يروقني حبك مهما كان موجعا

بارت 8

الحاضر ..........
بعد مرور 6 اشهر
...
.
...
نور : صباح الخير حبيبي
علي : اممممم صباح النور عمري
نور : يلة حبيبي جهز نفسك راح نتأخر اهلي يكونون وصلو هسا
علي : ماشي حبيبي ماشي
....نورت اجلت دراستها لمدة سنة استراحة واتفقت مع اهلها يلتقون بمحافظة قريبة على اهل علي وعلى اهل نور وقررو يتوجهون حتى يخلصون فترة اسبوعين ويا اهلها واطفالها استأذنت نور من ابو علي وام علي ودعو الكل واتجهو للقاء اهل نور...

بعد مرور6 ساعات وصلو علي ونور لاهل نور وسلمو على بعض ونور بقت تبچي من شوقها لاهلها واطفالها وفرحانة بشوفتهم .......
قرب ينتهي الاسبوعين وباقي يوم واحد حتى نور وعلي يرجعون...
نور : حبيبي ماشبعت منهم😔😔
علي : اوووي حبيبي وعد علية بس اخلص بحثي اوديچ يمهم شهرين وعد
نور : اقسم😍😍😍
علي : وداعتچ 😘😘😘😘😘
نور : احبك حبيبي
علي : واني امووووتن عليچ😘😘😘😘😘😘
حضن نور وبقا يقبلها ونور تضحك😂😂
نور : ولك بس ابتعد خليني اروح اشبع من اهلي
علي : تعالي اشبعي مني احسن😉😉
نور : اشششش عيب😠
يضحك علي ونور تروح يم اهلها تحاول تقضي اطول فترة حتى تشبع منهم..
الساعة ال 12 صباحا ::::::......
نور تودع اهلها واهلها يوصون علي على نور يدير باله عليها وتودع اطفالها (نور تركت اطفالها لان زوجها عرف بزواجها ومنع تاخذ اطفالها وياها بس سمحلها تلتقي بيهم كل فترة)
رجعو نور وعلي لبيت اهل علي وصلو وقت ليل دخلو رحبو بيهم الاهل وسولفو شوي وراحت نور وعلي لغرفتهم اخذو حمام واتوجهو نامو لان چانو كلش تعبانين من طريق السفر.....
........
.
.
........
بالفترة الماضية علي تعرف على شخص مو مريح يحب العلاقات ويستغل بنات ويشرب(يسكر) بعد مرور اسبوع على عودة علي ونور .....
الصبح ساعة 10...   يرن الموبايل
نور : علييييي شنو هذا طفي
علي : اسف حبيبي😘😘😘😘
نور : جاوب حبيبي دوخني صوتة😴😴😴
علي بنعاس : الووو😴😴
المتصل : هلا حبيبي علاوي يابة الحمدلله على السلامة شو ماكو مدتبين
علي : هلا عيوني اي والله تعبان شوي ومشغول بالبحث
المتصل : اليوم معزوم يمي بليل انت والشباب
علي : والله عيني ما اعرف اذا اگدر اجي بعيوني
المتصل : ماكووووو هيچ حچي تجي يعني تجي
علي : ماشي ماشي
المتصل : ماشي عيوني باي نلتقي
علي : باي😴😴😴😴
نور : حبيبي نام نعسانة😴😴😴😴😴
علي : اي حبيبي😘😘😘😘يلة فديتچ نامي نامي😘😘😘😘😘😘😘
نور : 😘😘😘😘😘😘
.....
.
.
.......
