▶ دينا◀
قبل كل شئ ادعى دينا .. عراقيةة واسكن في مدينة استوكهولم السويدية منذ السابعة من عمري ... اعيش مع جدي واخي الصغير جاد .. توفيت امي قبل 14 سنة عند ولادتها جاد ، توفي والدي بعد رحيلها بشهرين .. تولى جدي رعايتنا .. قبل اسبوعين تخرجت من الجامعة / كلية التجارة والاقتصاد ...
صباحا ، وبعد ان اكملت تناول الفطور نظر لي جاد قائلا : دندون اليوم عيد ميلادي .
ابتسمت وقلت : اي ادري مناسية .. كل عام وانت بمليون خير يا روحي 😘.
ضحك جدي قائلا : كل عام وانت بخير حبيبي البطل .
قال : شكرا جدو .. دندون اريد كيكة كبيرة حبابة علمود اعزم اصدقائي ع الحفلة .
قلت : اي حفلة جاد ؟!
قال : شبيج حفلة عيد ميلادي .. حبابة اريدها بالفانيليا مو تنسين وصدوك البيت شوكت تزينينه ترا اني كلت لاصدقائي الحفلة ساعة 5 .
قلت : جاد شدتحجي انت ، احنا مو كل سنة نسوي حفلة بسيطة ع كدنا .. وبعدين الي ناوي يعزم اصدقائة هسه يكول 😒 شنو اسوي هسه اني !
قبل وجنتي بسرعة قائلا : اختي حبيبتي انتي دبريها .. يلا اجا الباص بااي .
نظرت لجدي بحيرة .. قلت : جدو شسوي هسه اني وربي ما الحگ اجهز للحفلة .
قال : كولي يا الله بنتي بعد عندج كومة وقت ... ثم اخرج من جيبه نقود واكمل : هاي فلوس حتى تشترين كيكة لجاد .
قلت : شكرا جدو اعرف دنتعبك بمصاريفنا اني وجاد بس وربي دا ادور ع شغل بس مدا الكا .
قال : شنو هالكلام دينا ، انتي واخوج مسؤوليتي وواجب علية اهتم بيكم واصرف عليكم .
قلت : جدو اوعدني بس اني الكا شغل انت تقدم استقالتك .
قال : الله كريم حبيبتي .. يلا اني اروح للدوام لا اتأخر ... ديري بالج .
قلت : اوك ، الله وياك .
بعد ان خرج جدي قررت الاتصال بصديقتي هبة لتأتي لمساعدتي .. بعد عدة رنات اجابت : اممممم .
قلت : وسم هاي بعدج نايمة صحصحي دا احجي وياج .
قالت : اوف دنو شكو من الصبح مكعدتني هو اني ما صدكت تخرجنا علمود ابقى نايمة الصبح .
قلت : هبه حبابة كومي دا احجي وياج .
قالت : شكو احجي ؟
قلت : غسلي وغيري ملابسج بسرعة وتعالي ع بيتي .
قالت : مو البارحة شفت جهرتج شكو تريدين تشوفيني من الصبح .
قلت : لج هبة اليوم عيد ميلاد جاد وهو ميقصر عازم اصدقائة ولازم نسوي حفلة واشتري كيكة واني ما الحگ اسوي كل هالاشياء وحدي ، تعالي حبابة .
أنت تقرأ
لانها مميزة
Romanceويسألوني لماذا احبها !! فأجيب .. احبها لانها مختلفةة احبها لانها فريدة احبها لانها مميزة
