ان تسموَ بِـ ذاتك لا يعني انك قد انهيت مسيرتك بما فيها..!
بل عليك ان تسموَ في سماكَ التي تقطن فيها ايضاً..↭
عليك ان تتعلم كيفيةة الصعود و نسيان المكوث في مكانك..!!
اترك بصمتك في اي مكان تذهب اليه..∞
( مريم نائل )
(ايمن)
"كيف تظن أنك ستنسى وأنت محاط بكل هذا الشوق في الخفاء"
فتحت الباب لارى رجال الشرطة متوقفين خلفه نظرت اليهم قالوا:مرحبا،انت ايمن اوغلو؟
ايمن:اي اني،تفضلوا؟
الشرطة:تفضل ويانة؟!
ايمن:ممكن اعرف السبب؟!
الشرطة:بالمخفر تعرف
امسكت زمرد بذراعي:شنو هيج تاخذوا مستحيل اخلي يروح وياكم!!
نظر اليها احد رجال الشرطة و قال:مدام لو سمحتي؟
فتحت عيناها بغضب:داكللكم مستحيل
قاموا رجال الشرطة بامساكي من ذراعي مبعدين زمرد عني امسكت زمرد بهم:وخروا عنةة!!
استدرت نحوها محاولاً طمئنتها:زمرد طبي جوة لا تخافين ماكو شي
نظرت لي بعينين لامعة:شلون اخليك تروح!
ايمن:لا تخافين كتلج ماكو شي
نظرت للشرطة:يلا!
اخذوني متجهين للسيارة خاصتهم بينما زمرد تصرخ بـ ان لا ياخذوني تحركت السيارة باتجاه مركز الشرطةة فتحوا الباب و انزلوني دخلنا المخفر كان عبارة عن مجرمين و مشردين و مدمنين مخدرات و ما الى ذلك كان المنظر كفيلاً بان يجعلني لا اطيق نفسي و المكان قاموا بادخالي لـِ زنزانة قال الشرطي و هو يقفل باب الزنزانة:فد نص ساعة و ارجعلك اكعد بهدوء!
ايمن:زين اكدر اعرف اني شمسوي؟!
لم يبادر بالاجابة بل غادر و تركني بمفردي اسرعت و امسكت بقضبان السجن و انا اهزها بيدي قلت:طلعونيي!!
لم يجب احداً قمت بضرب الجدار بيدي لشدة غضبي اتجهت للمِسطبة الوحيدة التي تتوسط الزنزانةة جلست عليها و بدات اهز قدماي من شدة القلق بعد نصف ساعةة اتجه الشرطي نحو الزنزانة و قام بفتحها نهضت من مكاني و انا انظر اليه قال:يلا
ايمن:وين هسه؟
الشرطي:استجواب
قام بامساك يداي و اتجهنا لغرفة الاستجواب فتح هو الباب و قام بادخالي رفعت راسي لانصدم بوجود عمر!
قلت:عمر!
(عمر)
"إنكَ إتَزانّ وإنُي أكرهُ الميّل عنكَ"
صرخت سمر:شنووو؟!
عمر:اشششش
سمر:مسك؟!،،مسك هاية الفنانة غير!!!
عمر:اي
اعتدلت بجلستهه:انت كل عقلك؟!
عمر:ليش؟مو جنتي تتوسلين بية احبها و هاي حبيتها
سمر:اي اعرف بس برغم خبالي و كل حرف اكولة اني اشوف انو هل شي غلط يعني اكو هواي فروقات بيناتكم
عمر:سمر اني لو اعرف اني راح اقصر عليهه بشي جان ولا فكرت انطق وياها بحرف بس ماكو فرق ان شاء الله هاي اني بديت اشتغل و اشتريت بيت و راتبي صار زين الحمدلله
سمر:اذا انت هيج شايف فخلص اوكي اني وياك
ابتسمت:شكراً
سمر:على؟
عمر:على تفهمج جنت متصور حتوكفين ضدي بس صار العكس انتي اكثر انسانة احبها تعرفين لو لا
غمزت:ايبااااه تقنعني تحبني اكثر من مسك
ضحكت:ههههه من هسه بدينة غيرة
ابتسمت و امسكت بيدي قائلةة:يكون بعلمك ان اي قرار تاخذة حكون واكفة وياك بيه
وضعت يدي فوق يدها:حبيبتي انتي
نهضت و هي تنفض بنطالها قائلة:لعد راح اروح انام اني اخذ راحتك
نظرت للساعة:صارت بال1 اكيد هسه تتخابرون عمي😉
عمر:امشي لج اني مو هيج بس تفكيرج تافه مثلج
سمر:ديلا روميو
لوحت بيدها و قالت بدلع:بونيه
ضحكت:هههههه و انتي من اهلة
اتجهت للمخيم بينما انا انظر للسماء و ابتسم اهذت نفساً عميقاً من ثم اتجهت للمخيم و نمت..
