الحب المميت

الحلقة العاشرة

دخلت اميرة الأوضة براحه واتفجئت ان مي لسه صاحيه ومستنيها

اميرة:مساء الخير

مي: قولي صباح الخير اميرة بصي انا واثقه فيكي بس المشكله ان القلب بيودي في داهيه ومش بنعرف نتحكم في مشاعرنا

اميرة(وهي بتحضن مي):متقلقيش عليا بعرف اتحكم في نفسي كويس وبعدين انا عاوزة انام

مي: ماشي يا ستي وانا كمان هنام

كل ابطالنا ناموا وصحيو علي الظهركدا واتقابلو في المطعم

سيف وعلي : صباح الخير

اميرة ومي: صباح النور

مي: امال فين الدكتور مالك

علي: مش عارف صحينا مش لاقيناه

ودخل عليهم مالك وكان لابس ترينج وراح نحيتهم

مالك: مساء الخير

كلهم: مساء النور

مالك: مكنتش اعرف انكم كسلانين كدا

سيف: السهر بقا

مالك: اخبار الجرح ايه يا أميرة

اميرة: الحمد لله بقا كويس ومافيش الم

مالك: طب كويس علشان طلبوني في المستشفي وعاوزني ارجع

اميرة: هو انت لحقت

مالك: انا قلت ابلغك وبالمره اعزمك علي العشا لاني بكرا الصبح هسافر ولما ترجعوا هسافر برا مصر لفتره

اميرة: قشطه انا موافقه علي الساعه كام

مالك: سته علشان نطول مع بعض شويه

مي(بهمس): يا بختك

اميرة(بصوت مسموع): بتقولي حاجه يا مي ما تلم خطبتك يا علي

علي: من عنيا عقابا ليكي هخرجك النهارده

مي: دا احلي عقاب في الدنيا

سيف(وبيحاول يداري غضبه): وانا هفضل انا والمروحة

مالك:اميرة بقولك البسي بنطلون ويستحسن يبقا جلد

اميرة: اشمعنا

مالك: يا ستي اسمعي الكلام من غير اسئلة

طلعوا كلهم علي الاوض الا سيف راح لأميرة الاوضه وخبط واميرة فتحت

سيف:هو انتي هتخرجي معاه

اميرة: اه هخرج

سيب: طيب ماشي شكرا

اميرة قفلت وراحت تلبس وظبطت نفسها ونزلت في المعاد وكان سيف مقرر انه هيراقبهم اميرة راحت مع مالك ووصلوا عند موتسكل

مالك: اركبي

اميرة: انت بتهزر صح

مالك: لا بجد

اميرة : دا نا كنت هموت واركبه

ركب مالك وركبت وراه

مالك: امسكي فيا علشان هنطير

اميرة مسكت فيه وطبعا سيف كان مراقب كل حاجه وبيمنع نفسه انه يتهور وطلع مالك واميرة علي الملاهي

اميرة(بفرحه):احنا هندخل هنا

مالك: اه

اميرة: دا انت تحفه

واخدها وجاب تذاكر وراحوا علشان يركبوا بيت الرعب

مالك: مالك وقفتي ليه

اميرة: انا بخاف

مالك:متقلقيش انا معاكي

ومد ايده ليها وهي مسكت ايده داخلوا وركبوا العربية ووراهم سيف وطبعا اميرة كانت متشعبطة في مالك وخايفه اصلا وبعد ما خرجوا وكانت لسه خايفه

مالك: انا عارف هتهدي ازاي

اميرة: ازاي

راح وجبلها غزل البنات وقعدو ياكلو ويضحكو وبعد ما خلصو اخدها وراحوا علي السينما واختاروا فيلم اكشن وخلصوا الفيلم وكانت الساعه اتنين بليل وسيف كل دا وارهم

اخدها بقا وراح علي هضبه فوق البحر وقفواعلي طرفها

مالك: ايه رائيك

اميرة :روعه

مالك:تعالي

قعدوا علي يتفرجوا علي البحر والسما وفجأه قام وقف

مالك(بأعلي صوت):انا بحبك بحبك من اول مره شوفتك فيها بحب فرحتك زي العيال وشعبطك فيا وانتي خايفه بحب مبادئك وطريقة تفكيرك باختصار كدا بموووت فادق تفصيله فيكي

اميرة قاعده في حالة زهو ومش عارف تعمل ايه وسيف اتشل في مكانه وخايف لتطلع حبته

اميرة: ممكن نمشي

مالك: لو اديقتي انا بسحب كلامي

اميرة: لا ابدا بس انا بردت

سيف قرب منهم بحيث يسمع اللي بيقولوه

مالك: طب مترديش عليا دلوقتي تعالي نقعد لاحد ما الشمس تشرق

اميرة:اوكي ماشي بس من فضلك هاتلي الجاكت من العربية

مالك قام وراح يجيب الجاكت وهنا اميرة قعدت تتكلم مع نفسها بصوت مسموع

اميرة: يارب انا مبقتش عارفه اعمل ايه انا مش عاوزة اجرحه يارب ساعدني انا خلاص قلبي بطل يدق غير لواحد بس موجود انا عارفه اني ممكن ابقي غلط بس سامحني يارب والهمني وساعدني

سيف سمع كل دا وحس بوجع جواه ومالك جه ولبسها الجاكت وقعدوا ساكتيين واول ما الشمس ما طلعت مشيو وراحوا علي الفندق واميرة ودعت مالك واتمنت انها تشوفه تاني وراحت علي الأوضه وحكت لمي كل حاجه وبعدها نامت ولما صحيت قررت..