وهي لسه هتمشي راح سيف شدها لحضنه راحت بسرعه زقته
اميرة: انت اتجننت
سيف: ايوة ومعلومة انا مكنتش عاقل قبل كدا انا مجنون بيكي وجنان علي جنان بقا لو شوفتك معاه هقتله
اميرة: وانا مبتهددش وانت ملكش حكم عليا ولما يبقا ليك حكم واحد بس سعتها هسمع كلامك
سيف:حكمي اني بحبك حتي لو مش بتحبيني بس علي الاقل راعي مشاعري
أميرة: انا مش همثل ولا هضحك عليك ولا هراعي مشاعر واحد بيتسلى عن اذنك
راحت القاعة وكانت الناس مشيت وبابا وماما مي بيودعوها علشان مسافرين
سعد(والد مي):خد بالك منها
علي: في عنيا
اميرة: هتوحشيني يا طنط (وحضنتها وودعتهم)
علي: بالمناسبة ديه انا عزمكو علي العشا
اميرة: معنديش مانع
مي: بس كلم سيف خليه يجي هو كمان
علي كلم سيف وقاله هيستناه في مطعم***** وصلو كلهم وقعدو
علي: عن اذنكم بقا هاخد حببتي ونقعد هناك
اميرة: احنا قولنا ايه
علي: خلاص بقا يا ميرو النهارده بس
اميرة: وميرو كمان ماشي هعديهالك بت يا مي لو عملك حاجه قوليلي
مي: لا سبيهولي انا
اميرة : ماشي يا كبير
علي: مش عارف ليه حاسس اني واقف مع ريا وسكينه
كلهم ضحكوا وعلي خد مي وقعدوا علي طربيزة بعيد شويه
سيف: تاكلي ايه
اميرة:اي حاجه
سيف طلب الاكل علي زوقه وقعد ساكت وباصص لأميرة واميرة ماسكه الموب وتليفونها رن
اميرة: ايوة يا حبيبي ازيك
المتصل: انا الحمد لله واخبارك ايه تمام مبروك علي خطوبة مي
اميرة:الله يبارك فيك انا الحمد لله بس واحشني اوي وبقتش تكلمني وتسهر معايا ليه
سيف قاعد وبيحاول ميفهمش الموضوع غلط
المتصل: قريب ان شاء الله نازل في شغل وهرجع
اميرة: بجد طب امتي وهتقعد قد ايه
المتصل :معلش هقفل دلوقتي وهكلمك
قفلت اميرة وكان الاكل جه وبدأت تاكل وسيف ساكت
أميرة: مش بتاكل ليه علي فكره زوقك حلو في الاكل
سيف: شكرا
اميرة: عفوا بس مش هعرف اكل لازم تاكل معايا
سيف: مليش نفس
اميرة: ايه شغل العيال دا
سيف: لا والله ابدا
اميرة: اوعى تكون عاوزني أاكلك والله اعملها
سيف: بطلي هزار
اميرة قامت وقعدت علي الكرسي اللي جمبه ومسكت الشوكه وعمال تحاول تاكله وهو رافض راحت مسكت وشه وضغطت ودخلت الاكل بالعافيه وقامت وقعدت مكانها
اميرة: بجد شغل عيال
سيف: دا انا بردك را انتي فرجتي الناس علينا
اميرة: مهو لو انت اكلت من الاول مكنش حصل كل دا
سيف: ديه احلي حاجه حصلت النهارده اساسا
اميرة: كدا اتأكدت انك رجعت تاني اتفضل اطفح بقا
خلصو اكل وسيف طلب الحساب ودفعو وبيدورو علي علي ومي ملقهومش وسيف كان لسه هيتصل
اميرة: بلاش النهارده يومهم خليهم ينبسطو شويه
سيف: عندك حق بس الوقت اتأخر بقولك تعالي معايا
اميرة: علي فين
سيف: بطلي اسئلة
اخدها وركبو في العربية واخدها علي مكان تحفه وفاضي وقدام البحر
سيف: هاه ايه رائيك نقعد هنا لاحد ما الشمس ما تشرق
اميرة:فكرة حلوه اوي يلا بينا
نزلو وقعدوا علي الرمل وساندين ظهرهم علي الحيطه
اميرة : بص لو نمت علي نفسي لازم تصحيني علشان اشوف الشمس وهي بتشرق
سيف: حاضر
اميرة وهي باصه نحيت البحر وبتكلم مع نفسها ايه اللي بعمله دا ازاي اسمح باني اتكلم معاه واخرج وهي عماله تتكلم مع نفسها نامت علي كتف سيف وابتدت تترعش علشان الجو كان برد فسيف مكنش عارف يتحرك ولا يروح العربية يجيب منها بطانيه ولا يقلع الجاكيت راح واخدها في حضنه وهو كان مبسوط اوي وحس انها بقت ملكه وهو واخدها فحضنه اميرة حلمت بكابوس ان سيف وعلي في حد بيموتهم وصحيت مفزوعه
اميرة(بفزع): سيف علي لا
سيف(اتخض):مالك في ايه بس
اميرة: انت كويس امال فين علي
سيف اهدي دا كان كابوس اهدي(وقعد يقرأ قران لاحد ما رجعت ونامت تاني بس المره ديه كانت متشعبطه فيه زي العيال الصغيرة والشمس ابتدت تطلع صحيت اميرة وقعدت بصه علي الشمس
اميرة : سبحان الله
سيف: فعلا منظر بديع
اميرة: اوكي يلا بينا كفايه كدا
سيف: اوكي يلا بينا
اميرة وسيف قاموا وركبوا العربية ووصلو علي الفندق
اميرة: شكرا يا سيف بجد انبسط
سيف: العفو انا كل اللي يهمني اشوفك مبسوطة
اميرة: تصبح علي خير
دخلت اميرة الاوضة براحة واتفجئت ان..........
أنت تقرأ
الحب المميت
Roman d'amourسيف:انتي مش رابطه الكوتشي ليه اميرة(بإحراج) :مش بعرف مي الغبيه نزلت ومربطتوش سيف(وهو بيضحك ونزل ربطلها الكوتشي) :ابقي فكريني اعلمك اميرة:احم ماشي --------- دا اول عمل ليا وبرغم أنه مليان عيوب وأخطاء انا سيباه علشان دا كانت اول سلمة ليا واول عمل شجعن...
