الحب المميت

الحلقة الثامنة عشر

خلصت الحفلة وبعد ما الناس مشيت اميرة وسيف وعلي ومي ودينا واحمد خارجين مبسوطين تطلع عربية ماشية بسرعه تضرب نار علي دينا علي حاول يلقط رقم العربية وبالفعل لاقطه واحمد شال دينا وحطاها في العربية وطلع جري والكل كان وراه

اخدوا دينا ودخلوها العمليات وجه تليفون لأحمد يرد

المتصل: ايه رائيك في اللي حصل عجبك علشان متجوش تلعبوا مع الاكبر منكوا بعد كدا

احمد: انت مين يا حيوان

المتصل: هتعرفني قريب الانتقام لسه مبدأش ومتقلقش مش هتموت مش هخليها ترتاح بسرعه كدا ههههههههههه

وقفل الخط في وشه واحمد حكالهم المكالمة وهما مش عارفين يفكروا دلوقتي غير في دينا الدكتور خرج

احمد: طمني يا دكتور

الدكتور:الموضوع عدا بس هي ضعيفة متقلقوش دا سهل يتعالج

احمد:طب ممكن ادخلها

الدكتور: مينفعش احنا حططنها في العناية علشان لو حصل مضاعفات

احمد: ارجوك خمس دقايق بس

الدكتور : طيب خمس دقايق

دخل احمد ومسك ايدها وعينه خنته وعيط تخرجه الممرضة وفضلوا بره

اميرة: روحي يا مي انتي وعلي مي تعبانه وحامل

احمد: معلش انتوا امشوا ومتجوش ولما تفوق هبلغكم

سيف: مش هسبها انا مليش غيرها في الدنيا

اميرة: اهدي يا سيف مش هتفدها بحاجة دلوقتي تعالي نروح نجلها بكرة

كلهم مشيوا وفضل احمد راح المسجد فضل يصلي ويدعي واميرة وسيف ومي وعلي وصلو كل واحد طلع علي اوضته سيف مكنش طبيعي وقلقان واميرة حسه انه فضله شعره ويقع من طوله

اميرة: سيف يا حبيبي متقلقش هتبقا كويسه انا متأكدة

سيف(ساب دموعه تنزل):اميرة انا مليش غيرها بابا وماما ماتو مليش غيرها مش هستحمل انها تبعد عني

امير(اخدته في حضنها): ياااه للدرجة ديه انت بتحبها اهدي اوعدك انها هتكون كويسة اهدي

وفضلت اميرة تقرأ قران وتهدي سيف لاحد ما نام وهي نامت

احمد منمش نهائي طلع النهار ومنمش الكل صحي علي العصر والاعصاب مشدودة في البيت

سيف:انا هروح لدينا

اميرة: هي لسه في العناية يا حبيبي وممنوع الزيارة هتروح تعمل ايه واحمد معاها متقلقش وهي محتاجة لأحمد اكتر من اي حد في الدنيا اسمع الكلام بس واهدي

سيف: طيب انا هسمع كلامك انا هروح الشغل يلا يا علي

وبعد ما خرجوا وفضل مي واميرة علي السفرة بس