Лана бид хоёр [дууссан]

Born To Die

1985 оны 6 дугаар сарын 21-ны өдөр Элизабет Грант төржээ. Түүний бага нас машины чиргүүл дээр өнгөрсөн болоод ч тэр үү, гэр бүлийнх нь туйлын хүсэл БАЙШИН байсан гэлтэй. Түүний аавыг Роб Грант гэнэ. Тэрээр интернэтээр домайнууд зарж саятан болсон билээ. Гэвч мөнгө охиныг нь жаргалтай байхад огтхон ч нөлөөлсөнгүй.

---

Намайг Лиззи Грант... Лиззи гэдэг. Би 15 настай. Би өдөр бүр уудаг. Үүнээс өөр өөрийгөө хэрхэн тодорхойлохоо мэдэхгүй юм. Өнгөрсөн жилээс эхлэж би архинд донтох эмгэгтэй болохоо мэдсэн. Манай гэрийнхэн ч мэдэж байгаа. Тиймдээ ч би сургуулийнхаа дотуур байранд амьдарч байна.

Би Католик сургуульд хүмүүжсэн. Гэхдээ энэ их төвөгтэй л дөө.. Архи, тамхи, секс, задгай хувцас ер нь бүгдийг л хориглоно. Харин би эрх чөлөөтэй шүү дээ. Би бүгдийг л мэдрэхийг хүсэж байна.

Алдартай яруу найрагч болох хүсэл минь бага багаар замхарсаар байх ч, би анхнаасаа л хэн болохоо мэддэг байсан. Мянган мянган оддыг ширтэх бүрт яах гэж амьдраад байгаа тухайгаа бодох юм. Би ганцаараа байсан ч, дэргэд минь хэн ч үгүй байсан ч би уусаар л байдаг. Дөнгөж 14 настай байж яагаад архинд донтож байгаа юм бэ? гэж бүгд л хэлдэг. Гэхдээ би тэр гашуун амтаар сэтгэлийнхээ гашуун нулимсыг орлуулахыг хүсдэгийг хэн ч мэдэхгүй.

Хэн болохын төлөө? Яах гэж амьдарч буйгаа үл мэднэ. Харин бичих ёстойгоо л мэдэж байна. "Бид бүгд л үхэх гэж төрсөн"... ийм сонин гарчигтай шүлэг бичлээ. Хэн нэгэн миний өдрийн тэмдэглэлийг минь уншвал гайхах байхдаа. Католик шашинтай, архинд донтсон охины тархинаас юу гарах нь тэдэнд лав зугаатай биз.