أغلى الصدف صدفه وياك تجمعني من عالم الغيب رب الكون سايقها

7

لا تثير الغيره

بطبعك المجنونأترك عنك التغلي
وانت تدري بقلبي
يحبك بجنون
ــــــــــــــــــــــــــــــــــــــــــــــــــ ــــــــــ
ابو خالد:- ماقلتي وش رايك
ميار عقدة حواجبها وخايفه انو الي فبالها يطلع صح:- هو وش اسمه بالكامل
ابو خالد:- والله يابنتي نسيت بس على مااضن وان شاءالله هذا الأكيد لأنو فهد مشاءالله عليه مشهور والكل يعرفه هو اسمه فهد فيصل ال............
ميار لما اسمعت الأسم وقفت وهي معصبه وصارت تصارخ وتقول:- لالالا مستحيل ماابيه ماابيه....وراحت تركض غرفتها
الكل استغرب منها وقال ابو خالد:- وش فيها قومي يا ام خالد شوفي بنتك
ام خالد:- ان شاءالله..........قبل ماتقوم قالت رنا
رنا:- خلك يمه انا بروح اشوفها وقامت
ريناد كان نفسها تقوم تشوف توأمها بس الجو ماساعدها(ماقلت لكم ميار وريناد قراب من بعض كثير اسرارهم تقريبا يقولونها لبعض صدق انو ميار اكبر من ريناد بس تفكريهم قريب من بعض)
ريناد مااقدرت تتحمل وقلت:- انا بروح اشوف اختي
ابو خالد: بعصبيه- اجلسي يابنت خلاص اختك راحت تشوفها
ريناد خافت اول مره تشوف ابوها كذا معصب جلست وهي تتأفأف وحطة الاب بحظنها وهي مالها خلقه بس تلهي نفسها وجلست تحوس بمنتداها المفظل
(عند رنا وميار)
رنا واقفه برا تضرب الباب بقوه على ميار:- ميار افتحي الباب افتحي
ميار وهي بغرفتها وحاظنه وسادتها بقوه وتبكي الي غرقت الوسآده من كثر الدموع :- روحي عني روحي اتركوني
رنا:- طيب وش فيك قولي ماتبينه؟؟
مياربصراخ:- ايه ماابيه ماابيه قولي لهم يارنا الله يخليك اني ماابي اذا تحبين اختك قولي لهم اني ماابيه
رنا:- طيب افتحي الباب خليني افهم الموضوع
ميار:- ماراح افتح وروحي قولي لهم اني ماابيه خلاص روحي روحي واتركيني بحالي
رنا سكتت اشوي وبقت واقفه عند الباب لحد مااتعبت لأنها حامل وماتقدر توقف كثير وبعدها راحت عند اهلها
ابو خالد لما شاف رنا داخله الصاله :- هاا وش فيها
رناوهي تجلس:- تقول انها ماتبي الدكتور فهد
ام خالد:- وليه ماتبيه فهد وش فيه
رنا :- ماادري عنها حتى مو راضيه تفتح الباب
ام خالد ضربت رجولها بيدينها الثنتين ووقفت وقالت:- انا بروح اشوفها
ابو خالد مسكها من يدها وقال:- اتركي البنت بحالها خليها ترتاح
ام خالد:- ابي اعرف هي ليه رافضه فهد ,فهد وش يعيبه
ابو خالد:- البنت ماتبيه هي حره حنا مالنا حق نغصبها
ام خالد جلست وقالت:- ياابو خالد مايصير فهد الف وحده تتمناه وتجي بنتك وترفضه
ابو خالد:- خلاص ياام خالد بمآ انو البنت قالت لا يعني لا واذا قالت ايه يعني ايه انتي اصبري عليها كم يوم ويمكن ان شاء الله تغير رايها
ام خالد :- ااااه الله يقدم الي فيه الخير
الكل :- امين
بعد هدوء الوضع في البيت الكل رجع على حاله الا ميار الي لازالت تبكي قهر
ريناد:- يالله الزفته هذه وينها
ام خالد:- منو هذه وش فيك جالسه تكلمين نفسك
ريناد:- يمه هذه صديقتي من زمان وانا انتظرها ولا دخلت
ام خالد:- وين تدخل
ريناد :- يؤؤؤؤه يمه وش فيك تدخل المسن يعني وين
ام خالد:- اها
ريناد :- انا بجلس احوس بالمنتدى اشوي لحد ماتدخل ولفت على الاب توب تحوس بمنتدها الحبيب سجلت دخولها بأسمها المستعار (شموخ انسانه)
.................................................. .................................................. ........................
(في بيت ابو راشد)
سارا داخله معصبه وهلاكانه من عفست اخوها الي رتبتها وهي بتجلس شافت وساده جنبها اخذتها ورمتها بأقوا ماعندها على راشد الي سرحان بالاب المسكين خاف لأنه كان غافل
راشد:- ووجع ان شاءالله
سارا بعصبيه :- يوجعك
راشد لما شافها معصبه جاته الضحكه بس مسكها وسكت عنها لأنه عارف لما يطولها معها ماراح تطوف اليله على خير
وبعد نص ساعه من الصمت الطويل بالبيت
حس راشد بأنه خربها مع سارا وحب يراضيها
راشد:- اقول سارا
ساراوهي لا زالت زعلانه:- نعم
راشد:- وش رايك نطلع نتعشى برا اليوم
سارا نطت من الفرحه :- صدق صدق بتطلعنا برا
راشد ابتسم لأخته:- ايه صدق
سارا وهي واقفه:- خلاص اجل بروح اقول لأمي وخمس دقايق ونكون جاهزين
