الحب المميت

الحلقة الثامنة

أميرة : بصو يا جماعه انا جبتكو النهاردة علشان موضوع علي ومي
سيف:ايه مالهم مش فاهم
اميرة:هو علي مش حكالك
سيف:لا
علي:بصراحة انا معجب بمي وشكلي بحبها
سيف:ومخبي عليا يا واطي
اميرة:مش مهم دلوقتي بص بقا يا علي اللي مرضهوش علي نفسي مرضهوش علي مي تسلية وصحوبيه من غير ارتباط رسمي انسي
علي:مهو انا عاوز اخطبها او اجوزها علي راحتك يا كبير قرر انت
اميرة:انا لو عليا ولا دا ولا دا لاحد ما تخلص دراستها بس بما ان الوضع مش مستحمل هسمحلكوا بخوطبه وعلي حسابي والخطوبة هتبق كالاتي.....
علي:انا موافق
اميرة:طبعا هحتاج مساعدتك يا سيف
سيف:وانا تحت امرك انا اطوووول ان اخويا وصاحبي يخطب مبروووك يا علوة
علي:الله يبارك فيك يلا عن اذنكو بقا متشكر يا ميروو يا قمر
اميرة وقامت علشان توصله لباب راح علشان يحضنها راحت زقاه جامد
اميرة ايه يا بني مبتحرمش هو لا بوس لاحضن والله لا أرجع في كلامي
علي:الله يخربيتك نسيت تقومي عاملة فيا كدا ظهري ادمر عجبك كدا يا سي سيف طب ساعدني
سيف(بضحك) :بصراحه عجبني
اميرة:علشان تبقي تفتكر
علي:ماشي حكم القوي
اميرة:غور بقا  (ورجعت لسيف واقعدت)
سيف:عقبال خطوبتك
اميرة:يارب بس تبقي علي راجل وسند بإذن الله
سيف:بإذن الله هعدي عليكي انتي ومي علشان الرحله
اميرة:اوكي اه نسيت اقولك عزمنا الدكتور مالك علي الرحله وجاي معانا
سيف(وهو بيقوم) :نعم يا اختي
اميرة(بتمثيل) :اقعد، بس واهدي مش انت عارف اني تعبانه افرض جرالي حاجه اموت واهو يبقا معانا
سيف:يعني ديه حجتك
اميرة:اه
سيف:اوكي واهو الواحد يستغل انه خطيبك شويه
اميرة:نعم يا اخويا
سيف؛: زي ما سمعتي
اميرة ولسه هترد سكتت وقالت تستغل الموضوع لصالحها وسيف كمان
سيف:انا همشي سلام
اميرة:سلام
اول ما سيف ما خرج كلم دكتور مالك واتفقوا علي حاجه هنعرفها بعدين
جه تاني يوم ونزلوا وسلموا علي الدادة وخرجو لاقو سيف وعلي واول ما سيف وعلي شافوهم اخدو منهم الشنط وكل واحد فتح باب العربي وقفلها بعد ما ركبوا
سيف:صباح الخير
اميرة:صباح النور
سيف:اخبارك ايه النهاردة
اميرة(بتصنع) :الحمد لله بس لسه في الم فظيع
سيف:على العموم انا كلمت الدكتور مالك وهنعدي عليه
اميرةومي: احلف
سيف:والله
اميرة:مكنتش اتوقعها منك الصراحه
سيف:علشان تعرفي بس
وصلو عند بيت الدكتور مالك وهو كان مستنيهم وحط شنطه وركب جمب علي ورا
مالك:السلام عليكم
كلهم:وعليكم السلام
مالك:اخبارك ايه يا اميرة دلوقتي
اميرة:الحمد لله يا مالك قولي بتحب نوع ايه من الاغاني علشان اشغله
مالك:الاغاني القديمة انا عارف ان الناس دلوقتي مش بتحبها
اميرة:مين قال كدا انا بمووت في الاغاني القديمة.
