أغلى الصدف صدفه وياك تجمعني من عالم الغيب رب الكون سايقها

10

تخيل يوم عانقني خيالك خاطري وش قال ؟؟
تخيل قبل اسولف سألني عنك وجداني ..
سألني لين خلاني .. مدينه هزها زلزال !!
تخيل ماهدا حتى لقاك .. بوسط شرايني
ـــــــــــــــــــــــــــــــــــــــ
(يوم جديد ع الكل الساعه3,00العصر)
في بيت ابو خالد
كان الكل يسولف من جهه كل واحد منهم يقط سالفه او نكته عايشين حياتهم ومبسوطين ومرتاحين ماهمتهم الدنيا وبلاويها بقو يسولفون ويضحكون لكنـ..... قطع عليهم ضحكهم وسوالفهم صوت جوال ابو خالد الكل سكت
الكل كان حاس انو الأتصال هذا ماوراه خير
رفع ابو خالد جواله وشاف مكتوب(الشريكه)
ابو خالد: الو
بدر<<سكرتير الشريكه :- الو هلا ابو خالد
ابو خالد ميز الصوت وعرفه وقال وهو مبتسم:- هلا والله هلا بدر
بدر يكره انو يحس انو ابو خالد مبسوط وينكد عليه لكن مو بيده قال:- ابو خالد تعال الشريكه المدير يبغاك ضروري
ابو خالد:- خير ان شاء الله مسافة الطريق وانا عندكم
بدر:- فمان الله
ابو خالد:- فمان الكريم
ام خالد بعد ماشافت ابو خالد قفل جاوله قالت:- خير ياابو خالد وش صاير
ابو خالد:- والله ماادري علمي علمك لكنهم قالو يبوني ضروري يلا رايح انا اشوفهم
ام خالد:- الله معك وطمنا
ابو خالد:- ان شاء الله يلا مع السلامه
الكل:- مع السلامه
,,,,,,,,,,,,,,,,,,,,,,,,,,,
بعد ربع ساعه تقريبأأ وصل ابو خالد الشريكه وقالوله انو المدير يبغاه بمكتبه ..... توجه ابو خالد للمكتب وهو خايف ع الأخر وصل عند مكتب المدير ومسك غبضة الباب وضرب الباب بخوف
المدير:- تفضل
دخل ابو خالد والتوتر كل ماله ويزيد:- السلام عليكم
المدير:- وعليكم السلام... تفضل اجلس
ابو خالد جلس وقال:- خير ياحضرة المدير امر بغيت شيء
المدير:- من دون أي مقدمات .... امس وصلني تقرير يقول انك ماخذ من حساب الشركه وحاط بحسابك 5مليون ريال..ومعي ادله يعني مافي داعي تحتج كل شيء مسجل وواضح.... ياابو خالد اذا كنت محتاج فلوس قولي وانا من عيوني راح اعطيك مو تروح وتاخذ من دون اذن .. ارجوك ياابو خالد رجع المبلغ الي اخذته لأن الشركه بحاجته هذه اليومين ولا انا مضطر اتصل بالشرطه واخليهم هم يتفاهمون معك
ابو خالد مصدوم وحتى بالموت يتكلم :- انا انا ياحضرة المدير انا تشكون فيني
المدير:- حنا مانشك فيك حنا متأكدين
ابو خالد حط يده ع راسه مو قادر يستوعب الي يسمعه
المدير:- ياابو خالد اذا ماكان المبلغ مو موجود عندك في واحد يقدر يدفعه عنك
ابو خالد رفع راسه بتعب وقال:- ومنو هذا
المدير وقف وقال:- عن اذنك اشوي
طلع المدير وسكر الباب وبعد خمس دقايق انفتح الباب وابو خالد وجه نظره ناحيته وفتح عيونه ع الأخر ووقف وقال:- انت!!
