أغلى الصدف صدفه وياك تجمعني من عالم الغيب رب الكون سايقها

8

بنيت لك بالقلب قصرٍ من ألماس.......ما ينهدم لو حاولوا يهدمونه

عليه يوقف وسط الأبواب حراس......ممنوع قصرٍ تسكنه يدخلونه

اّمر تدلل وش تبي دق الأجراس.......حنا حرس قصرك وحنا عيونه

ــــــــــــــــــــــــــــــــــــــــــــــــــ ـــــــ

ام خالد :- هلا والله الحمد لله بخير اسفه يا وخيتي والله ماعرفتك 

ام فهد :- لاعادي حصل خير ام خالد:- انتو كيفكم ان شاء الله بخير
ام فهد :- بخير ياجعلك بخير..... هاا بشري ان شاءالله وافقو
هنا ام خالد تغيرت ملامح وجهها مو عارفه وش تقول ماردت
ام فهد شافت ام خالد طولت وهي ساكته حبت تتكلم :- ام خالد وش فيك ساكته
ام خالد:- سلامتك ياوخيتي بس
ام فهد:- بس شنو
ام خالد:- والله ماادري وش اقولك والله انتو الف واحد بتمنى نسبكم الطيب بس وش اقول
ام فهد فهمت من كلام ام خالد انهم رفضووقالت:- يعني البنت هي الي رافضه ولا ابوها
ام خالد:- والله حتى ابوها يتمنى فهد لميار بس وش نسوي بالبنت رافضه ومو راضيه تغير رايها بس ياوخيتي لاتزعلين انتو الف من يتمناكم انا اسفه
ام فهد:- لا مافي داعي للأعتذار الزواج قسمه ونصيب والواحد مو عارف وين نصيبه
ام خالد:- ربي يسلمك
ام فهد :- الله يوفقها ويسعدها ان شاءالله
ام خالد:- امين ويوفق فهد ويسعده مع الي تستاهله
ام فهد :- امين يارب العالمين يلا مع السلامه
ام خالد وهي فشلانه منها :- مع السلامه وخلينا نشوفك .........وسكرو
ابو خالد لما شاف ملامح وجه ام خالد متغيره عرف منو الي متصل:- هذه ام فهد ؟؟
ام خالد تنهدة بضيق وقالت :- ايه ام فهد
ابو خالد:- الله يوفقه مع وحده ثانيه ربي مو كاتب له نصيب مع ميار
ام خالد:- امين ....والله ماادري وش فيها بنتك ....انا ابي اعرف فهد وش فيه وش يعيبه؟؟
ابو خالد:- مايعيبه شيء كامل والكامل وجهه بس البنت هذا قرارها وحنا لازم نحترم رغبتها ومانجبرها على شيء
كل هذا الحديث دار بالصاله وطبعاً الكل كان موجود
ميار ابتسمت لأبوها الي ما اجبرها على شيء واحترم رغبتها وقالت:- الله يخليك لي ولا يحرمني منك يااحلى واغلى ابو بالدنيا
ابو خالد:- ويخليك يابنتي
ام خالد مسويه نفسها زعلانه ماانطقت بكلمه من لما ميار تكلمت
ميار حست بأمها وحبت تكلمها وتفهمها انو هذه حيتها وهي الي بتعيشها مو احد غيرها
ميار:- يمه
ام خالد:- .............
