يروقني حبك مهما كان موجعا

بارت 9

حين تهوى ما اختاره قلبك

ف عليك انت تقرأ السلام على عقلك
.
.
.
بعد مرور 6 اشهر ...
حالة نور بغيبوبة علي ماترك نور ولا لحظة انمار اختفت وصديقها اختفى والبنت الي وياهم(بنت الليل) اختفت اصدقاء علي حاولو بكل الطرق يكشفون الحقيقة لكن للاسف ما حصلو على دليل قاطع للحقيقة اهل نور عرفو بحالتها حاولو ياخذوها يمهم لكن علي اترجاهم وطلب تبقة يمة والدكتور ايضا خبرهم انو وجودها هنا احسن من التنقل لغير مكان علي كل يوم يسمع نور تسجيلاتهم و اغلب وقتة يخلصة بچي متندم لان ما سمع كلام نور وبيوم من الايام صادف نفس اليوم الي اتعرفو بي بليل علي يدخل لغرفة نور يبدي يمسك ايدها ويسولف وياها ويبچي وفجأة يحس بأصابع نور تتحرك يبتعد عن مكانة بسرعة يتوجه بركض يصيح الطبيب المختص لحالة نور يجي الطبيب والممرضات ويطلب من علي ينتظرهم برة ويبدون بتفحص الاجهزة فجأة نور تصحة ويبدي الدكتور يسولف وياها ونور تبچي والدكتور يهدأ بيها علي ما گدر يتحمل ودخل للغرفة نور انتبهتلة  وبدت تبچي بهستيريا علي يتقربلها ونور تصيح : ابتعدددد عني ما اريدك اطلع منا😭😭😭😭😭😭انت قتلت طفلي اطلععععع برة
علي : نور حبيبتي اهدأي ارجوچ بس لحظة افهمچ
نور : برعب وخوف : دكتور ما اريدة خلي يطلع الله يخليك
الدكتور : ارجوك انتظرني برة ارجوك
يطلع علي ينطي الدكتور نور مهدىء ترجع نور تنام طلع الدكتور لعلي : علي تعال للمكتب وياي
دخلو للمكتب الدكتور : علي انت كنت تعرف بنور حامل؟؟؟؟!
علي : لا ما عرفت الا من انت گلت نور فقدت الطفل
الدكتور: طيب علي الطفل كان عمرة اسبوعين بس وفقدتة نور واني هسا خبرتها بفقدان طفلها ونور ما اعتقد تتقبل هالامر بسرعة بس بنفس الوقت اي شخص مايگدر يعيد نور لوضعها غيرك انت
علي : دكتور اني كلشي تطلبة مني اسوي بدون تأخير حتى لو روحي
الدكتور : ماشي من نور تصحة راح ابدي وياها جلسات مع دكتورة نفسية نسائية راح تنطيني تقرير بحالة نور وبعدها نتفق على طرق علاجها
علي : بدموع : دكتور نور راح ترجعلي وترجع تحبني مو؟؟!
الدكتور بأبتسامة : اكيد
طلع علي توجه للغرفة وبقة يشوف نور من بعيد والندم ياكل بي ويتذكر ضحكاتهم وجنونهم وضحكات نور وصوتها وكلشي بيها اتصل بأهلة وبأهل نور فرحو بخبر نور واهل نور طلبو من علي أول ما تصحة يكلموها لان ما يگدرون يرحولها بسبب العام الدراسي وعلي وعدهم يتصل بيهم ويتكلمون وياها.
.
.
ثاني يوم تصحى نور يدخل الدكتور والدكتورة يعرفهم على بعض وتبدي نور تندمج ويا الدكتورة وحالتها بدت تتحسن تطلب من الدكتور اتنام لان تحسب بتعب يخرج من يمها الدكتور وتتبعة الدكتورة اثناء مشيهم بالممر.
الدكتور : شنو رأيچ دكتورة نور اكو امل بحالتها
الدكتورة : اكيد دكتور حالتها سهلة جدا مجرد اثبات بسيط على براءة زوجها من هالعلاقة الي شاكة بصحتها وبوجودها واعادة بناء ثقة بينها وبين زوجها وحمل جديد تنتهي كل المشكلة
الدكتور : ان شاء الله خير نلتقي اوكي؟
الدكتورة : اوكي
علي يشوف الدكتور ويتكلمون سوا والدكتور يشرح الوضع لعلي وفهمة كل المطلوب وعلي وعد الدكتور راح ينفذ كلشي حتى يسترجع نور.
علي اتصل بوالدتة حتى تجي يم نور وهو يروح يبدي يجمع ادلة على براءتة
