{علي ♪}
مر اسبوع على تواجدي هنا ، طوال فترة مكوثي في بيتها كانت تعتني بي وكأنني طفلها المدلل .. ليلا قررت الاتصال بأسامة .. اجاب : هلا ضلع شلونك .
علي : الحمد لله انت شلونك .. ساندرا شلونها .
اسامة : كولنا تمام .. شلونها عمليتك طمني .
علي : الحمد لله .
اسامة : بشرني بعدك كاعد ببيت الحب .
علي : هههه اي بعدني .. اسامة اني اتصلت بيك علمود موضوع ليلى ، اريد نرجع سوا .. كولي شنو اسوي ؟
اسامة : اي رجعوا وين المشكلة ! كوللها اني بعدني احبج واريد نكمل حياتنا سوا .
علي : انت شايف الموضوع بهالبساطة 😒 .
اسامة : طبعا بهالبساطة شوف خويي لتطولها وهي قصيرة .
علي : بس هي متحبني يمكن ، اعتقد تحب هذا التحفة امير الي مدري من وين طلعلي .
اسامة : ههههه لك اني بحياتي مشفت واحد اعمى وما عنده احساس مثلك .. لك بابا يا امير انت مشفتها شلون جانت تبجي وخايفةة عليك بالمستشفى اصلا حتى غارت من ساندرا بس انت اعمى متشوف... بعدين ليش كلتلك تعال ببيتي من عرفت ماكو احد يهتم بيك غير معناها تخاف عليك وبما انة تخاف عليك وتغار يعني بعدها تحبك .
علي : يعني انت هجي تشوف ؟
اسامة : الدنيا كولها هجي تشوف بس انت اعمى .
في اليوم التالي كنت في الحديقة عصرا اتصلت بساندرا .. ثرثرنا قليلا ثم اتصلت بأمي .. اجابتني بصوت متعب : الو ، علي !
قلت : شلونج حبيبتي مشتاقلج .
قالت : اني بخير يا قلبي اني همات مشتاقتلك .. هجي يا ماما تسوي عملية ومتكولي .
قلت : حبيبتي انتي العملية جانت بسيطة واصلا صارت فجأة ومو مستاهله اكولج .. مجنت حاب اخليج تقلقين ... منو كلج ، اسامة ؟
قالت : لا امة قبل شوي جانت يمي وكلتلي .. شلونك حبيبي خو ما دتتوجع .
قلت : لا حبيبتي اطمئني اني كولش زين .
قالت : علي شوكت ترجع للسويد شفتلك بنية كولش حبابة وبنت عائلة .. اريد افرح بيك يا ماما الى متى تبقى ع هالحال .
قلت : ماما رجاءا هالموضوع لتفتحيه بعد ، تدرين بية غير ليلى ما اتزوج ... سلميلي ع بابا .. بيباي
أنت تقرأ
وحدها هي♪
Romanceوحدها هي ، من جعلت حياتي مختلفه وحدها هي ، التي جعلتني اؤمن بالحب وحدها هي ، من جعلتني بأهتمامها اشعر بأنها وكأنها امي . وحدها هي.....❤