الساعة 9 ليلا
نور : حبيبي ممرتاحة لهذا صديقك
علي : اششش حبيبي اني راح اسهر وياهم وارجع شخصني بي
نور : بس ممرتاحة لهالسهرة
علي : 😘😘😘😘😘😘ماكو شي حبيبي يلة باي گلبي انتظريني لتنامين
نور : باي حبيبي لتتأخر خلي بالك على نفسك
علي : وانتي هم 😘😘😘😘😘
......بعد مرور 5 ساعات نور تتصل على علي موبايلة مغلق بدت تقلق راحت صاحت لعامر (اخو علي الكبير) نور : عامر
عامر : هلا نورة خير ليش گاعدة لهالوقت
نور : عامر علي لحد الان ما رجع وبالي مشغول
عامر يتحرك من مكانة : شنووووووو
نور : اي والله واخاف عمو يصحة ويشوفة مموجود وتصير مشكلة
بهاللحضات يتصل رقم غريب على نور نور تفتح خط بسرعة تتوقعة علي
نور : الو علي وين صرت
المتصل : اني مو علي
نور بصدمة : عفوا منو انت
المتصل : تعرفين علي وين وليش اتأخر؟؟؟
نور : احچي علي وين وانت منو
المتصل : وديتلچ عنوان برسالة روحي وشوفي علي وين
نور : الو الوووووو منو انت وعلي شبي
عامر : نور منو هذا فهميني شصاير
نور : عامر غير ملابسك وانتظرني وفهمتة المتصل شنو گال دقيقة ولتخلي شخص يعرف بالموضوع
عامر : اني اروح ما اگدر اخذچ
نور : عامر ابوس ايدك لتسوي هيج ضروري اروح وياك لو اروح وحدي
عامر : يلة يلة جهزي انتظرچ
نور جهزت نفسها بسرعة واخذت العنوان وانطتة لعامر واتوجهو للعنوان المكتوب بالرسالة بعد ساعة وصلو للعنوان هو بيت كبير خارج المحافظة وناس تدخل وتطلع كل واحد مع بنت منظر مخزي نور تنصدم وعامر ينصدم اكثر من نور : معقولة
نور : عامر شنو هذا المكان وعلي شلون وصل لهنا شيسوي
بهاللحظة يجيهم شخص : انتي نور؟؟؟
نور : نعم منو حضرتك
عامر : منو انت؟؟؟؟
الشخص : علي موجود داخل البيت بالغرفة الخامسة
عامر : نور انتظريني هنا لتدخلين
نور : عامر اريد اشوف علي مستحيل تدخل وحدك
نور تركض قبل عامر عامر يصيح : نور نووووور انتظري
توصل نور لداخل البيت تسال الموجودين على رقم الغرفة شخص يوديها للغرفة توگف بالباب عامر يوصل يمها : نور اسمعيني مستحيل علي يجي لهيچ مكان بوعية اكو شي بالموضوع
نور : عامر افتح الباب
عامر : نور اوعديني
نور تترك عامر وتفتح الباب واذا تنصدم........وتصرخ
: عليييييييييييييييييي😭😭😭😭😭😭😭
عامر : نور نور اصحي نور لك علي شسويت ليش هيچ
نور يغما عليها علي كان نايم ما حس بشي ابد عامر طلع نور للخارج وبدة يذب عليها ماي نور تصحة وتبچي : عامر هذا علي شفتة هو علي اني ما غلطانة علي خاني مو عامر جاوبني
عامر : نور اهدي فدوة اني مو اخوچ اسمعيني علي مو بوعية فدوة اروحلچ سمعيني علي مو صاحي صدگيني
نور : بغضب : عااااااامر بس ولا كلمة اتركني انت طبعا تحچي هيچ لان هو اخوك بس اني غبية اتركني.
ابتعدت نور عن عامر وهي تركض وعامر محتار شنو يسوي فكر انو يدخل ياخذ علي وبعدها يروح لنور لان ما اتوقعها تبتعد اكثر ودخل عامر طلع علي من البيت وصعدو السيارة وراح لنور بالطريق انصدم بأزدحام غريب واسعافات نزل يركض بين الناس واذا يشوف نور بالارض صدمتها سيارة عامر: بصدمة: نوووووووووور.
.
.
....
.
(فلاش باك)......
انمار حبيبة علي ماقبلت تترك علي ونور يتهنون قبل ما تخرب حياتهم بقت فترة شهرين تتفق وية (بنت ليل) وصديقها نفسة الي اتقرب من علي وصار صديقة والخطة كانت : ( صديقها يتصل على علي يحاول يخلي يسهرون سوا ومن علي يجي يحطولة مخدر بالعصير وتدخل (بنت الليل) ويتصلون بنور تجي تشوف علي)..... تحقق هدف انمار وگدرت تبعدهم عن بعض لكن بالمقابل نور حياتها تغيرت للاسوء😔😔😔
.
.
نور من تركت عامر بقت تمشي بالشوارع من غير وعي وفجأة تصدمها سيارة............
.
.
....
عامر : بابا بسرعة تعالو نور انصدمت وهسا احنة بالمستشفى العام.