ميار ابتسمت:- الحلو زعلان؟؟
ام خالد :- وش يهمك زعلت ولا مازعلت بالطقاق انا حيلا امك وبس لارحت ولا جيت
ميار قامت من مكانها وجلست بجنب امها ومسكت يد امها بحنيه وقالت :- يمه حبيبتي انتي...... يمه هذه حياتي وانا الي بعيشها ولازم اختار الشخص الي بكمل معه حياتي
يعني مو معقوله اعيش مع انسان انا مو متقبلته صح ولا انا غلطانه؟؟
ام خالد:- صح بس انا ابي اعرف انتي ليه رافضه فهد فهد الف بنت تتمناه
ميار في نفسها (اااااااااه يايمه لو تعرفين سبب رفضي له...انسان مغرور متكبر يناظر الناس بنص عين الناس عنده ولا شيء)وقالت بصوت مسموع
:- يايمه مايعيبه شيء بس انا وحدة مماابيه وانتي قلتيها الف وحده تتمناه يعني بكرا ان شاءالله رح يلآقي الي احسن مني
ام خالد:- بس يايمه انا ودي لك بالزين
ميار :- الي كاتبه ربي بيصير انا بنتك واذا تبيني اكون سعيده خليني على ر احتي
ام خالد:- الله يوفقك ان شاء الله
ميار :- يعني راضيه علي
ام خالد:- وانا اقدر ازعل منك يايمه
ميارابتسمت وباست يد امها وقالت:- الله يخليك لي ولايحرمني منك ايه الحين اقدر انام وانا مرتاحه
ام خالد اكتفت بأبتسامه ريحت ميار لأنو ميار عارفه امها عدل وتعرفها اذا كانت راضيه او لازالت زعلانه
(في بيت ابو رراشد)
سارا وامها داخلين البيت وهلكانين من التعب والأكياس بيدهم لاتعد ولاتحصى من الساعه 10,00 الصباح
وهم بالسوق وتوهم مخلصين ...سارارمت نص الأغراض وهي تمشي بالأرض والنص الثاني ع الكنبه
بتعب وقالت :- اوه تعبت يالله وش ذا من جد هلكت اف متى اخلص وافتك من ذا التجهيزات الي تهد الحيل
ام راشد :- والله ماكثر الله من ملابسك بس انتي الي ماتبين الا الجديد
سارا:- يمه انا عروس ولازم زوجي مايشوفني الا بالجديد مو معقولها اروح له بملابسي القديمه
ام راشد:- دامه كذا اسكتي ولاتتأفأفين
سارا:- اآآآآآه
ام راشد:- وش قلنا؟؟
سارا:- طيب خلاص
راشد هو الوحيد الي ماتعب صدق انه كان معهم لكن طول وقته كان بالكوفي الي بالمول
لكن طول الوقت يده على قلبه وخايف من رد شموخ انسانه جلس ع الكنب وقباله الاب توب ووده يفتحه لكن خايف ومتردد يفتح ولالا
ام راشد شافت ولدها سرحان وشكله متضايق خافت عليها وقالت:- راشد يمه فيك شيء؟؟
راشد:- ...........
ام راشد استغربت منه وراحت وجلست بجنبه وحطة يدها على كتفه وهزته وقالت:- راشد
راشد حس بأمه والتفت لها وهو مبتسم وقال:- هلا يالغاليه
ام راشد:- راشد يمه وش فيك ؟؟
راشد:- سلامتك يالغاليه مافيني شيء
ام راشد:- اكيد؟؟
راشد:- اكيد يالغاله مافيني الا العافيه بس تعبت اشوي من الظغط الي علي
ام راشد :- الله يوفقك ويساعدك يايمه
راشد:- امين تسلمين يالغاليه
ام راشد:- الله يسلمك
,,,,,,,,,,,,,,,,,,,,,,,,,,,,,
(في بيت فهد)
فهد وهو واصل نهاية الدرج من فوق.. وقف ....وخاف يكمل الى تحت ينزل درجه ويرجع عشر خايف من الرد وبعدتفكير طويل قال في نفسه
(وش فيك يافهد مو هذا اليوم الي انت تتمناه وش فيك روح ...... قو قلبك........انزل شوف رايهم)
قرر فهد انو ينزل وصار ينزل بشويش ينزل درجه ويوقف فيها اشوي ويكمل وهذا حاله لحد ماوصل نهاية الدرج وبقى واقف بجنب العامود ....
فتره طويله وهو حاط يده على قلبه وخايف يدخل على امه ويسمع الي ماتمناه قلبه
مشاء بخطواته الثقيله للصاله الي فيها امه
فهد دخل وهو حتى ماغير ملابسه بس قال كذا علشان يهرب من حديثهم
ام فهد لما شافت ولدها داخل تغيرت ملامح وجهها ومو عارفه وش تقول له ولما شافته ماغير ملابسه حبت تغير من جوها اشوي وعلى الأقل ماتدخل بالموضوع مباشره
ام فهد :- وش فيك يمه ماغيرت ملابسك
فهد توهق هو نسى اصلاً هذا الشيء من الخوف مو عارف وش يقول :- هااا
ام فهد :- اقولك وش فيك ماغيرت ملابسك ؟؟
فهد ارتبك:- ااا....اااا.... شفت ملابسي مو وسخه قلت حرام اغيرها
ام فهد :-اها
ام فهد وفهد صارت تتناقل بينهم النظرات نظرات فهد نظرات تساؤل وخوف..... ونظرات ام فهد نظرات حايره و خايفه من ردة فعله....
