت اوحشك ده احنا كنا في المكتب مع بعض الصبح
ساره:متكسفنيش بقى, ازيك يا ايمي؟
ايمان وهي مستغربه انها بتدلعها:الحمد لله
احمد:اتفضلي اقعدي معانا
ساره برقه مصطنعه:ميرسي
احمد:اعرفك على اصحاب ساره عبير وصفاء
ساره بعدم اهتمام:هاي
عبير وصفاء:هاي
ايمان:مين يجي معايا اشتري بيبسي
صفاء:خديني معاكي
وقامت ايمان وصفاء وسابوا عبير معاهم وكانت ساره مدايقه منها اوي وكان نفسها تقوم ومن بعيد قرب عمر:
عمر:ازيكوا يا جماعه
احمد وعبير:ازيك يا عمر
عمر:ما تيجي يا عبير تتفرجي عليه وانا بلاعب اسماعيل تنس
عبير:اوكيه يلا بينا
احمد من غير ما يفكر:مش هتستني ايمان وصفاء؟؟؟؟؟؟
عبير:قولهم يحصلوني باي
ومشيت عبير مع عمر وفضل احمد يبص عليهم وهو مدايق فساره قالت:
ساره وهي بتبص بطريقه خبيثه:شكلهم بيحبوا بعض اوي
احمد كان سرحان فقالها:هما مين دول؟
ساره:البنت والولد دول
احمد:ليه بتقولي كده؟
ساره:يعني واضح من نظراتهم لبعض
احمد سكت وقعد يفكر معقول عبير تحب عمر!!!!!! وانا مالي هي حره تحب اللي تحبه...........
ابتدت السنه الدراسيه وكان صداقة عبير واحمد زي ما هي وكمان صداقتها لعمر اللي كان واضح ان اهتمامه بيها مش بس صداقه لكن عبير مكنتش واخده بالها لغاية ما في يوم كانت واقفه ادام كلية آداب مع صفاء وهدى ولقيوا مفاجأة جامده جداااااااااا..............
أنت تقرأ
انسه كمبيوتر
Randomانهارده أول يوم في السنة الدراسية وده يوم مميز عند كل البنات اللي هيدخلوا الجامعة بيبقوا فرحانين انهم خلصوا المدرسة ومش هيلبسوا يونيفورم تاني بقلم نهلة أبوشهبة
