♣️ايسر ♣️
منذ مدة ووالدتي تصر عليّ لاتقدم لخطبة ابنة احدى صديقاتها رغم علمها بحبي لدينا !
كانت آخر محاولاتها قبل ثلاثة ايام ، عندما كنت اجلس في غرفتي اعمل على كمبيوتري المحمول .. جلست بجانبي قائله : حبيبي ايسر شنو كلت ع موضوع علا ؟
قلت : اي علا ماما ؟
قالت : شبيك ابني علا بنت صديقتي الي اريد اخطبلكياها .
قلت : اهاا بس اني ما اريد اتزوج شكرا .
قالت : لا اشو تتزوج علا وغصب عنك 😡 .
قلت : ماما ممكن اعرف ليش هجي دتلحين دا اكولج ما اريد اتزوج شنو حتجبريني يعني 😒 .
قالت والدموع بعينيها : اوك رح اكولك ليش دا الح عليك .. هاي البنيه امها صديقتي ولزمت عليه شي ودتهددني اذا متزوجت بنتها حتفضحني بين صديقاتي .
قلت بصدمه : شنوو 😳 .. اي فضيحه وبشنو دتهددج !! انتي شنو مسويه ماما ترا دا اخاف عليج .
قالت : ما اكدر اكولك هسه .. مكتلي شنو كلت هسه ؟
نظرت لها بحيره وقلت : زين اني البنت بحياتي مشايفها وكولشي ما اعرف عنها شلون اتزوجها كوليلي !
ابتسمت قائله : البنت اسمها علا ، عمرها 23 سنه وقبل سنه تخرجت من كليه العلوم ... و حتصير فترة خطوبه وتتعرف عليها اكثر .
قلت بعدم حيله : اوك .
توسعت ابتسامتها قائله : لعد حظر نفسك باجر حتى نروح لبيتهم علمود تشوفها .
في اليوم التالي ، عصرا .. ذهبنا لمنزل صديقه امي انا وامي وريا .. كنا نجلس بغرفة الضيوف عندما دخلت الفتاة تحمل بيديها فناجين القهوه ...
كانت تتحدث مع امي وريا بدلع مبالغ به .. بعد فتره قصيره طلبت منها والدتها ان تريني حديقه منزلهم .. نهضت ونهضتُ انا لاسير خلفها بأتجاه الحديقه .
سرنا جنبا الى جنب وسط صمت تام الى ان قطعته هي قائله : ايي شنو الاخبار .
قلت : الحمد لله .
صدمت عندما سمعتها تقول : تعرف ؟ كنت اتمنى اشوفك لان خاله مريم دائما تحجي بيك والحمد لله اليوم شفتك .
ابتسمت ولم اقل شي لانني لازلت تحت تأثير صدمه جرئتها ..
اردفت قائله : متوقعتك هجي خجول !
نظرت لها بجرأه تقابل جرائتها وقلت : مو خجول اني واذا تحبين اثبتلج هالشي هسه .
اطلقت ضحكه عاليه ثم قالت : اي هجي صير مثل ما كنت متخيلتك بالضبط 😉 .
بدأت تتحدث معي في مواضيع سخيفه تشبهها تماما .
انتهت تلك الامسيه بعودتنا الى المنزل ..
قالت ريا : عااا ترا مدا اصدق حتتزوح هاي البومه لك شنو هاي ابد محبيتها .
أنت تقرأ
لانها مميزة
Romanceويسألوني لماذا احبها !! فأجيب .. احبها لانها مختلفةة احبها لانها فريدة احبها لانها مميزة
