لانها مميزة

part 5

                       ♣ايسر♣

طلب مني ابي ان اعد قائمة تحتوي على اسماء موظفي الشركة حسب التسلسل الابجدي ومرتباتهم ومكافئاتهم .. في الحقيقة لا املك ادنى فكرة عن كيفية عمل تلك القائمة .. كنت اجلس وامامي 5 ملفات تحتوي على المعلومات الواجب علي ترتيبها في جدول .. كنت انظر لها بحيرة لا اعلم ما علي فعلة ..

دخل مكتبي رواد قائلا : ها ابن خالي شبيك .

قلت : لك رواد شلون رح ارتبهم ما اعرف .

قال : ههههه انت مو ردت هذا القسم تحمل .

قلت : ما ادري دبرني .

قال : اممم ماكو غير دينا هي الوحيدة الي تكدر تساعدنا لان هذا اختصاصها .

ذهبنا لمكتبها .. ابتسمت عندما رأت رواد وقالت : هلاو رواد !!

رواد : هلا دنو شلونج .

دينا : الحمد لله وانت ؟

رواد : الحمد لله ... دينا اريد تساعدين ايسر علمود يسوي هذا الجدول .

نظرت لي وعقدت حاجبيها : اي جدول ؟؟

ناولتها النموذج قائلا : هذا .

قالت : كولش سهل هسه اسوية .

رواد : اني اكول لو تكعدون ثنينكم وتسوونه احسن علمود المرة الجاية ميحتاج ايسر مساعدتج .

قالت : اوك ما عندي مشكلة اني .

جلبت الملفات والحاسوب المحمول .. جلسنا على الاريكة ، قالت : شوف انت كولي ع الاسماء واني ارتبهم بالجدول باللابتوب ، تمام ؟

قلت وانا هائم بعينيها : تمام .

قالت : شوكت يريدها والدك هذي القائمة .

قلت : باجر ، لان مثل ما تعرفين بعد يومين لازم نوزع رواتب للموضفين .

قالت : عااا صدوك تحجي ، ما عدنا وقت لازم نشتغل بسرعة .

بدأنا بالعمل انا وهي ، كانت تفقدني تركيزي كلما نظرت الي .. قلت : اني تعبت 😪 ..شنو رأيج ناخذ استراحة ونطلب بيتزا .

قالت : اوك ، اني همات تعبت .

بعد ان تناولنا الطعام ، قلت : دينا انتي ليش هجي تعامليني .

عقدت حاجبيها قائلة : ما فهمت ! ليش شلون دا اعاملك اني .

قلت : ما اعرف .. يعني دائما تعامليني ببرود عكس رواد الي دائما تضحكين وياه وتسولفين ، يعني اذا بعدج ضايجة من الموقف الى صار اول مرة اني اسف .

قالت : اولا اني دا اعاملك عادي كأي زميل هنا
وثانيا اني اتعامل وي رواد هجي لان احنا اصدقاء
وثالثا اني نسيت كولشي ماكو داعي تعتذر .