في صباح اليوم التالي نهضت من السرير و اتجهت لحمام المخيم الصغير لاغسل وجهي قمت بفتح الحنفيةة الذهبية التي تنزف ماءاً متقطع غسلت وجهي و عدت للخيمة بدلت ملابسي بينما انا ابدل ملابسي استيقضت امي من النوم نظرت لي و قالت:صباح الخير حبيبي
قلت و انا اربط حزامي:صباح النور حبيبتي
امي:ها حبيبي طالع؟
عمر:اي والله
نهضت من مكانها قائلة:اوكف اسويلك ريوك
عمر:لالا يوم ميحتاج اكل هناك
امي:براحتك حبيبي
عمر:اليوم حضروا غراضكم لموها
امي:ليش؟!
نظرت للمراة ثم قلت و انا امسح شعري بيدي:نروح لبيتنة
امي:شنو عمر يا بيت شدتحجي
عمر:حضروا الغراض و معليكم
استيقض ابي و نظر لكلينا:شبيكم؟
ابتسمت و التقطت سترتي و ارتديها:سلام!
امي:شوف ابنك شديحجي
ابي:شبي؟
امي:يكول لموا غراضكم اليوم نروح لبيتنة
بدات اصواتهم تنخفض تدريجياً باتبعادي عن الخيمة في وسط المخيم استوقف طريقي رجال الشرطة و هم يقولون:العفو ممكن نعرف عمر تاج الدين وين؟
نظرت اليهم بتركيز و قلت:اني هو تفضلوا؟!
الشرطي:لازم حضرتك يتفضل ويانة للمخفر
نظرت للارض و قمت بحك طارف شفتي بيدي:ممكن اعرف ليش؟
الشرطي:هناك تعرف
خرجت امي في هذه اللحظات نظرت الي و انا اتوقف بين رجال الشرطة فتحت عيناها و قالت:يمممة شبيك ابني شبيهم وياك؟
عمر:يوم طبي جوة
امسكت بذراعي:مستحيل اخليك
قال الشرطي:خالة بلا زحمة عليج بس عدنة استجواب ويا خليه يروح
قامت بضرب كلا خديها بيدها و قالت:يا يمةة ابني شلة بمركز الشرطة
الشرطي:خالة لا تخافين ماكو شي
امسكت بيدهم:لا تاخذوا ابني اعرفة ما مسوي شي
خرج ابي من الخيمة ع اثر صوت امي اتجه الينا قال الشرطي:خالة فدوة لكلبج خلينا نشوف شغلنا فدوة اروحلج
ابي:شكو؟
امي:جايين الشرطة ياخذون ابنك
ابي:ليش شمسوي؟
الشرطي:عمو والله احنة هم منعرف بس بلغونة ناخذة
عمر:ماشي بابا طبب ماما ان شاء الله ماكو شي احلهه و ارجع
ابي:ديربالك ع نفسك ابني و احنة لاحكيكم
امسك ابي بامي بينما ركبت مع الشرطة في السيارة اتجهنا للمخفر حينما وصلنا قاموا بادخالي لزنزانة و قال الشرطي:ابقة مكانك لا تتحرك نص ساعه و تطلع
زفرت:الصبر منك يا الهي
قام باقفال الباب و تركني بمفردي تكتفت و بدات اسير في ارجاء الزنزانةة ذهاباً و اياباً الى ان اتى الشرطي مرة اخرى توقفت في مكاني و انا انظر اليه قال:يلا!