نظرات غريبه ماقدر يفهمها فهد طالت بينهم هذه النظرات وفهد تعب حاب يعرف ردهم مو قادر يتحمل اكثر قرر يسأل امه بشكل مباشر مو حاب يلف ويدور
خلاص الخوف سيطر عليه ولازم ينهيه جلس بجنب امه وقال :- ها يمه بشري وش قالو
ام فهد في نفسها (والله ماادري اقولك ولامااقول ......لالاماراح اقول.........
بس هو لازم يعرف........ايه بس انا خايفه عليه ............ ايه بس اذا ماعرف اليوم بيعرف بكرا...........خلاص انا لازم اقول له ويصير الي يصير)
فهد لما شاف امه سرحانه قال:- يمه وش فيك سرحانه
ام فهد انتبهت له وقالت:- هاا لايمه مافيني شيء انت وش فيك بغيت شيء؟؟؟
فهد:- اقولك يمه وش قالو
ام فهد:- يمه انت الف بنت تتمناك واذا ربي ماكتب لك نصيب فيها في الي احسن منها وبكرا ازوجك احسن بنت بالدنيا
فهد عقد حواجبه :- يعني شنو؟؟
ام فهد:- يعني الناس رفضو
فهد سرح وحس انه بحلم مو مصدق الي يسمعه حلم والاعلم
ام فهد تضايقت على حال ولدها البنت الي اختارها والي اخيرا قرر يكمل حياته معها رفضته.....!!
ضاق صدرها عليه مو عارفه وش تسوي وقالت:- خلاص يايمه لاتضايق نفسك انا قلت لك بكرا ازوجك الي احسن منها
فهد لما سمع كلام امه فز من مكانه وقال:- انا ماراح اتزوج غير ميار ميار لي وانا لها
ام فهد:- ايه يايمه بس البنت رفضتك
فهد:- حتى لو رفضتني هي ماراح تتزوج غيري
ام فهد عقدة حواجبها وقالت :- كيف يعني؟؟
فهد هو واقف بيروح :- بعدين يالغاليه تعرفين كيف؟؟
ام فهد :- وين راييح يمه
فهد:- بروح مع عبد الله لستار بوكس توه وصل بروح اتحمد له بالسلامه...... وطلع
ام فهد تنهدة بضيق عارفه ولدها اذا يبغى الشيء يسويه لو على موته وقالت:- ااااااه يافهد الله يستر منك ماادري وش بتسوي
,,,,,,,,,,,,,,,,,,,,,,,,,,,,,,
(في بيت ابو راشد)
الساعه6,30المغرب
راشد من لما رسل لها الرساله ذاك الأسبوع مافتح الاب خايف من ردها وكان حاس بأنها راح تهزئه بس ماهمه كل همه يبين لها شعوره وبس
اخيرا قرر راشد يفتح الاب توب ويشوف وش رايها فتح الاب توب...... وفتح بوابة الخوف بقلبه........ دخل على المنتدى..........
ودخل معه التوتر........ شاف التنبيهات .........وحس بقلبه بيقوم من مكانه ......... فتح الرسائل الخاصه..........
وحس بالدنيا مسوده بوجهه ومو شايف قدامه غير الاب توب وبس ...........شا ف منو المرسل ........
وزاد الخوف بقلبه ويديه ترجف من الخوف حس بالضيق في تنفسه ........ فتح ردها........ وزاد الضيق بتنفسه لدرجت انه وقف بسرعه وصار تنفسه سريع مره
حس بالتعب واخذ له نفس عميق وزفر بشويش يمكن هذا النفس يريحه ويريح اعصابه المتوتره
..........رجع جلس واخذ له نفس مره ثانيه وغمض عيونه وبعدها شاف شاشة الاب توب وقرا ردها الرد الي كان حاس فيه لكن هذه المره اقسى من المره الأولى ....
