Don't Make The Bad Boy Mad

Chapter 8

Chapter 8

We went out of the bathroom not breaking the kiss. Sa bawat segundong dumaraan ay lalong nagiging mapusok ang palitan namin ng halik. Umangat ang kamay niya sa dibdib ko at pinisil ito.

Malapit na kami sa hagdan nang may nag-doorbell. He stopped kissing me and we were both panting for air. Lumingon siya sa pintuan na hawak pa rin ang batok ko.

"Is anybody home?"

Tuluyan na akong humiwalay sa kanya nang nakilala ko ang boses. Lumapit siya sa pinto, walang pakialam na binuksan ito kahit aware siya na halatang-halata ang katawan niya dahil sa nangyari sa pool.

Bumungad si Hera at nalukot ang noo pagkakita sa itsura naming dalawa. "What happened to you, guys?"

Nilapitan ko siya at hinawakan siya sa braso. Walang sumagot sa amin ni Reid. Hinila ko siya paakyat sa kwarto ko at isinara ang pinto.

She was watching me closely so I cleared my throat. "I'll just take a shower."

Binilisan ko ang pagbanlaw, iniisip pa rin kung anong paliwanag ko sa nadatnan ni Hera. I put on comfy clothes—a blue and white loose striped short-sleeved T-shirt and white shorts. Nakaharap ako sa vanity mirror nang nakita ko rito si Hera na bumangon sa kama at lumapit sa akin.

Itinaas niya ang kamay niyang hawak ang cellphone ko. Wait, how and where did she get it?

Napatayo ako mula sa pagkakaupo. Kukunin ko sana ito pero agad niya iyong nailayo sa akin. Pinaglaruan niya ito sa kamay niya.

I stared at her and she just turned her back to me, going back to the bed. Dumampot siya ng unan at tumingin sa akin na may ipinahihiwatig.

"What?" Lumapit ako sa kanya at humiga sa kama nang naalala ko ang nangyari kanina sa kotse ni Akiro.

Bigla na lang niya akong pinaghahampas ng unan.

"Aray!" angal ko.

Tumigil siya at tiningnan ako nang masama. Hinagilap ko ang remote para buksan ang TV. "Bakit ka ganyan makatingin?" tanong ko.

"Bakit ikaw, umiiwas ka ng tingin?" ganting tanong niya.

"Give me back my phone." Inilahad ko ang kamay ko.

"Bakit ka umiiwas sa tanong ko?"

Tuluyan ko na siyang hinarap, napabuntong-hininga ako. "Okay, what do you want to know?"

Tiningnan niya ang cellphone sa kamay niya. "Akiro gave me this. Nahulog mo raw sa kotse niya."

"I didn't know."

"Kailan kayo magkasama?"

"Kanina lang," pag-amin ko.

Bumuga siya ng hangin at napailing. "Goodness! I don't know what to do with you anymore, Alli!"

Kinuha ko ang cellphone sa kamay niya at nahiga ulit sa kama. Pinalipat-lipat ko ang channel sa TV.

"Hindi mo ba talaga titingnan man lang si Reid? Mag-asawa kayo! Hindi ka na dapat nakipagkikita pa sa ibang lalaki."

"Correction, mag-asawa sa papel," walang gana kong sabi.

"Hindi ka ganyan dati, Allison."

Ramdam ko ang titig niya sa akin. Napatigil ako sa paglilipat ng channel.

"Alam mo ang mali sa tama. Simula nang naging kayo ni Akiro noon, parang nawala ka na sa sarili mo. You often sneaked out of the house, which I didn't expect you would do again given that you're already married."

"I never did anything wrong." Nilingon ko siya. "I'm in love and I want to be happy. That's not a crime, is it?"

"It is. Especially when it's toxic and selfish. And in your situation, it's adultery," she said, looking straight into my eyes. "Sinuway mo ang mga magulang mo. Ang gusto lang naman nila noon pa ay makapagtapos ka muna ng pag-aaral bago ka pumasok sa isang relasyon."

Napabalikwas ako. "They are the ones being irrational here!" I opposed, raising my voice.

"So, ngayon lumabas din ang totoo na talagang may tampo ka sa parents mo dahil kay Akiro."

Hindi ako nakasagot.

Natahimik kaming pareho. Ilang minuto kaming binalot ng katahimikan hanggang sa may kumatok sa pinto. Tumayo ako at sumilip sa peephole para tingnan kung sino iyon. Nagtama ang mga mata namin ni Reid at narinig ko siyang tumikhim.

"Nagpa-deliver na ako ng food," tila nahihiya niyang sabi. It was unusual of him to act this way.

Nilingon ko si Hera na tumayo na rin. Lumabas kami ng kwarto at nakasunod lang sa amin si Reid. Umupo ako sa harap ng hapag at pinasadahan ng tingin ang mga pagkain. Pag-angat ko ng tingin ay nahuli ko siyang nakatingin sa akin.

"Maybe I should go," Hera said, breaking the silence.

"No!" Reid and I said in unison. Muli kaming nagkatinginan.

Awkward ang pinakawalang tawa ni Hera. "Okay, hindi na." Umupo na siya sa tabi ko. Sa harap naman namin pumwesto si Reid.

Walang nagsalita sa amin habang kumakain. Napatingin na lang ako sa plato ko nang lagyan ito ni Reid ng vegetable salad.

"Thanks," sambit ko.

Tumikhim si Hera at tumingin sa kanya. "Pwedeng ako rin, Reid?"

I looked up at Reid and for the first time, I heard his hearty laugh.