_سرى
أصبحت علاقتي قوية جداً ب اريج .. انها تحمل عني جميع الاعمال .. حتى منال التي تزوجت بحجة ان أرعاها هي من ترعاها .. لذلك أصبحت احبها و جيد ان امير لا يلاحظ ذلك .. نجحت خطتي تماماً و بقي شي واحد و هو كيف اجعل امير يحبني و تلك الغبية رهف تقف في طريقي .. اريد ان ألتقي بها كي أقتلها و ابعدها عن طريقي كما أبعدت ميرنا عن طريقي
احتاج الى احد كي يساعدني و لا يوجد سوى اريج انها ذكية و اعتقد انها ستقف معي سأتحدث معها عندما تأتي
_اياد
اليوم سيكشف كل شي ..اتصلت على ميرنا
ميرنا:ممم
اياد: الووو ولج كومي روحي بيت امير
ميرنا: اعرف شغلي ليش دتعلمني
اياد: اليوم اريد ينكشف كلشي
ميرنا: والله بعد وكت شبيك
اياد: لا والله تعبت اني .. رحت بيت اهلج عبالك البارحة ميتة هاي امج بس تبجي ولج خطية والله .. امير دتشوفيهن حالته!!
ميرنا: امير متونس وية رهف😒
اياد: يعني شنو كمتي تغارين من رهف😂
ميرنا: اي ما اريد امير يحب وحدة غير ميرنا
اياد:هو امير يحب وحدة نفس اخلاقج و ماكو وحدة عدها غير اخلاقج ف ديحبج
ميرنا:عوفنا من هاي السالفة هسة شلون افهمهم انه اني عايشة
اياد: شوفي ..............
_ميرنا
غيرت ثيابي و لبست قناعي و ذهبت الى مكان بيت كاميرات المراقبة .. اشتريت كاميرا و ذهبت الى منزل امير .. كان الجميع على طاولة الطعام
اريج: صباح الخير
الجميع:صباح النور
سرى:تعالي تريكي
اريج:هسة اجي خلي أحط غراضي بغرفة منال و اجي
ذهبت الى غرفة منال و وضعت الكاميرا و شغلتها و عدت الى المطبخ و جلست أطعم منال و اكل انا
رِن هاتفي كانت نغمة المنبه .. حيث ان هناك ذكرى ما ..في نفس الوقت رِن هاتف امير ايضاً ..نظر كلانا الى هاتفه
(عيد زواج سعيد امير& ميرنا) نظرت الى امير و قد لمعت عيناه ..اخذ منال و احتضنها بقوة
امير:حبيبتي بابا .. الله يحفضج الي ..الله لا يبعدج عني
أرسلت له رسالة على انني رهف
رهف:انت بخير؟
امير:احساسج قوي
رهف:شبيك؟
امير:هيج ..اليوم ذكرى زواجنا اني و ميرنا السنة الثانية ..قبل سنة كنا نحتفل اني وياها ..جانت فرحانة كلش و منتظرة تجي منال للدنيا ..كالتلي السنة الجاية نحتفل اني وياك و بتنا
رهف:ممم الله يرحمها
امير:تدرين .. اكو احساس بداخلي اني ابد ما كايله لاحد .. اني احس ميرنا عايشة.. لان اني ما اكدر اعيش بدونها ..شلون عشت!! لان دا احسها عايشة ..يمكن لان عافتلي منال
رهف:اي يمكن لان منال موجودة
ام امير:عوف الموبايل شوية ..من الصبح لازم تلزمه ..مو احنا كاعدين يمك
رهف:يلا امير روح اكعد يم اهلك شوية
امير:اموت على احساسج ..باي
لكني لم اترك هاتفي بسرعة لكي لا يشعرو بذلك
_امير
رِن هاتفي كان المتصل اياد ابن عم ميرنا و ذلك بعد ان خرجت من البيت
امير:هلو يا بذات
اياد:هلو بيك هههه شلونك
امير:عايش و انت شلونك ليش مختفي
اياد:زين الحمد لله والله تدري شغل
امير:زين اتصلت عندي حجي وياك
اياد:يعني لو ما اني اتصل جان انت ما اتصلت مو😏😜
امير:هههه لا ولك بس دا انسى اخابرك
اياد:عن شنو؟
امير:بخصوص اريج
اياد:اني هم خابرتك علمودها
امير:خير ان شاء الله
اياد:ممكن اليوم العصر متروح للمحل!!
امير:خو تعال للمحل
اياد:لا عندي شغل وياك بالبيت ..يعني ببيتكم
امير:اي هلا بيك اوك اليوم ما اروح
اياد:خابر وسام و زوجته همات خلي يجون ..بس اريد شغلة
امير:كول
اياد:اريد محد من اهل البيت يدري احنا راح نجي ..يعني نجيكم فجأة
امير:انت شنو الي تريد تحصله؟
اياد:اريد كل واحد يتصرف طبيعي ..لان دائماً اذا الناس يجوهم خطار يرتبون و يعدلون و يكعدون ينتظرون ..اني ما اريد همة ينتظرونه و حتى من نجي لا تصيح احد
امير:اوك مثل متريد
