الحلقة الرابعة عشر
يوم الخميس صحيت عبير وهي فرحانه وابتدت تساعد مامتها في تجهيز الشقه لاستقبال احمد واهله بالليل وبعد الغدا دخلت عبير اوضتها تلبس واختارت فستان لونه بيج فاتح وطويل و عملت شعرها وسابته مفرود وحطت ميك اب هادي والساعه 8 جرس الباب رن وفتحت مامت عبير ودخل احمد و باباه ومامته وايمان اللي دخلت على اوضة عبير علطول وخبطت:
عبير:ادخل
ايمان:اهلا يا عروسه
عبير:ايمان .. ازيك؟
ايمان وهي بتضحك انا كويسه انتي اللي عامله ايه؟
عبير:انا خايفه
ايمان بتهزر:لا ماما وبابا مبيعضوش على فكره
عبير:بطلي هزار انا مش قادره اقف على رجليه
ايمان:طيب يلا عشان تسلمي على حماتك
عبير:طيب
وخرجوا من الاوضه ودخلوا الصالون وكان باباعبير بيتكلم مع الاستاذ صبحي ابو احمد و الامهات بيتكلموا مع بعض و اول ما دخلت عبير وايمان مامت احمد قالت:
ليلى:اهلا يا عروسه ما شاء الله
سميه مامت عبير:تعالي يا حبيبتي
وسلمت عبير عليهم كلهم وقعدت جنب ايمان وكانت مكسوه تبص ناحية احمد اللي قالها:
احمد:ازيك يا عبير
عبير و وشها احمر من الكسوف:الحمد لله
الاستاذ صبحي:احنا يشرفنا نطلب ايد عبير لابننا احمد
الاستاذ عادل:ده شرف لينا واحمد زي ابني
ليلى:يا ريت توافق انهم يتخطبوا والجواز يكون لما عبير تخلص كليه
الاستاذ عادل:والله انا معنديش مانع بس يا ريت يكون مقابلتهم تكون في النادي يوم الخميس بس
احمد:و انا موافق يا عمي عشان مش عايز اعطل عبير عن مذاكرتها
ايمان:مبروك يا عبير مبروك يا احمد
احمد:تسمحلي يا عمي ننزل نشتري دبتين وخاتم ومحبس ونلبسهم في حفله بسيطه ويوم الفرح يكون شبكه وكتب الكتاب
الاستاذ عادل:مفيش مانع
سميه:مقلتليش يا احمد شقتك فين؟
احمد:انا لقيت شقه فاضيه في العماره اللي جنبنا واتفقت اني اشتريها بس بالتقسيط على سنتين
الاستاذ عادل: والله موقع ممتاز واهو تبقوا جنبنا بعد الجواز
ايمان:ما تروحوا تقفوا في البلكونه شويه يا عرسان
احمد:تسمح يا عمي
الاستاذ عادل:اتفضل يا ابني
ودخل احمد هو وعبير البلكونه و وقفوا يبصوا لبعض وبعد شويه احمد قالها:
احمد:انا حاسس اني بحلم
عبير: وانا كمان
احمد:اهم حاجه عايزك تنجحي كل سنه بتقدير عشان تبقي معيده زي ما باباكي بيحلم
عبير:ان شاء الله
يوم الجمعه نزلت عبير واحمد وايمان والامهات عشان يشتروا الدبل واختارت عبير دبله دهب ابيض عريضه ومحبس جميل وخاتم دهب ابيض فيه فص كبير واحمد اشترى لنفسه دبله فضه عريضه و اتفقوا ان يوم الجمعه اللي جاي تكون حفلة الخطوبه في بيت عبير ويتعزم قرايبهم بس وابتدت عبير تنزل عشان تختار فستان للخطوبه و كانت معاها صفاء صاحبتها وبعد ما حجزت الفستان لقيت عبير صفاء شكلها متغير قلقت عليها وسألتها:
عبير:مالك يا صفاء ؟
صفاء:لا يا حبيبتي مفيش
عبير:هتخبي عليه
صفاء:مش وقته يا عبير خلينا نروح نشتري الشوز عشان الفستان
عبير:لا انا تعبت تعالي نقعد في مكان نشرب حاجه ونتكلم
ودخلوا كافيه وبعد ما طلبوا اتنين عصير ابتدت صفاء تتكلم وعبير تسمعها..............
أنت تقرأ
انسه كمبيوتر
Randomانهارده أول يوم في السنة الدراسية وده يوم مميز عند كل البنات اللي هيدخلوا الجامعة بيبقوا فرحانين انهم خلصوا المدرسة ومش هيلبسوا يونيفورم تاني بقلم نهلة أبوشهبة