مالك:طب بتسمعي لمين
اميرة:عبد الحليم وشاديه وصباح وعبد المطلب وفريد الاطرش
مالك:انا كنت فقدت الامل اني الاقي واحده بتحب الاغاني القديمه يا بختك بيها يا سيف
سيف(وهو مش طايقه) :شكرا
مالك:بصي لو سبتوا بعض انا جاهز
اميرة:ههههههههه طب استعد بقا
سيف كان هيفرقع ونزلوا البنات ركبوا الباص وهما راحوا يشيلوا الشنط سيف اخد مالك علي جمب
سيف:دا اللي اتفقنا عليه
مالك:والله غبي انا بعمل كدا علشان متحسش اني اتغيرت متقلقش هظبطك
سيف:اوكي
ركبوا الباص والباص اتحرك والكل قعد يقول ان اميرة تغني
اميرة:موافقه بس بشرط عاوزة حد صوته حلو يغني معايا
مالك:انا طبعا
اميرة:يا ثقتك اوكي حافظ اغنية علي عش الحب
مالك:طبعا
وبدأوا يغنوا وكان صوتهم روعه سوا وبعد كدا الكل قعد يغني اغاني روشه ومي مش قادره تمسك نفسها، ولسه هتقوم علشان ترقص لاقت اللي بيشدها جامد وبيقعدها
مي:ايه
علي:انتي هبله صح ما تقولي حاجه يا اميرة
اميرة:مينفعش كدا يا مي في ولاد
مي:ما انتي عارفه مبقدرش امسك نفسي  بس خلاص هتزفت واقعد
وبعد فتره الكل نام وسيف قام وعلق سلسلة في رقبت اميرة وعدل الطرحه ورجع مكانه ونام وصلوا الفندق ونزلوا كل اتنين اوضة ما عدا مالك سيف اصر يقعد معاه هو وعلي
اميرة:مي بقولك سيف وعلي ومالك هنتعشا معاهم النهاردة بليل البسي اشيك فستان عندك
مي:اذا كان كدا هنام واصحي بليل
اميرة: وانا هنزل وهبقا اقبلك بليل في المطعم
خرجت اميرة وكلمت سيف علشان ينزل هو ومالك ولما نزلو اخدتهم واكدت علي حجز القاعه والكوافير
مالك:انا مش فاهم حاجه انتوا هتجوزوني ولا ايه
اميرة:ههههههههه لا هو انا هعمل فيك عامله سودا كدا تعالوا نقعد وهفهمك
اميرة:اكدت يا سيف علي الحلاق
سيف:كله تحت السيطره وجبت البدله والكرفته وكله تمام
اميرة:تمام وانا كلمت بابا وماما مي دلوقتي هما في اوضهم بيرتاحوا وقولتلهم كل حاجه
سيف:تمام
اميرة:هسيبكم انا بقا وانت اشرح لمالك كل حاجه
اميرة طلعت وحطت الفستان علي السرير وكتبت لمي انها تلبسو وسيف طلع حط البدله علي السرير وكتب لعلي يلبسها مي وعلي قاموا ولبسوا والساعه سبعه ونص بالظبط بابهم خبط الكوافيرة مسكت مي والحلاق مسك علي وطبعا كانت مي بتجهز في اوضة تانيه وسيف كذالك خلصو وجهزو
اميرة راحت تشوف سيف في الرسبشن ولا متأخر لاقته ولما شافها انبهر بيها وبعدين اتقبلوا وكلموا مي وعلي انهم ينزلوا سيف اخد علي واداله الشبكه وقاله اميرة اللي جابتها ودخلوا القاعه ووقفوا واميرة اخدت مي واول ما دخلوا القاعه وشافت ممتها وببها جريت عليهم وحضنتهم وبباها اخدها وودها لعلي سيف جاب لعلي المايك
علي: انا بحبك من زمان من واحنا عيال صغيرة بحب شقوتك وضحكتك ورخمتك بس انا مش بحبك وبس لنا بعشقك تقبلي تكوني نصي التاني اللي هيكمل حياتي
مي ملقتش كلام تقوله راحت حضنها
علي(افتكر كلام اميرة وقال في المايك) :والله هي يا اميرة مش انا
الكل ضحك ولبسوا الدبل وقعدوا يرقصوا وسيف كان واقف بعيد ومالك راح وقف جمب اميرة وقال
مالك:تسمحيلي بالرقصه ديه
اميرة:اوكي
فضلوا يرقصوا سوا وسيف كان هيبوظ الدنيا لولا انه مسك نفسه وخرج وطلع السجاير وفضل يشرب اميرة لاحظت اختفائه وراحت تدور عليه لاقته واقف عند البحر
اميرة(وقفت جنبه) :حلو اوي البحر اي حاجه بتروح فيه مبترجعش تاني ولا بتطلع لاحد مليان باسرار
سيف ساكت ومش بيرد
اميرة(سحبت السجاره منه) :مضره بصحه وانا بتخنق منها ومش بعتبر اللي بيشربها راجل عن اذنك
وهي لسه هتمشي راح سيف......