صباح اليوم التالي تأخرت ريام في نومها وكان ع احمد ان يوقظها استعدادا للعوده...
احمد:ريوم..ياحلو.. كعدي كافي نوم...
ريام تمسح ع عينيها وتنظر له...
احمد:يله مبقه وقت للطياره.. عندي شغل هوايه هناك ومااريد جلول يحس بشي...
ريام:اي اي هسه..
عادا الى بغداد وكان ع احمد ان يتوجه الى العمل فورا ....
احمد:ترحين ويايه؟؟
ريام:لا ارجع للبيت احسن...
احمد:لا تعالي شكو باقيه بلبيت وحدج.. ويجوز احتاجج بشي..
ريام:ماشي..
بقيت ريام معه وساعدته في انجاز بعض الاوراق واتصل جليل به واخبره انه بخير وسئله عن ريام و عن وضع العمل واطمئن ع كل شيء...
في المساء الساعه٨...
دخلا سوية الى المنزل وكان احمد مبتهجا لانه قضى اليوم بطوله وهو ينظر الى جميتله...
فوجئ احمد بوجود ميعاد تنتظره...
احمد:هاي شدسوين هنا؟؟ وشوكت اجيتي...
ميعاد ترفع حاجبيها وتنظر لريام:قبل شوية.. وين جنتو حضراتكم؟؟
ريام:اني رايحة لغرفتي..تصبحون ع خير..
بعد ان ذهبت...
احمد يحاول ان يذهب ايضا...
تمسكه ميعاد وتقبله:اني اسفه احمد.. اني مااكدر اعيش بدونك.. حبيبي...
احمد يحاول ابعادها:وخري ميعاد.. كافي مليت من تصرفاتج اني!!
ميعاد مصره ع تقبيله مره اخرى:احمد اشتاقيتلك..
احمد:ميعاد تعبان واريد ارتاح!!
ميعاد تنزل دموع التماسيح...
احمد يشفق عليها قائلا وبحسرة:كافي الله يخليج
تمسك يده وتذهب معه الى غرفتهما وبدت تغريه بملابسها وجسدها وووو حصل ماارادت هي...
في الصباح ظنت ميعاد ان كل شيء تحسن معهما
واستيقظت مبكرا واعدت له الافطار ...
احمد بعد ان استيقظ وارتدى ملابس العمل ذهب الى غرفه ريام ...
ريام كانت تمشط شعرها...
احمد:صباح الخير..الله شنو هلصباح ؟؟
ريام تبتسم قليلا:صباح النور..ليش شكو..؟
احمد:لاماكو شي(تذكر ماحصل البارحة وشعر انه قام بخيانة ريام لكن لاشيء جدي يااحمد!!)...
نزلا سوية ودخلا المطبخ معا ايضا...
كانت ميعاد تقف عند الطاوله وانزعجت من ريام كثيرا برؤيتها مع احمد...
احمد:صباح الخير..هاي انتي سويتي كل هذا؟؟
ميعاد:صباح النور حبيبي..اييي
احمد:يارب سترك..اول مرة تسويها شعجب!!
ابتسمت ريام لماقاله دون قصد...
ميعاد انزعجت اكثر... جلسوا وبدأوا يتناولون طعامهم...
ميعاد تمسك يد احمد:حبيبي..البارحة احلى ليلة كانت ...احبك ...
ريام تنظر وتبتسم ...
احمد يسحب يده:احم احم..اني خلصت.. ميعاد تعالي ورايه...
ذهبت اليه راكضه وبعد ان اصبحا لوحدهما..
احمد:تصرفاتج السخيفه هاي بطليهه كدام العالم.. شلون تحجين هيج كدام ريام!! هذا شي خاص بينه انتي ليش تحجين!!
ميعاد:اني...
احمد يقاطعها:انتي وحدة مريضه.. (خرج الى العمل فورا)...
ميعاد:ماشي..اني مريضه..وهاي المخبله مالتهم محد يكول عنها !! بسييييطة...
