الحب المميت

الحلقة السابعة عشر

دينا كانت خرجت وناوية علي نيه سودا لخالد طلعت دينا علي اقرب قسم ودخلت للضابط واخدت اذن نيابة وطلعت علي الجامعة وفعلا حصل اللي في بالها وجالها خالد

خالد: ايه القمر مستعجل ليه

دينا: مافيش ورايا محاضرة

خالد: امال فين الوحش بتاعك

دينا: يا اخي دا انا ما صدقت خلصت منه دا كان خنقني

خالد: طب ما تيجي علي الكافتريا نتكلم شوية

دينا: قشطة يلا

خالد: قوليلي الواد دا يقربلك اصلك مش طيقاه انا كنت فاكر انكم مرتبطين

دينا: انا ارتبط بدا ليه لا دا انا اخويا فرضه عليا الحمد لله اهو مرمي في المستشفي

خالد: معرفتيش مين اللي عمل فيه كدا

دينا: دا انا لو اعرف هبوسه انه خلصني منه

خالد: للدرجة ديه

دينا : واكتر انا هخلع بقا علشان اخد محضاراتي من واحده صحبتي

خالد: طب استني مش هتديني رقمك

دينا: بعدين بقا

خالد: انا عارف مين اللي عمل كدا

دينا: مين

خالد: انا اللي بعت واحد يعمل فيه كدا وقلتله عوروا بس متموتهوش عاوز بوستي بقا

دينا: بس كدا

وقف خالد وراحت دينا ادته القاضية في الحته الفاضية وجريت وسجلت الحوار وودته للضابط والضابط استدعي خالد وحبسه رجعت دينا لأحمد في المستشفي لاقت سيف واميرة عنده

دينا: السلام عليكم

سيف: كنتي فين يا حيوانة

دينا : اهدي بس كنت بجيب حق احمد

احمد: نعمم يا اختي مش شيفاني راجل ومقدرش اجيب حقي ولا ايه

دينا: لا والله انت سيد الرجالة وكل حاجة بس

احمد: بس ايه

اميرة: اهدي يا احمد انا واثقه في دينا احكي يا بت اللي حصل

دينا: لما عرفت من احمد بعد ما ضغط عليه انه الي حصله بسببي روحت علشان اجيب حقه لانه بسببي مش اكتر

وحكت دينا اللي حصل واحمد اعجب بيها زيادة

دينا: بس دا كل اللي حصل

سيف: طب افرضي يا هبله مكنش صدقك او كان صدقك وزنقك كنت هتعملي ايه هتبوسيه يعني

دينا: هو انا حمارة يا سيف ولا ايه انا كنت مظبطه مع بنتين صحابي علشان لو حصل حاجة

اميرة(بإعجاب):جدعه يا بت والله عجبتيني بتفكريني بحد كدا

دينا: بمين