راشد يطالع ساعته:- ايه بس بدري الحين الساعه 8,00اصبري تصير 9ونطلع
سارا:- لالالا انا ماصدقت قلت بتطلعنا اخاف بعدين تتراجع لا ماابي بروح اجهز واجي .....ورمت بوسه بالهواءوهي رايحه لأخوها وقالت :- الله يخليك لي يااحلى اخو بالدنيا وراحت تركض فوق
راشد ضحك على هبال اخته ورجع يحوس بالمنتدى وهو بين حوسته شاف اسم البنت الي شدته مو عارف السبب لها حضور مميز الفتت نظره من لعبها واسلوبها وتحديها معهم صار يحب يشوف اسمها حتى وهي مو موجوده
تضحك ....تلعب .....تسولف.....تتحدى.......كل شيء تسويه...... صارت تلمع عيونه من لما شافها موجوده يجيه شعور غريب من يشوفها هو عارف انه ماراح يقدر يوصل لها بس مو عارف وش الشعور الغريب الي يجيه
وقال (هو يبي يعرف اذا هي من البنات اللعابه ولالا) قآل لواحد من اخوياه يبين لها انه هو معجب فيها ويتحرش فيها بالمنتدى وبطريقته هذه عرف انها مو بسهوله ينقص عليها عجبته وهو ماشافها بس يعرفها بالمنتدى الا انها شدته حتى اسمها مو عارفه مو عارف غير لقبها
راشد رجع على ورا ورفع راسه على فوق وتنهد بقوه وضيق ووقال:- ااااااه ااااااه يا شموخ اه يا شموخ انسانه عذبتيني وانا مااعرفك
وهو بين سرحانه وافكاره الي توديه وتجيبه سمع ذاك الصوت الي يرج الأذن
سارا بصراخ لأنه مارد عليها من زمان وهي تناديه وهو ولا هو هنا:- راشـــــــــــــــــــــــــــــــــــــــــــــــ ـــــــــــــــــــــــــــــــــــــــــــــد
راشد المسكين نط من الخوف :- ها وش فيك وش صاير
سارا تغمز لأخوها :- الي ماخذ عقلك يتهنابه
راشد تنهد بضيق كيف وهو مو عارف لها طريق وقال بصوت مو مسموع :- ااه الله يجمعني فيها....وقال بصوت مسموع:-يلا نمشي
سارا وام راشد:-يلا .........سكر الاب توب بعد مارسل لها ع الخاص رساله يتكلم فيها انه معجب فيها لأنه تعب كثير وصار لازم يعبر لها عن اعجابه وهو ماوده يسكره حاب يلعب معها على الأقل يحس بأنها قريبه منه بس الوعد الي عطاه اخته خلاه يسكر الاب توب ويطلع معهم (طبعاً هو خايف من ردة فعلها لأنه من بعد ماقال لواحد من اخوياه يتحرش فيها رسل لها قبل هذه المره علشان يقول بأنه معجب فيهابس شرشحته لكن بطريقه ذربه وطبعاً لعبها وسوالفها معه ماتغيرت وهذا الي خلاه يرسل لها مره ثانيه يمكن تحس فيه وبحبه لها واعجابه فيها وانه صادق معها )
(في بيت فهد)
الساعه 9,35
فهد وهو داخل البيت بعد مارجع من ستار بوكس وماكان معه احد حب يجلس لوحده :- السلام عليكم ...كيفك يالغاليه ......وراح يبوس راس امه
ام فهد:- هلا يمه وعليكم السلام ...الحمد لله بخير .... انت كيفك انشاءالله انبسطت
فهد:- الحمد لله
ام فهد:- الحمد لله
فهد :- هاا يالغاليه بشري ان شاءالله كلمتيهم
ام فهد:- ايه يايمه كلمتهم
فهد تعدل بجلسته بسرعه وقال:- هاا ان شاءالله وافقو؟؟
ام فهد :- يؤؤؤ مايصير يايمه لازم نعطيهم مهله يفكرون ويشوفون البنت اذا موافقه ولالا مو على طول
فهد ضاق صدره مو عارف ليه وقال:- طيب متى يردون علينا
ام فهد :- ام خالد قالت اسبوع بالكثير ويردون علينا
فهد خلاص تكدر وخايف انها ترفض وصار مو مشتهي شيء غير انه يروح يكتب :- اها ....طيب يلا تامرين بشيء انا بروح ارتاح بغرفتي
ام فهد :- يؤؤؤ يايمه ماجلست معي ولا شيء وحتى مابعد تتعشى
فهد:- لا يايمه مو مشتهي تعشي انتي انا تعبان من الشغل
ام فهد حنت على ولدها وقال:- روح يايمه الله يوفقك وان شاءالله مايصير الا الي تبيه
فهد تنهد بضيق :- ااه امين يلا مع السلامه
ام فهد :- مع السلامه
((في جناح فهد الخاص<<<شرحت من قبل بشكل سريع صح هع هع هع))
انسدح فهد على السرير بعد مااخذ شاور سريع يروق فيه اعصابه المتوتره والمظطربه هل ميار بتوافق ولا بترفض ووقف عند هذه الكلمه(رفض) وخايف منها كثير يحس من يذكر هذه الكلمه بسكاكين تقطع قلبه مو متخيل نفسه من غيرها هي حبه الوحيد كيف بتكون لغيره وهو في موجت ا فكاره فز من مكانه وقال:- لالا ميار لي مو لغيري ميار بتوافق علي بتوافق............. وقام من السرير وراح جلس على مكتبه الي حاطه له بالغرفه واخذ دفتره وقلمه وكتب((هاجس الخوف بقلبي يشتتني
وقدرك بهالقلب ياكبر محله