الحب المميت

الحلقة الخامسة عشر

الخامسة عشر

سيف(وهو بيمسك خدود دينا):خليكي في حالك يا اختي

خرجت دينا مع صحابها وبعدها بفترة  يرن الجرس والدادة تروح تفتح واميرة اول ما تشوف اللي علي الباب تجري وتحضنه

اميرة: واحشتني واحشتني كل دا متسألش عليا

الشخص: وانتي اكتر يا حببتي مالك احلويتي بعد الجواز كدا

اميرة: انا طوول عمري حلوة يا بكاش

سيف وعلي ومي في حالة صدمة

مي: مين دا يا أميرة

سيف: هو انتي كمان متعرفيش مين دا

وراح سيف ومسك دراع اميرة

سيف: مين دا يا هانم

اميرة: دا اخويا يا غبي

سيف ساب دراعها وهو بيستوعب الكلام

اميرة: تعالوا نقعد هفهمكم علي كل حاجة وانت كمان يا منيل حد يجي كدا من غير احم ولا دستور

وقعدوا كلهم في حالة زهول

اميرة: ههههههههههه شكلكم مسخرة اوي

مي: انطقي وفهمينا انا مش فاهمة حاجة ازاي تخبي عليا حاجة زي كدا دا احنا طوول عمرنا سوا واسرارنا مع بعض

اميرة: طب اهدي بس لان دا مش سري انا دا سر بابا الله يرحمه

الموضوع وما فيه ماما كانت رافضة الخلفة من بعدي وهو جالي وفهمني واتجوز من واحدة تانية وانا طبعا كنت صغيرة وكان بياخدني العب معاه من ورا ماما وانا اللي سميته يعتبر ابني اساسا اه الفرق بينا مش كبير خمس سنين وهو كان عايش برا واهو خلص ثانوي وجه ووالدته ماتت وهو في اولي ثانوي وكان بابا بيقعد معاه وكدا وانا كنت هنا وكنا علي تواصل بالتليفونات وكدا بس بابا كان قيلي مقولش لاحد علشان كدا مقدرتش اقولكم والفترة اللي فاتت مكنتش بتكلم والصدمات اللي ورا بعض نستني خالص انه موجود وطبعا كل حاجة باسمي بيع وشرا علشان ماما كانت حاسه انه في حاجة فقالت لبابا كدا وبابا وافق علشان عارف اني عمري ما هظلمه ولا ايه يا احمد

احمد: طبعا يا حببتي هو انا ليا غيرك دلوقتي

سيف: دا ولا في الافلام

مي: انا بجد قفشة عليكي سيبك من انك خبيتي عليا بس يا جزمة يبقا عندك اخ موز كدا وتخبي عليا يا واطية وتسبيني البس في دا

علي: وماله دا يا اختي مش عجبك ولا حاجه

مي: بهزر يا لولو يا قمر انا اقدر ابعد عنك

اميرة: يا دادة حضري اوضة لأحمد امال دينا فين يا سيف

سيف: خرجت مع صحابها وهتتأخر