سرت معه لغرفة الاستجواب فتح لي الباب دخلت و جلست ع احد الكراسي الخشبية الثلاثة ع طاولة مستطيلةة في غرفة تبدو راقية نوعاً ما شبكت يداي و بدات احرك قدماي دخل المحقق و هو يحمل اوراقاً بيده نظر لي و قال:سلام
اومات براسي:اهلاً
سحب الكرسي الخاص بالمكتب و جلس امامي قال:يجي صديقك و نبدي تحقيق
عمر:اوكي
في هذه اللحظات افتتح الباب و دخل شخصاً رفعت ناظري لارى ايمن!
نظر لي و قال:عمر!
قلت:ايمن!
نهض الضابط من مكانه و قال:شكلكم تعرفون بعض!!
نظر كلينا لبعض بصمت اتجه ايمن نحوي و جلس في الكرسي الذي امامي قال الضابط و هو يفتح المجلد الذي امامه:قضيتكم هي اصابةة سامي حاج الله
نظر ايمن لي نظرت له ايضاً قال:احنة شفناكم متواجدين بالموقع فلا تحاولون تنكرون
ايمن:اوكي بس وين الدليل ان احنة سوينة شي!
الضابط:ماكو دليل لهذا جايبيكم استجواب!
عمر:ماشي و شنو مطلوب من عدنة؟
الضابط:تجاوبون ع كل الاسئلة
عمر،ايمن:اوكي
جلس امامنا و بدا بطرح الاسئلة:شجنتوا تسوون هناك؟!
عمر:صارت عملية...
قاطعني ايمن:بنجرت السيارة يم البيت
نظرت الي بتساؤل اكمل الضابط:و محسيتوا بحركة غريبة داخل البيت؟!
ايمن:صراحتاً لا لان مطولنة غير 15 د
الضابط:زين و السيارة مالكم وينهه؟
ايمن:بيومهه حاولنه ندفعهه للطريق حتى نلكي كرين يساعدنه و اصلاً دكينة الجرس محد طلع
الضابط:اوكي؟!مشفتوا شخص غريب؟!
ايمن:لا والله
الضابط:اوكيي نتحقق من شكم شغلة و نطلق سراحكم الباجر اليوم تبقون بضيافتنة
ايمن:ماشي😑
صاح الضابط:ماجد،،ماجد
دخل احد رجال الشرطة:نعم سيدي
الضابط:اخذهم لزنزانةة
وضع يده بجانب راسه و ضرب الارض باحد قدميه للتحية و قال:حاظر سيدي،امشوا وياي
نهضنا من مكاننا و مشينا بجانب الشرطي متجهين لِـ الزنزانة قام الشرطي بادخالنا و قام باقفال الباب اتجهت لايمن و توقفت امامه قلت:جنت راح اكول كلشي ليش وكفتني !!!
اقترب مني و قال بعقلانية:عمر الموضوع مو هيج هو زياد مسوي اتفاق ويا سامي يعني العقد موجود اول متقدمة الهم حيكلك اتفاق لا عملية اغتصاب ولا شي لذلك محد راح يخسر غيرنة
زفرت بغضب و قلت:زياد الزفت!
تخصرت و انا انظر للامام:محلولةة!
استدرت نحو ايمن و قلت:اسف ع التجاوز ايمن
اتجه ليجلس ع المسطبة جلس ثم قال:عادي تعودت ع هل موضوع
اقتربت منه و جلست بجانبه كان هو يغمض عيناه و يستد راسه ع الجدار قلت:تخجل من ان اخوك
فتح عيناه و نظر للامام:يمكن!
عمر:شي صعب
ايمن:اكثر من ما تتصور،اخوك الي مربيك ع شي يسوي عكسة كبالك توصل لدرجة تحس نفسك لازم تربي بالمبادئ الي رباك بيهن
عمر:الله كريم
ايمن:امم
نظرنا للامام و كلاً مننا يشغل تفكيره امراً ما
انا افكر بمسك كيف ساخبرها بانني هنا كيف ساجعلها تطمئن ولا تقلق بينما ايمن يفكر بعائلته بالتاكيد..
...
في الواقع عقلنا لا يرفض ما يشعر به قلبنا و لكنه يرفض افعالنا الخاطئةة..↭
...