وبعدها ماقدر يتحمل كان وده يكسر الاب توب بس تعوذ من الشيطان وسكر الاب توب بضيق وبعدها حط يده على راسه وغمض عيونه وسرح
<<<<طبعاً هذا كله صارتحت انظر سارا وامه الي خافو عليه كثير مو عارفين وش يسوون وزاد خوفهم لما شافوه وقف وتنفسه صار سريع
.......وارتاحو لما جلس وحس بأرتياحه اشوي ......وضاق صدرهم لما شافوه حاط يده على راسه وغمض عيونه
ام راشد مااقدرت تشوف ولدها بالحال هذا وماتسأله وش فيه:- راشد يمه وش فيك تعبان ؟؟تبي نوديك الطبيب
راشد حس على نفسه <<هو مايحب يضايق الي حوله يحب يعيش همومه لوحده ومايشارك فيها احد :- هاا لالايالغاليه مافيني شيء
ام راشد:- لايمه فيك شيء
راشد:- انا كنت اكلم صديقي من اشوي وقالي في واحد من اخويانا توفا وضاق صدري عليه
ام راشد ضاق صدرها وقالت :- لالالاتقول من ولده
راشد:- هذا يمه واحد ماتعرفينه وحتى انا مااعرفه ذيك المعرفه بس ضاق صدري عليه
ام راشد:- اها الله يرحمه ويصبر اهله
راشد :- امين
.................................................. .................................................. ...................................
(في بيت ابو محمد)
ميار وريتال ع التلفون
ريتال:- خبله انتي رفضتيه
ميار:- ايه رفضته
ريتال:- وليه خبله انتي تخلين وحده غيرك تاخذه
ميار:- وليه خبله!! عادي مو اول واحد او اخر واحد ارفضه
ريتال:- صدق بس هذا فهد تعرفين شنو يعني فهد ولد فيصل ولد ال.........
ميار:- مايهمني لاهو ولافلوسه كل الي يهمني راحتي وبس
ريتال:- ومنو الي بتلقين راحتك معه غير فهد
ميار :- ربي خالق غيره مليون مو بس فهد بالدنيا
ريتال:- بس ربي خلق وفرق
ميار:- خلاص ياريتال لاتخليني اندم اني قلت لك
ريتال:- بس وربي حرام ترفضين واحد مثله كامل والكامل وجهه
ميار:- خلاص رفضته والي صار صار
ريتال:- طيب لو رجع واخطبك مره ثانيه بتوافقين
ميار:- لو بوافق وافقت من البدايه
ريتال:- يعني هذا اخر قرار عندك
ميار :- ولاعندي غيره
ريتال:- وربي انك مهبوله
ميار:- بعض مما عندكم
ريتال:- مالت
ميار:- مالت علي اغصان الجنه يارب
ريتال:- كولي تبن
ميار:- اوك بس حطي فوقه شوكلاته لأني احبها كثير
ريتال حست بدمها متجمع بوجهها من برود بنت خلتها وقالت:- يالله منك وش ذا البرود الي عندك انا منقهره وانتي ولاهامك
ميار:- وليه احرق اعصابي وانا الي ابي كذا
ريتال:- اقول طسي عن وجهي لأنك جد فقعتي مرارتي
ميار:- مرارتك ولاقلبك
ريتال:- لالالا انتي مو طبيعيه اليوم
ميار:- طبيعيه ولا صناعيه
ريتال:- لالا انتي جد ناقصك كف يعدلك
ميار:- كف ولا رجل
ريتال خلاص وصلت معها وسكرت التيلفون بوجهها حتى ماقالت لها مع السلامه
ميار انفجرت عليها ضحك هي من لما قالو للأم فهد عن رايهم وهي نفسيتها عال العال وصايره تنكت وتضحك ومنبسطه ع الأخر
ـــــــــــــــــــــــــــــــــــــــ
(في ستار بوكس عند فهد وعبد الله الي توه وصل من اخر سفره له9,00 <<من زمان عنه صح خخخخ)
فهد :- خلاص انا لقيت الحل
عبد الله :- فهد وش بتسوي لاتتهور
فهد:- انا قلت لك ميار لي مو لواحد غيري ومستحيل تكون بحضن شخص ثاني