..........ابتسم بخبث وتقدم كم خطوه وقال:- كيفك ياعمي
ابو خالد معصب :- انا اللحين عرفت منو الي ورا كل هذا
.......:- ههههههههههه وتعتقد اني راح اسكت
ابو خالد:- ليه..!! ليه سويت كذا وش الي انا ضريتك فيه
...........:- لالالا افا ياعمي ليه معصب كذا اهدا اهدا وخلنا نتفاهم (مسك يده وقال)تعال استريحي ياعمي تعال
ابو خالد بعد يده عنه وراح هو وجلس لكن قبل مايجلس قال:- ياللأسف حسافه والله حسا فه انا مو مصدق انو الي انا جالس اكلمه اللحين هو فهد فهد الطيب الحنون المحترم الشهم الي مايرضى بالغلط حسافه والله حسافه يافهد
فهد حز بخاطره هالكلام هو اصلاً ماكان متوقع انه يكون كذا بيوم من الأيام وكان اشوي وراح يشيل فكرة الي جالس يصير من باله .....لكن سرعان ماتذكر حبه لميار وتذكر كيف انهان وانهانت كرامته ورجولته بهذه اللحظه الطيبه انعدمت بقلب فهد وتبدلة بحب التملك و القسوه وقال:- هااه ناوي تتخلص من هذه المشكله ولا لا؟؟
ابو خالد:- اكيد لكن مافي احد يسوي شيء بدون مقابل ؟؟
فهد:- حلو حلو انك تكون فاهمها وهي طايره
ابو خالد ابتسم بألم وبسخريه وقال:- طيب وش المغابل ؟؟
فهد حط رجل ع'رجل ورجع ظهره ع'الكرسي وبأبتسآمة خبث وعينه بعين ابو خآلد:- ميار
ابو خالد وكان احس رمى عليه مويه بارده انصدم من رده
فهد :-الوالده راح تجيكم خلال الأسبوع هذا وراح تاخذ الموافقه والزواج والسداد راح يكون بعد شهر تقريباأ واذا رفضتو انت عارف وش راح يصير.... وقام فهد وترك ابو خالد في دوامه بين السجن وبين بنته مو عارف وش يسوي
فهد وهو فاتح الباب شاف بوجهه المدير اثنينه ابتسمو بخبث وقال فهد:- يلا مع السلامه
المدير :- مع السلامه.......ودخل المدير المكتب وابو خالد لازال ع وضعيته ماتغير
المدير:- هاه ياابو خالد وش رايك بالي قاله الأستاذ فهد
ابو خالد قام بتعب:- عن اذنك انا طالع ....... وعطاه ظهره وطلع وهو مايبي يرجع البيت وهو بهذه الحاله راح يدور بسيارة لحد الساعه10,00بالليل
(في بيت ابو خالد)
ام خالد والخوف كاسيها:- يالله ياعيال ابوكم تأخر وحتى جواله مغلق يارب وش اسوي
رنا:- يمه الله يخليك اهدي ان شاء الله مايصير الا الخير
ريناد:- لاتلومينها يا رنا ابوي صار له فتره من طلع والى اللحين مارجع
ميار:- خلاص اهدؤ ان شاء الله مافي الا الخير يمكن ابوي نسى يطمننا لاتخلو الشيطان يوسوس لكم<<ياعمري ياميار ماتدري وش الي صاير من وراك
خالد:- يمه انا رايح ادور عليه
ام خالد:- لايولدي الوقت متأخر وانا خايفه عليك لا تطلع
تركي:- ماما بابا وين لاح انا ماثفيتو اليوم((ماما بابا وين راح انا ماشفتو اليوم))
اشوي وسمعو صوت الباب ينفتح بهدوؤ الكل توجه عن الباب والخوف مالي قلوبهم ابو خالد نآظرهم بنظره مافهموها..... نظره اول مره يشوفونها منه..... حس ابو خالد بهذيك اللحظه انه منكسر..... وانه مكتف بسلاسل من حديد.... نآظر بميار بنظرة انكسار...... هذه المره ياميار ابوك مو قادر يسوي لك شيء اما اني ازوجك فهد ولا انسجن... ترددة هذه الكلمه بباله كثير....." انسجن ". "انسجن","انسجن" نزل عيونه عن ميار هذه المره مو قادر ينآظرهآ يحس بضعفه كثير تكلم بتعب:- ام خالد تعالي معي
ام خالد:- ان شاء الله
راحت ام خالد وابو خالد للغرفه والباقي بقو بالصاله
ميار شغلة بالها نظرات ابوها يا ترى وش كان يقصد منها !!!!
الكل كان خايف مايدرون ليه
ميار:- عن اذنكم انا رايحه غرفتي
الكل:- اذنك معك
راحت ع الغرفه وغرفة امها وابوها كانت قريبه مره منها شدها صوت امها وهي تقول بعصبيه:- فهد فهد الحقير هو الي سوا كذا
ميار ماقدرة تكمل ظريقها لغرفتها وبقت تستمع لكلام امها وابوها
ابو خالد بضعف:- ايه ياام خالد وقال انه راح يسدد المبلغ هو واذا رفضت راح انسجن
ام خالد بقهر:- ليه طيب ليه سوا كذا
ابو خالد بألم:- هو مو راضي يترك ميار بحالها وهو مصر انه يتزوجها بأي شكل من الأشكال وقال امه راح تجي خلال الأسبوع هذا علشان تاخد الرد اذا وافقت ميار ع الزواج راح يكون الزواج وسداد المبلغ بعد شهر
ميار ......................؟!!!!!!!
ـــــــــــــــــــــــــــــــــــــــــــــــ