اتصل بأصدقائة طلب منهم ينتظرو يم بيت اهلة يم ابو واخوانة اجتمعو بالبيت سولفلهم علي القصة من بدايتها وشنو المطلوب توزعو على شكل مجموعات حتى يبحثون عن ادلة وعلي بدة يبچي ويترجاهم ما يتركو ابو حضنة وكل اصدقائة ويا وما تركو كانو مثل اخوانة وبدو يبحثون عن دليل
.
.نور بدت تتحسن شوي شوي وبعد مرور اسبوع سمحلها الدكتور تطلع للبيت وطلبت من عمها ابو علي انو متريد علي بالبيت أو يخلوها تروح يم اهلها عمها طلب من علي يروح يم صديقة لحد ما يحصلون دليل وعلي وافق واخذو نور للبيت وكل يوم بليل تنام نور يدخل علي يمها يشوفها من بعيد ويقبلها على جبينها ويطلع.
استمر البحث عن دليل مدة شهر الى ان علي بيوم نايم اتصل عليه اخو عامر: علي لگينة الدليل تعال بسرعة للبيت
علي : اني جاي مسافة الطريق
يتوجه علي واصدقائة للبيت يشوفون عامر يضحك : مبروك نور راح ترجعلك ويحضن علي
علي  : شنو الدليل احچي بسرعة گلبي راح يوگف
عامر : اني كلفت واحد من اصدقائي بتركيا يحاول يعرف شي عن انمار وقبل اسبوع اتصل بية وخبرني انو اتعرف عليها وسوينا خطة انو يسوي علاقة وياها ويخليها تعترف وانت تعرف انمار كل ما تسوي علاقة وية شخص تفضح نفسها بأخطاءها بالعلاقة السابقة
علي : ايييي كمل وبعد
عامر : البارحة اتفق صديقي وانمار يلتقون بشقتة ويسهرون وكالعادة انمار سولفتلة كلشي وهو حط كاميرا تصور اعترافها من غير متعرف
....طلع عامر قرص cd  هذا اعترافها صوت وصورة ياهذة علي ويحضن عامر ويبچي ويشكرة على كل شي ويبدي يضحك بجنون ويطلق هلاهل واصدقائة ويا ويتركهم ويصعد لنور بسرعة .
نور نايمة دخل علي بكل هدوء وفتح التلفيزيون وشغل الcd وخلة الصوت كلش عالي وحاول يختبأ بالبلكونة حتى نور متشوفة سمعت نور صوت صحت شافت التليفزيون وانمار تعترف شسوت بعلي تنصدم تبچي 😭😭😭😭😭😭😭
نور : علي ليش هيچ ليش حبيت هالحيوانة راح طفلنا بسببها بسبب غلطة منها چنت اعرف انت متسويها بس صدمتي چانت اكبر اووف علي وينك تعال شوف حالي دا اموت وانت بعيد احاول اخلي الناس تشوفني سعيدة وانت بعيد بس اني مكسورة ليلي ما يمر بسلام ابچي وانام وارجع ابچي علي ليش عفتني ليش ما حچيتلي الحقيقة😭😭😭😭😭😭😭😭علي سمعها بس ما حب يدخل ويفاجأها بهيج وقت انتظرها لمن لبست وطلعت من الغرفة تركض حتى تسولف لاهل علي على الcd والكل فرح بهالشي وطلبت من عامر يتصل بعلي
عامر : امممممممم اعتقد ماكو داعي اتصل بي
نور : ليش عامر اتصل بي خلي يجي ماكو داعي يبقة بعيد عن البيت بعد الحقيقة وبينت
عامر : مممممم تدرين انتي انسانة عجيبة طيبة اميرة ويا حظنة بهيچ اخت ويا حظ علي بيچ
نور : تسلمولي كلكم الله لا يحرمني من وجودكم انتو عوضتو مكان اهلي ومليتو حياتي اتمنى ما اقصر وياكم وبدت دموعها تنزل حضنتها ام علي : حبيبتي انتي بنتنة مستحيل نتركچ ونتخلة عنچ وهسا يلة صار وكت النوم كل واحد يتوجه لغرفتة يلة الله يبعد عنة الاحزان والمشاكل يلة روحو نامو
نور : ماشي بس اتصلو بعلي يجي
ابو علي : يوووو منريد علي بعد😂😂😂
الكل يضحكون ويرحون لغرفهم نور تحزن لان ما اتصلو بي دموعها تتجمع وفجأة تحس ايدين تحوطها عرفت انو هذا علي دارت وجها عليه وحضنتة بكل قوتها وبدو يبچون لكل شي لحزنهم ولشوقهم لبعض لبعدهم علي اخذ نور وراحو لغرفتهم وبهذا اليوم ما نامو بقو يسولفون ونور تسولف لعلي شلون چانت مشتاقتلة وشلون علي چان يجي باحلامها وعلي هم يسولفلها واتواعدو يواجهون أي مشكلة تمر عليهم ويتصدولها مهما كانت...
.
.
.
خلص البارت ال9 يارب يعجبكم😊😊😊😊😊😊