وقوقعنا في الحب هو جزء من قدرنا فبسبه نلتقي بشخص معين في وقت ومكان لم نتوقعه فيصبح ومن دون اي سبب جزء من حياتنا ليس فقط هو ان نكون معآ لا فهو سيشغل القلب والعقل حيث يدوور حوله محور يومنا وتفكيرنا ولا نستطيع ان نعرف لماذا والسبب هو لمجرد انه قدرنا....
علي : بعد ان بعثت الرساله لمنار خرجت لارسال بعض المال الى امي فهي تعيش في انقره اما انا فقد تم نقلي الى اسطنبول
بعد ان قمت بتحويل المال عدت الى المركز ..
علي : مرحبا ليندا هل حصل شيء شيء في غيابي
ليندا : اهلا لا لم يحصل شيء
علي : جيد لكن اين سامي
ليندا : خرج قبل قليل قال انه لديه شيء يقوم به
علي : حسناً هل هناك شيء اقوم به
ليندا : لا يمكنك الذهاب انا ايضا ساعود الى البيت
علي : اذا لنخرج اوصلكي في طريقي
ليندا : لا اذهب انت سيأتي حبيبي لياخذني
علي : اوه هكذا اذا اركي لاحقاً
ليندا : ارك
بعد ان عدت الى المنزل سمعت صوت هاتفي فتحته لارى قد اتتني رساله من منار
منار ..استغربت من الرساله التي اتتني دخلت الى الصفحة الشخصية لاعرف ما ان كنت اعرف صاحبها تفاجأت كثيراً عندما رأيت صوره لعلي رددت بسرعة ع رسالته
منار : من انت
علي : شنو معرفتيني
منار : ماذا تقصد من اين لي ان اعرفك
علي : يعني اني مو دا احجي وياج بلعربي شكو تحجين بلتركي شنو اخاف متعرفين تكتبين عربي
منار : اعرف احسن منك
علي : هههههه اي امبين زين ليش امسويه روحج متعرفيني
منار : اي غير لان ما اعرفك
علي : مستحيل اتكونين نسيتيني لا اني مستحيل انسي
منار : اشدعوه عيني اشهل الغرور على اساس من جمالك
علي : هههه ابد متعرفين اتجذبين مو اكلج اني ما انسي
منار : اي هسه شرايد
علي : اشدعوه عيني لو ما انتي هسه كاتله روحج تحجين ويايه والدليل انو منسيتيني
منار : ما اتكلي اشدعوه هلكد شايف روحك وبعدين كلي اشلون عرفت الفيس مالتي وبعدين شلون ضفتني شنو امهكر احسابي
علي : لا عيني لا امهكر احسابج ولا شي هسه على اساس من جمالج اكعد ادور عليج لو اهكر احسابج بس رجعت تليفونج وحجيت وياج حتى ارجعلجياه
منار : صدك تحجي شلون رجعته يعني قبضت ع السارق
علي : ما ادري انتي شنو رايج
منار : شمدريني اخاف انت متفق ويه الحرامي و بكته وهسه اتندمت وتريد اترجعه
علي : اشهل الفلم الهندي هسه المهم اتريدين تليفونج لو متريدي
منار : طبعاً اريده وين اكدر اشوفك حتى اخذه منك
علي : اوه اتريدين اشوفيني
منار : لا موقصدي بس علمود التليفون
علي : ماشي شوفي انتي وين تكدرين نلتقي واجيبلجياه
منار : اكو مقهى جوكر يم جامعة اسطنبول اذا ما عندك شي الساعه تسعه نكدر نلتقي اهناك
علي : ليش انتي تدرسين ابجامعة اسطنبول
منار : اي
علي : شنو ادرسين اهناك
منار : هندسه
علي : اوه كلش حلوو يعني انتي هسه مهندسه ..
واستمرت محادثتهم لفتره طويله نسوا الوقت وهم يحدثون بعض
منار : علي تدري الساعه ابيش صارت
علي : اوف صارت بلثنتين ولا انتبهت ع الوقت
منار : والله اني هم
علي : نسيت نفسي واني احجي وياج
منار : اني هم لان انت هوايه تحجي
علي : هاه اني احجي هواي خطيه ع اساس انتي ابد متحجين
منار : اي غير انت خليتني احجي
علي : هسه شنو هم نرجع نتعارك
منار : هههه وليش نتعارك ع العموم تصبح ع خير لان باجر ورايه دوام ولازم اكعد من وقت
علي : وانتي من اهل الخير اشوفج باجر
منار : اوك اشوفك باجر باي
علي : باي
محادثه واحده كفيله بان تصنع قصة حب تجمع بين اثنين وهذه المحاثه هي ايضا جزء من القدر.....
مرحبا اتمنى ايكون عجبكم البارت .... ♡