ابو علي : شنووووو شلون شوكت طلعت نور انت وين علي وين؟؟؟؟؟!!!!
عامر : بابا لتخلي واحد يعرف تعال بس انت وماما وعلي يمي من تجي تفتهمون شصاير
ابو علي : ماشي راح نجي مع السلامة
عامر : مع السلامة بابا
.
يتوجه عامر لعلي يضربة كف علي بصدمة ينظر لعامر.
عامر بغضب : انت حيوان  لك شسويت البنية راح تموت ياغبي لك اعتبر نفسك مو اخوية اذا صارلها شي حيوااااان
علي : انت شبيك اني شسويت فهمني وهي ليش طالعة بهيچ وقت وين چانت رايحة
بدة عامر يسولف القصة لعلي والاحداث............
علي بصدمة : اني هيچ چنت!!!!!!!!!؟؟؟؟
عامر : اي انت يا استاذ يا محترم چنت ب بيت مو محترم ونايم يم بنت ليل وزوجتك شافتك بعينها
علي : عامر والله صدگني اني ما اتذكر شي واكيد هاي لعبة لان اني صديقي طلب نسهر وعلى اساس يجون باقي الشباب بعدي ومن دخلت قدملي عصير وبعدها ما اتذكر اي شي عقلي راح يوگف لك عامر يعني راح اخسر نور😭😭😭
عامر : اتمني اجاوبك بكلمة لا لكن للاسف نعم خسرتها
علي يضرب راسة بقوة ويضرب ايدة بلوحة اعلان قرب باب العمليات تجرح ايدة يمسكة عامر ويطلب من ممرضة تعالج جرح ايدة.بهاللحظات يوصلون اهل علي ويسولفلهم عامر القصة يبدون يلومون بعلي وابو حاول يضربة لكن عامر حاول يهدأ ابو ويشرحلة الوضع.
علي حاول يتصل بأصدقائة ويحچيلهم الموضوع اصدقائة اتفقو يرحون لصديق انمار الي خدع علي ويعرفون القصة منة.
منذر(صديق علي المقرب) : علي حبيبي الله يصبرك بس احنة كشفنا الموضوع وطلع هذا كلة ملعوب من انمار وهو يصير صديقها ومتفقين قبل شهرين
علي : معقولة انمار توصل لهالمرحلة !!!!!!؟
منذر : اي حبيبي ما اعرف شلون لعبو هاللعبة وياك بس للاسف انت طحت بيها وضحيتها زوجتك صارت علي حبيبي الله يعينك بس خلي بالك حاول تشرح لنور عسا ولعل تتفهم
علي : منذر اني انتهيت نور مستحيل تسامحني ومستحيل تثق بكلامي واي شخص راح يحاول يشرحلها الحقيقة ماراح تثق بكلامة لان تعتبرة يدافعلي
منذر : حبيبي انت ولا يهمك احنة اخوتك وياك للموت ونور اختنة ولابد ما نشوف طريقة نكشف الحقيقة الها
علي : الله يخليكم الي بس انمار وين هسا بلكي نگدر نجيب اعتراف منها؟؟؟
منذر : انمار مسافرة لتركيا وما معلوم ترجع شوكت
علي : حقيرة حقيرة خربت حياتي الله لا يهنيها
منذر : اهدأ حبيبي تنحل ان شاء الله يلة انت هسا روح يم زوجتك واني اتصل بيك بغير وقت مع السلامة
علي : مع السلامة😔😔😔
....
.
الدكتور يطلع من غرفة العمليات....
يركضون علي وابو وعامر للدكتور :::::::....
علي : دكتور زوجتي شلونها؟؟!!!!
الدكتور : نجحت العملية بس المريضة فقدت طفلها و اتلقت صدمة نفسية كبيرة للاسف ادت الى دخولها بغيبوبة
علي بصدمة : شنووووووووو
نور حامل من شوكت ليش اني ما اعرف يعني اني قتلت ابني بأيدي لااااااا😭😭😭😭😭😭
يطيح على الارض وتهزمة دموعة يبچي بصوت عالي عامر يحاول يهدأ بي
الدكتور : اني اسف على هالخبر بس المريضة ما نعرف متى تصحا ممكن اليوم وممكن بعد يومين او اسبوع او سنة والله اعلم عن اذنكم وان شاء الله عدها العافية😊
......

خلص البارت الثامن يارب يعجبكم