علي ..رغم غضبي و توتري لاني يجب ان امنع هذا الحقير ولا اعطيه الفرصه للخروج من السجن قررت ان افتح رساله منار حقا اريد التكلم معها اريد ان اهداء قليلا لان توتري وغضبي يمنعني من التفكير بشكل جيد واذا استمررت بهذا الشكل لن أستطيع ايجاد حل لهذه المشكله
فتحت الرساله كان محتواها انها تشكرني على اعادة هاتفها ابتسمت رغم غضبي قررت ان ارد عليها
علي : شنو ليكون حبيتيني ابهل السرعه
منار ..اتتني الاجابه على رسالتي بعد دقائق من ارسالي اياها ..انصدمت حقا وانزعجت من الكلمات التي كتبها انا حقا مجنونه بما كنت افكر حين سمحت لنفسي بان ارسل له رساله وهو محق ما الذي قد يضن بي غير ذالك ولكن انا لم اخطا ان رسالتي لم تحوي شيء خطأ لكنه حقا لا يستحق الشكر يجب ماذا يجب ان ارد عليه اذا ..فكرت قليلا ولكن قررت ان لا ارد عليه لانه لا يستحق الرد
علي ..انتضرت ردها ورايت انها قد رات كلماتي لكن لم ترد ماذا هل تكون قد انزعجت لكني كنت امزح ..
علي : اشوف مجاوبتي شنو زعلتي
تره مجرد مزح مو اكثر
ارى انها ترى رسائلي لكن لا ترد يبدوا انها قد انزعجت لم يكن يجب ان ارد عليها هكذا
علي : على العموم العفوو هذا واجبنه مسويت شي يستحق الشكر واتمنى مزعلين لان جنت اشاقه
منار ..قررت ان ارد بما انه اوضح انه كان يمزح لكن ما زلت منزعجه
منار : بس الشقه اله حدود
علي : اسف مو قصدي بس مزاجي كلش مضروب فحبيت اغير جوو بلكي اهدء بس انتي كملتيها عليه
منار : مو قصدي بس انته بديت بس الصبح جان مزاجك تمام ليش صاير شي
علي : مشكله بلشغل و ما ادري شلون احلها
منار : كلشي اله حل انشالله تكدر اتحلها
علي : هل مره صعب مدا اكدر الكه الحل
منار : احجيلي بلكي اكدر اساعدك ابشي
علي : ولو صعب او مستحيل تكدرين اساعدين بس راح احجيلج
تذكرين قبل يومين من التقينه ابوقتها قبضت ع مجرم
منار : اي وكتلي هذا المجرم خطير كلش
علي : اي صح بس للاسف باجر محاكمته وممكن يطلع او مو ممكن اكيد
منار انصدمت حقا بما يكتبه علي كيف لمجرم ان يخرج بهذه السهوله
منار : بس اشلون هو مو مجرم و انتوا مو لزمتوه شلون يطلع
علي : لان ما عدنه ادله كافيه عليه وعنده جهات داعمه اله واني ما ابيدي اي شي اسويه وهل شي حيموتني اريد اقتله الهل حقير بس ما اكدر اسوي شي
منار : زين هو مو قاومك و راد ينهزم ليش ينهزم اذا هو بريء وبعدين هو ضربك المفروض يتحاسب ع هل شي ع الاقل و اكو هوايه شهود واني جنت وحده منهم
علي ..وانا اقراء كلمات منار تفاجات كيف لم افكر بهذا الامر كيف فاتني هكذا استطيع ان امنعه من الخروج بتهمة التعدي على رجل شرطه وهذا قد ياخره بعض الايام عن الخروج من السجن ولعلني اجد في هذه الفتره دليل ما عليه او لعلي استطيع ان اضغط عليه بلتحقيق ليعترف بشيء أستطيع بها اثبات التهمه
منار : شنو وين رحت مكتلي متكدر تدعي عليه لان ضربك
علي : طبعا احسن شي سويتي انو حجيتي ويايه اشكرج كلش كلش جنت ابحاله امأيس انو الكه حل بس انتي لكيتي الحل ابكل سهوله مع انو جان كدام عيني بس من العصبيه مخطر على بالي
منار : زين الحمدلله كدرت افيدك ابشي و اردلك الجميل رجعتلي تليفوني
علي : لا تكولين جميل لان هذا واجب واصلا اني اشكرا الاوزكان لان سرق تليفونج وخلاني اتعرف عليج
منار .. بمجرد ان قرأت كلماته أحسست ان هناك حراره سرت في وجهي اشعر بانه يحترق لم اعرف بما اجيبه
علي : شكرا مره ثانيه اني حروح لان عندي هواي اشياء لازم اسويها نحجي بعدين
منار : تمام مع السلامه
علي : مع السلامه
علي فكرت بانه يجب ان اتصل بفريد بسرعه لانه الوحيد الذي يستطيع حل هذا الامر
علي : مرحبا فريد كيف حالك
فريد : اهلا علي كيف خطرت على بالك يبدوا انك لم تنسى ان لك صديق اسمه فريد
علي : اعذرني حقا يا صديقي لكن انت تعرف كيف انا مشغول بلعمل كيف هي الامور مع
فريد : تمام كل شيء بخير لقد اشتقت اليك حقا لم اراك منذ مدة طويلة كيف هي الامور معك
علي : انك محق اني مقصر تماما معك وحقا انا ايضا اشتقت لروئيتك كيف هو حال الخاله امينه
فريد : بخير دائما ما تسالني عنك وتنتضر مجيئك الينا
علي : اخبرها باني ساتي قريبا الان يا صديقي انا بحاجة الى خدمة منك
فريد : اكيد فقط اخبرني بما أستطيع تقديمه لك
علي : اريدك ان تترافع لي في قضيه غدا وهي قضيه مهمه ولا استطيع ان اثق باحد غيرك ...
