{علي ♪}
ما ان تأكدت من خبر خطوبتها حتى سافرت الى السويد .. اسامة كان في المطار لاستقبالي ... احتضنني قائلا : مشتاقلك ضلع .. شنو سبب هالزيارة المفاجئةة !!
قلت : اني همات مشتاقلك حبيبي .
قال : اممم انت مبين وضعك مو تمام .. امشي نروح لمكانا القديم .
خرجنا من المطار متوجهين الى حديقة الحي الذي كانت تسكنة ليلى .. فمنذ ان رأيتها فية اصبح مكاني المفضل .. ترجلنا من السيارة وجلسنا على احد المقاعد المتواجدة في المكان .. قلت : اووف اسامةة اني حيل مخنوك .
قال : اسم الله عليك خويي ، شكو احجيلي .
قلت : ليلى انخطبت .
قال شنووو !!
قلت : اي مثل ما سمعت .. الي توقعتة اني صحيح .. هي تحب امير .
قال : مستحيل انت شدتحجي ، ليلى تحبك انت اكيد اكو شي .
قلت : كولشي ماكو وهي تحبة ، لو متحبه مجان وافقت .. بس كولي اسامة شلون كدرت تنساني 😢 شلون هانت عليها ايامنا .. زين شمعنى هي نست واني لحد الان احبها ومدا اكدر انساها .. هاا كولي ليش .
قال :اني اريد اعرف انت ليش اجيت ... جان المفروض تروحلها وتمنع الخطوبه .. جان المفروض توكف كدامها وتكوللها اني احبج وانتي متصيرين لغيري .
قلت بضعف : شنو الفائدة وهي متحبني .
قال : زين هسه شنو حتسوي ؟
قلت : امي شافتلي وحده هنا .. رح اخطبها وارجع للندن علمود اجيب الاولاد اعتقد بعد مو من حقها يبقون يمها .
قال : علي الاولاد شنو علاقتهم خطية تدخلهم بمشاكلك وي ليلى .. وبعدين هي بس انخطبت يعني منعرف اذا حتزوجة او تتركة .
قلت : اسامة دا اكولك تحبة .. متفرق عندي والاولاد لازم اخذهم منها .
قال : فهمني شلون حتتزوج وحدة وانت تحبها لليلى .. اني متأكد حتفشل وياها .
قال : اني بس اريد ليلى تغار .. اريد اشوفها انه اني همات مستمر بحياتي مو بس هي .
قال : بربك ! تخطب بنت الناس وتاخذها لبلد ثاني ويجوز البنية تحبك .. كل هذا بس علمود تغور ليلى ... مجنت اعرف انت هجي اناني .
قلت : زين كولي شسوي .. عندك غير حل ؟ اتحفني .
قال : اذا مصر ع الخطة البايخة مالتك لتورط بنت الناس وياك .. خلي نحجي وي ساندرا ونتفق وياها تسافر وياك .
أنت تقرأ
وحدها هي♪
Romanceوحدها هي ، من جعلت حياتي مختلفه وحدها هي ، التي جعلتني اؤمن بالحب وحدها هي ، من جعلتني بأهتمامها اشعر بأنها وكأنها امي . وحدها هي.....❤
