وتمضي الايام بشكل سريع بعظها يكون متشابه وبعظها بها اختلاف بسيط بسب حدوث امر معين والشيء الوحيد الذي قد يغير ايامنا هو مايحدثه القدر في حياتنا...
ها قد مر شهرين على دخولي الجامعه وقد بدأنا بلامتحانات تعرفت ع الكثير من الاصدقاء وقضيت ايام ممتعه خلال هذه الفتره القصيره
منار: اووف امتحان باجر كلش صعب ومو فتهمته كلش ياسمين انتي مفتهمه الماده عادي اشرحيلي
ياسمين هي صديقه جديده انها لطيفة وودوده جدآ هي عراقيه ايضآ
ياسمين : اكيد حبي بس لازم تجين البيتنه لان بابا ميقبل يعني اروح بيت احد
منار : عادي حبي اجي بس المهم افتهم الماده
ياسمين : هلا بيج حبي انتضرج لعد وانتي ريهام ليش متجين ويه منار
ريهام : لا اليوم راح يجون بيت خالي ما اكدر اطلع
منار : يمعوده الامتحان اهم من احد تعالي حتى ما اروح وحدي
ريهام : مو بيدي حبي هم اول مره يجون التركيا وراح يجون يمنه فعيب اعوفهم واطلع
منار : بعد بكيفج حبي صدك ياسو اني ما اندل بيتكم تكدرين تنطيني العنوان
ياسمين : اكيد حبي هسه راح ادزلجياه ابمسج حتى متنسيه
منار : اوك حبي يسلموو ياله بنات اني ارووح باي
ياسمين : اوك حبي باي
ريهام : اوكفي حبي اطلع وياج باي ياسوو
منار : سلام مامي
ساره : وعليكم السلام حبيبتي شلونج
منار : الحمدلله ماما باجر عندي امتحان وممفتهمه الموضوع كلش عادي اروح البيت ياسمين ندرس سوه
ساره : اكيد حبيبتي
من يجي اخوج اكله ايوديج
منار : هسه من يرجع اكيد تعبان عادي اني اروح وحدي اصلا هو مو كلش بعيد
ساره : عادي حبيبتي على راحتج
منار : ماما اريد اكل كلش جوعانه
ساره : صعدي بدلي ابين ما احضرلج الاكل
تناولت الطعام بعدها خلدت الى النوم وبعدها استيقظت غيرت ملابسي وخرجت للذهاب الى بيت ياسمين ركبت الحافله ونزلت في العنوان التي ارسلته لي اخرجت هاتفي اثناء ما كنت امشي في الشارع لاتاكد من رقم من الشارع ورقم المنزل و في هذه الاثناء مرت من امامي دراجه وصاحب هذه الدراجه قام بسحب هاتفي من يدي صدمت لم حدث ركضت وراء الدراجه لكنه قد ذهب ولا استطيع الحاق به فرأيت على بعد مسافه هناك سيارة شرطه وقد نزل منها شخص ركضت عليه وقلت له ارايت الدراجه التي مرت من امام صاحبها قام بسرقة هاتفي كان يبدوو انه يبحث عن شيء لم يعرني الانتبه مشى مبتعدآ عني لحقته فكان ينضر الى شخص دخل احد المنازل ضل واقفآ مكانه كأنه يراقبه ذهبت ووقفت امامه
(الحديث بلغه التركيه)
منار: هي انت ماذا هل انت اطرش قلت لك ان هناك من قام بسرقة هاتفي لماذا لم تلحق به
علي : اذهبي وقدمي بلاغ في مركز الشرطه لا تزعجيني
منار : بعدت قليلا عنه اوخذت اتذمر بلعراقي اه ه شكد غبي عود اسم الله عليه شرطي والله اذا هيج الشرطه حقهم ايكثرون الحراميه غبي اكله تليفوني انباك ايكلي قدمي بلاغ بلمركز حمار غبي مو صوجك خلال تذمري سمعت صوته خلفي
علي : كانت هناك ابتسامه كبيره ع شفته وسال انتي عراقيه
منار : ادرت وجهي ناحيته وانا مصدومه ليش انت عراقي
علي وهو يبسم : اي
منار : يعني افتهمت اشجنت اكول
علي : لا مفتهمت بس انو اني حمار وغبي
منار : اسفه بس انت وفجأ خلال كلامي سحبني بسرعه من يدي ودفعني خلف احدا الاشجار الموجود
منار : انت شسوي شبيك اتخبلت وضع بسرعه يده ع شفتي علي : اش لا تتحركين ولا اطلعين صوت
كانت عينه متمركزه ع الرجل الذي خرج من المنزل الذي كان يراقبه وفجأ ....
😍 خلص البارت اتمنى ايكون عجبكم..
