الحلقة الخامسة عشر
ابتدت صفاء تشرب العصير وعبير مستنياها تتكلم وفي الآخر صفاء قالت:
صفاء:بصي يا عبير انا بحب عمر
عبير وهي مستغربه:عمر؟؟؟؟؟؟
صفاء:غصب عني اتشديتله بس كنت حاسه انه معجب بيكي انت فحاولت انساه
عبير و هي بتفكر:وليه مقلتليش من الاول؟
صفاء:مكنش عندي امل خالص وكمان خفت تكوني بتحبيه
عبير:و هتعملي ايه دلوقتي؟
صفاء والدموع ماليه عينيها: مش عارفه
عبير ابتسمت:سيبي الموضوع ده عليه انا
صفاء:هتعملي ايه؟
عبير:سيبي آنسه كومبيوتر تتصرف
و قعدوا يضحكوا ورجعوا البيت و يوم الخطوبه الصبح صحيت عبير بدري و راحت للكوافير عملت شعرها ورجعت البيت لقيت ايمان و صفاء في اوضتها وابتدوا يساعدوها عشان تلبس الفستان اللي كان لونه بيج و قصير ونازل على واسع وفيه خيوط دهبي والميك اب كان بيج في دهبي وكان شكلها رقيق وشيك وايمان لبست فستان اصفر طويل وصفاء لبست فستان لونه احمر قصير وضيق و لما ايمان لقيت الضيوف وصلوا قالت:
ايمان:يلا يا عبير عشان نخرج
عبير:مش قادره خالص
صفاء:بلاش دلع الضيوف وصلوا بره
عبير:بقولكوا مكسووووووفه مووووت
ايمان بهزار:طيب هبعت احمد يخرجك من الاوضه
عبير:اوعي تعملي كده
صفاء: طيب يلا بالذوق
و خرجت عبير مع صاحباتها واول ما شافت احمد وشها احمر واحمد كان لابس بدله سوده تحتها قميص ابيض كرافت احمر, سلم عليها وقعدوا جنب بعض وكان جايب بلونه كبيره على شكل قلب مكتوب عليها احمد وعبير وتورتايه دورين ابيض في بينك عليها صورة عبير و ومامت احمد فتحت علبة الدبل عشان يلبسوها وكانت ايمان وصفاء فرحانين وعمالين يصوروا عبير واحمد كتير وبعد كده شغلوا اغاني هاديه وفضلت عبير واحمد يتكلموا مع بعض:
احمد:مبروك يا عبير
عبير:الله يبارك فيك
احمد:بس ايه الجمال ده
عبير اتكسفت:عجبك الفستان؟
احمد:كلك على بعضك عاجبني
وبعد شويه عبير بصت لقيت عمر داخل من باب الشقه وشايل بوكيه ورد كبير فبصت لاحمد اللي اول ما شاف عمر وقف:
عمر:مبروك يا احمد , مبروك يا عبير
احمد:ميرسي
عبير:الله يبارك فيك
عمر:والله انا فرحتلكوا اوي
احمد:شكرا يا عمر اتفضل استريح
ودخل عمر يقف في البلكونه وفضل باصص على احمد وعبير وهما بيتكلموا مع بعض وحس ان في حد واقف جنبه فبص لقي صفاء:
صفاء:ازيك يا عمر؟
عمر:ازيك عامله ايه؟
صفاء:الحمد لله
عمر:عقبالك يا صفاء
صفاء:و عقبالك انت كمان
وفضلوا يتكلموا مع بعض ويضحكوا وعبير خدت بالها وحست ان صفاء بجد بتحب عمر ودعت ربنا انه يجمعهم على خير....................
أنت تقرأ
انسه كمبيوتر
Randomانهارده أول يوم في السنة الدراسية وده يوم مميز عند كل البنات اللي هيدخلوا الجامعة بيبقوا فرحانين انهم خلصوا المدرسة ومش هيلبسوا يونيفورم تاني بقلم نهلة أبوشهبة
