يروقني حبك مهما كان موجعا

بارت 7

الوجع...
أن تجمع في قلبك عتابا لمن تحب...
.
.
.
وعندما تراه تصمت كي لا تخسره.....
.
.
.........
.الماضي.......
دخلت نور للسكن ما گدرت تسيطر على نفسها بدت بنوبة بكاء لا ارادياً نور تعرف كل شي عن علي وحياتة حتى عن حبيبتة السابقة وتعرف أنو علي ناسيها وميحبها حب حقيقي بس الي اثر بيها انو علي مابررلها شي بنفس وقت وصول الرسالة مر اليوم حزين وكئيب نور مجروحة وعلي مكابر على نفسة وتفكيرة كلة بنور بس ما يريد ينطي بنفسة.
.
.مر الاسبوع بشكل سريع نور واهل علي يجهزون للزواج نور وعلي ما بينهم تواصل نور حزينة وتظهر الفرح علي حزين ويكابر...
.قبل يوم الزواج الساعة 9 ليلاً.....
نور يم بيت اهل علي اهلها ما يگدرون يحضرون الزواج لان محافظتهم بعيدة وبصعوبة قنعو نور بعد ما نور خلصت الاسبوع بس تبچي على اي شي بس السبب الحقيقي الي نور تبچي عليه هو علي وشلون گدر يهملها هالاسبوع وشلون ينام بدون ما يسمع صوتها وعلي چان كلش مشغول بالزواج وفرحان .
كان الكل يتعشون علي نور اهل علي يرن جرس الباب.....
ابو علي : باكر بابا روح شوف منو بالباب.
باكر : وقتها يعني هسا اروح وارجع اشوف ماكو اكل😭😭
الكل يضحك يروح باكر للباب فجأة يسمعون باكر يصيح : روحي منا بلا مشاكل خلص.
واذا تدخل عليهم بنية والكل ينصدم علي يشوفها ويترك الاكل وياخذ وضع الوقوف والصدمة نور عينها لعلي حست انو هالبنت الها علاقة بعلي.
ابو علي : نعم بنتي اتفضلي
علي : شلون اجيتي لهنا 😡
نور : هي هاي
علي : انتي لتدخلين
الكل مصدوم نور جواب علي كسرها البنت تبتسم بخبث لنور وتظهرلها علامات الانتصار
ابو علي : فهموني شديصير
علي : يابة اني افهمك بعدين ويتوجه للبنية(حبيبتة السابقة).....اسمها (انمار)
ابو علي : انتظر منو هاي
انمار : عمو اني اعرفك بنفسي اني حبيبة علي واني ويا من اول يوم دخولنا للجامعة ارتبطنا وعلي وعدني بالزواج واني طلبت منة يتقدملي رفض وگال لحد ما نتخرج واني اتقدملي ابن عمي واتزوجتة وصار عندي طفل وانفصلت عن زوجي قبل 4 اشهر وانطيتة ابني هم واتصلت بعلي حتى يوفي بوعدة ونتزوج بس هو اكو مشكلة بطريقة تعيق زواجنة الي هي نور وارتباطة بيها ..
نور تباوعلها بصدمة وترد عليها: اني عائق!!!!!؟
انتي متوهمة اذا علي يعتبرني عائق خلي يگول هسا واني اوعدچ ماراح تشوفوني بعد واكون اول الحاضرين لزواجكم وافرحلكم بي
علي : شنو هالخرابيط جنيتي تتخلين عني بسهولة لأي كلام يتوجه الي شلون تتأكدين هالكلام صح
نور : لو غلط چان انت رديت قبل ما اني ارد
ابو علي : علي شنو هالمهزلة هاي فهمني بعصبية.
علي  : يابة والله هالكلام ما الة صحة اني حبيت هالانسانة حب مراهقة وماكو وعد زواج وخطوبة وبعدين هي اتزوجت اصلا اني ما اريد ارتبط بيها والف مرة حذرتها تتقربلي
انمار : كاذب صدگوني وعندي دليل
فتحت جنطتها وطلعت صورها مع علي وطلعت تلفونها وفتحت تسجيل صوتي لعلي ...
التسجيل ..........
علي : انمار احبچ لا عبالچ تجي وحدة وارتبط بيها وانساچ هذا شي مستحيل حتى اذا ارتبط يكون ارتباطي حتى اخليچ تغارين وترجعيلي وارتباط نزوة وبس
انمار : اني هم احبك حبيبي وما افترق عنك
اهل نور ثارو بكل شي خوفهم على نور لان حبوها مثل حبهم لبنتهم خافو من خسارتها وسط نوبة صياح وغلط واستفسارات....
نور : علي
الكل يسكت وينتبهون لنور
علي : نعم
نور : هذا الكلام الي بالتسجيل شوكت چان!؟؟؟؟
انمار : مو بعيد قبل فترة😏😏
نور : علي هذا الكلام من شوكت؟؟؟؟
علي : والله الكريم من اول شهرين عرفتها بي
نور : خير على خير اني ما اگدر اشوف هالمهزلة اكثر وياريت تعرف ادافع عن نفسك اذا ممكن عمو اني اصعد انام عن اذنكم.
