و حتى اولئك الذين لا يعرفون كي يبدئوة يومهم يبدئونه..!!
و الذين لا يعرفون طريق النجاح سَـ يجدونه..~
و الذين لا يدرون كيف يحبون سَـ يقدمون عواطفهم ذات يوم..•°
الا الذي لا يعرف طريق الايمان لن يجده و لن يجد اي امل..!
(سمر)
"يشاع بان اجمل حب ياتيك صدفةة دون ان تبحث عنهُ"
سمعت صوتاً يهتف باسمي:سمر!
استدرت بسرعةة لارى ابي فتحت عيناي و نهضت تقدم ابي نحوي:شدتسوين هنا؟
نظر لايمن و قال: و منو هذا؟!
سمر:اا،،بابا طلعت اتمشةة
نظرت لايمن و هو ينهض من الارض قلت:و ايمن،،ايمن اكو عصابة جانت تريد تخطفني و هو انقذني
نظر ايمن لي و قال:اي عمو صحيح
الاب:بارك الله بيك ابني
صافحه ايمن و قبل ظهر يده:اني ايمن عمو
الاب:اتشرفت ابني،اسف دخلناك بمشكلة خاف بس هي بنتي غبية
قالت سمر:بابا !
ضحك ايمن:ههههههه و لا يهمك عمو
سمر:يلا!،،يلا بابا نرجع للبيت
الاب:ماشي بنتي يلا،و شكراً ابني مرة الخ
ايمن:تدلل عمي
مشينا و انا انظر لايمن حتى ابتعدنا عنه
(ايمن)
"كالحديد لا يئن و لا يحن"
تقدم رجل كبير في السن نحونا قالت سمر:بابا !
اذاً هذا الرجل يكون والدها لم اكن اتوقع ان ياتي الى هنا و لكن اغلب الاشياء تحدث صدفةة اخترعت سمر كذبةة و هذا ما جعلني اضحك بداخلي تشكر والدها مني كان يبدو انهم اناس لطيفون رغم فقر مظهرهم نظرت لي سمر و هي تلف راسها نحوي بينما هما يمشيان الى ان اختفيا ضحكت ع الموقف و انا اضع يدي ع خصري،،اتجهت لدراجتي و عدت للمنزل..
(مسك)
"ليتني حجراً لا احن لِـ شئ"
سمعت صوت طرقٍ ع نافذة السيارة رفعت راسي لارى عمر نظرت له بصدمةة اشار لي بيده ان افتح النافذة مسحت دموعي و انزلت زجاج النافذة و انا انظر اليه:نكدر نحجي؟!
وضعت يدي ع زر اغلاق النافذة لاغلقها:ماكو شي نحجي بي
وضع يده ع النافذة ليمنع اغلاقها:لازم نحجي!
نظرت له و فتحت باب السيارة لاخرج خرجت و اغلقت الباب تكتفت و قلت:شتريد بعد؟
عمر:خلينا نكعد
نظرت اليه بتردد قال:جديات الموضوع مهم!
مسك:اوك
اتجهنا الى احد المساطب التي غرست ع قارعةة الطريق جلسنا عليها قلت:منين عرفت مكاني
ابتسم:كلبي موجود هو يكلي
اشحت بناظري عنه قال عمر:اول شي و قبل كلشي كل الي حكولةة صحيح بس ماريد منج تتهورين و تسوين اي شي بدون علمي!
نظرت له و قلت:شكو؟!
نظر للارض من ثم الي قال:تتذكرين اليوم الي وديتج بي للمستشفى؟!
نظرت للاعلى محاولةة اني اتذكر:اي
عمر:و تتذكرين من طلعت اني و زياد و عفناج؟!
مسك:اي !!
عمر:بوقتها من طلعنةة زياد هددني بيج كلي اذا تقترب منهة بعد ائذيها
نظرت له و انا افتح عيناي اللامعتين اكمل:بهل يوم هذا قررت ابتعد عنج قررت انو نفرق طرقنةة ليش؟!حتى لا تتاذين بس هسةة و من الي صار بالاستوديو تاكدت من شغلةة وحدة الي هي اني مراح اكدر اعوفج راح ابقةة وياج حتى احميج لان عرفت انج ببعدي تتاذين مو بقربي!
ارتسمت ابتسامتي من بين بكائي ازداد بكائي و انا استمع لكلامه قال:كافي لا تبجين
وضعت يدي ع فمي و انزلت راسي للاسفل كي لا يراني شعرت به يقترب مني و يحتضنني:كافي هياتني يمج !
امسك براسي و مسح دموعي بابهامه:اوعدج انج مراح تبجين بعد
نظرت له و احتضنته:يعني انت هم تحبني و مرافضني؟!
ضحك هو:ههههههه لا مرافضج مستحيل!
تشبثت بقميصه من الخلف و قلت:لا تعوفني لعد
وضع يده ع راسي:ماعوفج وعد!
ابتسمت و ابتعدت عنه و انا امسح دموعي:خلص مراح ابجي
ابتسم لي و هو يمسك باحد خصلات شعري..
قلت:عمر
عمر:عيونةة
مسك:لا تحجي ويا تالا
ضحك:ههههههه مسك هذا شغل
مسك:ميخالف يعني ماكو غيرك مصور!،،اني اعرف كلش زين هي دتخطط تاخذك مني
عمر:محد ياخذني منج تطمني
ابتسمت بتعب:عمر اخاف هذا حلم و حيخلص بسرعة مثل مصار كلشي بسرعة!
وضع يده ع كتفاي ليحتضنني:مو حلم لا تخافين
اغمضت عيناي:اتمنى!
رفعت راسي:و زياد؟!
رسم ملامح الجديةة ع وجهه و قال:ميكدر يسوي شي باللحظة الي يفكر ياذيج بيها اقتلة!
مسك:كلش خايفةة من هل وضع
امسك بيدي:كافي خلينة نعيش اللحظة بلحظتها..!!
ابتسمت:اوك
