الاعجاب هو التؤام الوسيم للحب
(اياد)
اليوم كنت خارج مع اصدقائي الى الكوفي شوب و رأيت فتاة كانت فاتنة ..
اياد: ليش توكفين هنا! الولد كلهم ديباعون عليج
سحر: أأ اخوية هنا بس اريده يصيح تصيحه؟
اياد: هو شسمه؟
سحر: اسمه علي محمد
اياد: اوك انتظريني
ذهبت و سألت ان كان احد من الموجودين يعرفه و بالفعل وجدته و قلت له ان اخته تريده بالخارج.. و اخذته اليها
علي:سحر!!شجابج!!
سحر: علي حباب ماما تخربطت و ما اكدر اخذها للمستشفى وحدي تعال ساعدني خلي ناخذها
علي: اي اي جاي
اياد: اكدر اساعدكم بشي؟اجي وياكم؟
علي:اذا ما تصير زحمة اني ما اكدر وحدي يصير تجي!
اياد:اكيد و اني ادرس طب
و ذهبت معهم الى المشفى .. كانت الأم مريضة اصلا و شعرت بدوار و سقطت على الارض و قال الطبيب انها ستتحسن
سحر:شكرا الك اخي لو ما انت تصيح اخوية و تجي ويانا كان ما اعرف شسوي
اياد: لا هذا واجبي ... اتمنى لها الشفاء يلا اني اروح تحتاجون شي!
علي:سلامتك .. شكرا مرة ثانية
اياد:مع السلامة
بقيت افكر بجمال تلك الفتاة طوال الليل حتى انني رأيتها في الحلم
(ميرنا)
كنت جالسة مع صديقاتي في المطعم و اتحدث معهن حتى رأيت روان تنظر خلفي ف ادرت وجهي و رأيته
ميرنا: اهوووو
امير: يعني انتي ليش وين ما اروح الكاج
ميرنا:هذا من حسن حظك بس للاسف من سوء حظي
امير:هههه ضحكتيني والله ع اساس من جمالج يعني
ميرنا: دروح منا روح
بعد ان اكملنا طعامنا و خرجنا رأيته يقف مع صديقه
ميرنا: اووف ديلا خلي نروح
روان: اوكفي ولج هذاك الحات صديقه اشرلي
ميرنا:شتريدين تسوين يعني!
ايات:اذا انطاج رقمه تأخذه مثلا و تخابريه!!
روان:هاي شبيكم شكو بيها يعني؟
ميرنا: براحتج عيني مخبلة
ذهبت روان كي ترى ماذا يريد منها ذلك الفتى اما ايات اتصل عليها احمد (حبيبها) و ذهبت اليه و جميلة ايضا اتصل عليها اخوها و اتى عليها اتت روان معها الولدين
روان:ميرنا امشي دنشرب عصير
ميرنا:شنو سويتولها!!غسل مخ!!
امير:هههه ما ميتين عليج بس وسام صديقي معجب بروان صديقتج و عزمني و عزمج و خلص اذا ما عاجبج روحي
ميرنا:اوك اني رايحة
روان:شلون تعوفيني وحدي!
ميرنا:اهوو
روان:حبابة 😢
ميرنا:منطول
وسام:اي يلا امشو
ذهبنا الى هناك و جلسنا
امير:شنو تطلبون؟
ميرنا:كوكتيل
روان:عصير جزر
وسام:ليمون بالنعناع و انت شراح تطلب؟
امير:حليب و موز
بدأ الجميع يدردش اما انا كنت اعبث بهاتفي و اتصل بي اياد كانت روان بجواري فنظرت الى الاسم
روان:منو اياد؟
ميرنا:معليج
روان:من رخصتكم
و اجبت:الوو
اياد:هلوو
ميرنا:هلوات شلونك؟
اياد:تمام و انتي؟
ميرنا:والله مشاقين
اياد:احنا الاشوق ..شنسوي!
ميرنا:زين الي تذكرتنا و اتصلت
اياد:والله انتي على بالي دائما بس وين الوقت
ميرنا:اي
اياد:و بعدين يعني لازم اني اتصل !! اتصلي انتي لو تخافين على رصيدج!!
ميرنا:هههه لا بس غير اخاف اهلك يمك و تعرف المشاكل الي تصير
اياد:ممم.. ميرنا اريد خدمة
ميرنا:احجي هيج من البداية... تفضل اطلب
اياد:اكو بنية البارحة .....(قلت لها القصة)
ميرنا:يعني انت انعجبت بيها!!
اياد:يمكن
ميرنا:اي مبين.. بس هسة شنو المطلوب مني؟
اياد:ما اعرف اريدج تتقربين منها و تصادقيها
ميرنا:هلو عيني .. شلون بله بأي صفة اتعرف عليها؟
اياد:امممم ... انتي وين؟
ميرنا:كوفي اني و صديقتي
اياد:امم ح اجي عليج و نروح اني وياج ع اساس دنتطمن على الام و انتي تعرفي عليها و اخذي رقمها و ظلي انتي وياها على اتصال حتى تنطيني اخبارها
ميرنا:يعني شوف هو اني حاليا ما غرت عليك بس مو المفروض اغار عليك!!
اياد:ههههههههه فدوة لج انتي الج غير منزلة و هذيج اعظم بهواي من هاي المنزلة
ميرنا:ترا ما اقتنعت بس راح اعبرها
اياد:هههههه اوك .. يلا هسة اجي؟
ميرنا:اي فد ربع ساعة و تعال
اياد:اوك باي
روان:وييين؟
ميرنا:ابن عمي معجب ببنية و يريدني اتعرف عليها حتى يعرف اخبارها
روان:ها يعني اياد ابن عمج
ميرنا:اي
شربت العصير و بعدها خرجت مع اياد.. اتصلت ب امي و اخبرتها انني ذهبت مع اياد لزيارة مريضة
وصلنا الى هناك و ترجلنا من السيارة و طرق اياد الباب ففتحها ولد و سلم على اياد
اياد:هاي بنت عمي ميرنا... ميرنا هذا علي
علي:تشرفت
ميرنا: الشرف الي
و ادخلنا الى الداخل .. كان منزل متواضع لكنه مرتب.. جاءت فتاة ذات بشرة بيضاء صافية .. عينان واسعتان عسليتان .. وجنتاها زهريتان .. كانت كما وصفها(فاتنة)
سحر:مرحبا
ميرنا.اياد:مراحب
ميرنا:اني بنت عمه لاياد .. هو كان يحب يتطمن على والدتكم ف اني هم حبيت اتعرف عليكم و خاصة انه كلي اكو بنية بعمري
سحر:ههه نورتي والله اني هم ما عندي صديقات اتشرف تكونين صديقتي
ميرنا:الي الشرف