تترك الكل وتتوجه لغرفتها نور اسوء يوم بحياتها هذا بس چان علي صادق بكلامة وياها لان عيونة متكذب نور چانت كل الوقت عينها بعين علي وتشوف الصدق بيهن عكس الي غيرها يشوفة.
.....يم اهل علي.....
علي : اذا ما هسا طلعتي من البيت اقسم بنور ودمعتها الي هسا دتنزل بسببچ نهايتچ تكون على ايدي
انمار تتمايع وبدلع : انت تحبني الي خليك منها
يضربها كف علي : ويسحب تلفونها ويتصل على زوجها ويتبين انو هي تكذب ما منفصلة عن زوجها وتبقة تتوسل بعلي وبأهل علي حتى ما يسولفون حقيقة جيتها لبيت علي واذا بهاللحظات يوصل زوجها يدخلة باكر للبيت ....
زوج انمار : نعم شتسوون هنا شعندكم ويا زوجتي
انمار : حبيبي اجيت ابارك لصديقتي بزواج اخوها بس اخوها حاول يعتدي علية
الكل مصدوم من كذبها وخداعها وفجأة علي ينفجر ضحك
زوج انمار : اني اعلمك يا حقير الة اندمكم على تصرفكم
علي بغضب : الزم حدودك لا امسح كرامتك بالارض يبدو انت مخدوع بزوجتك تعرف زوجتك ليش اجت لبيتنا
زوج انمار : زوجتي ما تكذب واشرف من الكل
علي : باكر افتح التسجيلات لزوجها الغبي
زوج انمار : احترم نفسك
علي : اشششششششش ولا نفس
انمار تنصدم بوجود كاميرات موجودة وصورت كل افعالها وتحچي لزوجها : حبيبي خلي نطلع اختنگت بعد ما اتحمل وتبچي
زوجها يلة نطلع حبيبتي ولا يهمچ اسم الله عليچ
وفجأة بكر يعرض التسجيل يندار زوجها ويسمع ويشوف كل افعالها وبصدمة يندار عليها مموجودة هربت من البيت اثناء تشغيل التسجيل
زوج انمار : معقولة
ابو علي : ابني انت يمكن مخدوع بيها وابني واحنة وهواي يمكن خدعت غيركم
علي : شفت بعينك شلون حضرتك غبي ومخدوع
زوج انمار : اي والله غبي الي واثق بيها كل هالمدة
علي : وهسا اتفضل اطلع برة ونبه زوجتك متتقربلنة بعد
زوج انمار : اني اسف واعتذر منكم على كل الي صار مع السلامة وطلع من بيتهم..
اهل علي كلهم ثارو على علي وأنبو وابو بقة ياكل بنفسة على نور وألألم الي ابنهم سببة الها
ابو علي : اصعد اعتذر للبنية وفهمها الوضع
ام علي : لا ليصعد البنية نامت وبينتلنة اني وخواتة انو هي ممتأثرة ولا مهتمة للصار كلة
علي : شوكت صار هالحچي
ام علي : من دخل زوج هالملعونة احنة صعدنة يمها وطلبت انو محد يصحيها بالاخص انت
علي : مجنونة راح تبقة مجنونة وهي تعرف كلشي بخصوص حياتي وحتى عن هاي الحقيرة بس خليها بهذا جنانها احسن.
ويترك اهلة ويدخل غرفتة وينام ........
بهالليلة ولا شخص نام الكل تفكر بالاخص نور وعلي الاثنين منهارين تعبانين متألمين بس الي صار صار بعد..........
بيت اهل انمار.....
انمار سولفت الصار لاهلها لاموها وبهذلوها بهاللحظات يدخل زوجها يحاولون اهلها يترجو ويتعذرون منة يسحب ابنة منها ويرمي عليها يمين الطلاق مچانت مهتمة لان هي بالاصل مخادعة ....
........يوم الزواج..........
الساعة 8:40 صباحا
بيت اهل علي .........
متجمعين كل الاهل والاقارب وفرحانين بزواج علي لان اول شخص يتزوج من بيتهم......
تنزل نور : صباح الخير وتسلم على كل الموجودين متعرف الكل بقت ام علي تعرفها بيهم
بينهم الفرحان وبينهم الضايج والمنافق
ينزل علي وراها يسلم على الكل ألا نور ويطلع مع اصحابة حتى يجهزو للعرس
اخوات علي ونور وزميلاتها يتوجهون للكوافير
المعازيم يتوجهون لقاعة الزواج
الساعة 5 عصرا
يتوجه علي واصحابة كل شخص بسيارتة للكوافير حتى ياخذون نور والبنات للقاعة.....
مكان الكوافير ......نور والبنات جاهزات ونور طلعت احلى وحدة بيهم لان بقت على طبيعتها ما بالغت بشي ولبست فستان زفاف وحجاب كلش حلو