ها بغداد
شبقه بحيطانچ الحلوه ؟😔
قطع سوده إنملت من اهلچ الطيبين ▪️
ها بغداد
ما يردونچ تعيدين
ما يردون أم تزف إبنها وتطش صم چكليت
آه يـ أم الشهيد بيادمع تبچين ؟😭
ها بغداد
يا كبش العرب والغيره والإحساس
تضحّين بـ شباب وبعد شـ تضحين ؟
ها بغداد
مكسورة الخاطر ادري واعرف بيچ
بلكي لخاطر الله بدمعچ تكسرين💔😢😔
بس بالعراق شباب بعمر الورد بغير بلد عارضين ازياء احنه ببلدنا شهداء
يطلعون وره الفطور يتجهزون للعيد ويشترون ملابس
والام تنتظر ابنها تشوفه بملابسه الجديده وتصبح اول يوم العيد تعيده بس للاسف راح شهيد للجنه والام حتعيد يم المقابر 💔
لو قبل اسبوع ادور بالنت ع اسمه تشوف نتيجته والكليه الي تقبله وهسه ادور ع اسمه بين الشهداء !!
شاب فرحان بتخرجه ويشكر اهله لان ساندو بكل خطوه باللحظه يستشهد !
ماعتقد اكو بلد ديصير بيه مثل الديصير ببلدنه
بس منكول غير الله يرحمهم
ويصبر اهلهم
طلب صغير ممكن تقرون سوره الفاتحه ع ارواحهم الطيبه 💔
#عيدهم_بالجنه_اجمل
#شهداء_العراق
#شهداء_الكراده
أنت تقرأ
"The Story Of My Life" ( مكتمله )
Romanceرأيته صدفه ولكن المعروف ان الصدف تكون جميلة الا هذه الصدفه كانت اتعس صدفه في حًيَاْٺۓِ فكانت مختلفة تماما ليست كباقي الصدف بل حادثه غيرت مجرى حًيَاْٺۓِ...