عبد الله:- بس خلاص البنت رفضتك تعرف شنو يعني رفضتك
فهد:- حتى لو رفضتني ماراح تتزوج غيري
عبد الله:- طيب وش حلك
فهد:- بكرا بتعرف
عبد الله:- فهد الله يخليك اذا كنت تغليني لاتتسبب بالناس خلاص الزوواج قسمه ونصيب
فهد:- عبد الله انت الوحيد الي تعرف حبي لها ووشقد احبها
عبد الله:- بس يافهد البـــــ
قاطعه فهد وقال:- لابس ولاشيء خلني استعد بس لبكرا وبعدها يصير خير
عبد الله:- الله يستر منك
فهد اكتفى بأبتسامه حلوه وصار يشرب من الكوفي الي بييده
,,,,,,,,,,,,,,,,,,,,,,,,,,,,,,,,,,,
(في بيت ابو عبد الله الساعه9,30بالليل <<يالله غبار كح كح كح خخخخخ)
ابو عبد الله وام عبد الله ومرام جالسين بالصاله ويتفرجون ع الفلم الي جابه ابو عبد الله <<يحب ألأفلام كثير وخصوصا الكوميدي
مرام من لما دخلت الثامن وهي ببيت ابوها والحين هي بالشهر التاسع
ام عبد الله:- تصدقين اشتقت لدينا كثيرررر
مرام :- وانا اشتقت لفصولي كثيرررر <<فيصل زوجها
ام عبد الله:- شوفو انا في شنو وهي بشنو
مرام :- وحرام اشتاق لحبيبي
ام عبد الله:- لامو حرام بس انا اتكلم بموضوع وانتي بموضوع ثاني
مرام :- عادي كلهم عن الأشتياق
ام عبدالله:- اقول اسكتي بس اسكتي
مرام صارت تحس بألام خفيفه تجي وتروح بس تكابر وتتصرف طبيعي ولاكأنو فيها شيء لكن وجهها صار احمر من الألم:- اقول يمه وصل عبد الله من السفر
ام عبد الله:- ايه وصل وقال انه بيروح لخويه اشوي ويجي
مرام ودموعها بعينها من الألم :- اها الله يوصله بالسلامه
ام عبد الله :- امين
ابو عبد الله خلاص وصلت عنده مو عارف يكمل الفلم من سوالفهم:- خلاص اسكتو ولا روحو داخل
ام عبد الله :- لالالاخلاص بنسكت
وبعد نص ساعه من الهدوء الي حل بالبيت
مرام صرخت بأقوى ماعندها وقالت:- اااااااااااااااااااااااااااااااااااااااااااااااااه
ام عبد الله وابو عبد الله فزو من مكانهم خايفين
ام عبد الله:- وش فيك يمه
مرام وهي تتنفس بصعوبه :- اف يماااااااااااااااااااااااااااااااااااااااااااااااا ااه يمه بولد بولد لحقونييييييييييييييييييييييييييييييييييييييييييييي ييييييييييييي
ام عبد الله:-ابو عبد الله روح شغل سيارتك خلينا نوديها المستشفى
ابو عبد الله متوهق مو عارف وش يسوي راح واخذ مفتاح السياره وطلع بثوب البيت وماغيره وقال:- طيب يلا بسرعه وانتي روحي البسي عبايتك وجيبي عبايتها معك
ام عبد الله :- ان شاء الله ............
وراحت بسرعه جابت العبايات والبست عبايتها ولبست مرام العبايه وحتى لبستها بطريقة خطء لكن ماهمها
..........دخل عليهم ابو عبد الله وهو مستعجل خايف على بنته شالها بيدينه الثنتين ووصلها للسياره وحطها بالمقعد الي ورا وام عبد الله وابو عبد الله قدام
.........وطآر فيهم ابو عبد الله بسرعة البرق لدرجت انهم خمس دقايق بس ووصلو المستشفى.....
وعلى طول على الأسعاف جاو الممرضات واخذو مرام الي تطلق لغرفت الولاده ونزلت معها ام عبد الله اما ابو عبد الله راح يشوف له مكان لسيارته وبعدين يلحقهم

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